ជំងឺមហារីកថ្លើមគឺជាជំងឺមហារីកដែលចាប់ផ្តើមនៅក្នុងកោសិកាថ្លើមរបស់អ្នក។ ថ្លើម ជាសរីរាង្គដែលស្ថិតនៅក្នុងផ្នែកខាងស្ដាំផ្នែកខាងលើនៃពោះរបស់អ្នកខាងក្រោមសាច់ដុំសន្ទះទ្រូង(Diaphragm)របស់អ្នក និងនៅពីលើ ក្រពះរបស់អ្នក។ មិនមែនជំងឺមហារីកទាំងអស់ដែលប៉ះពាល់ដល់ថ្លើមត្រូវបានចាត់ ទុកថាជាជំងឺមហារីកថ្លើមនោះទេ។
ជំងឺមហារីកដែលចាប់ផ្តើមនៅក្នុងតំបន់ផ្សេងទៀត នៃរាងកាយដូចជាមហារីកពោះវៀន សួត ឬសុដន់ហើយបន្ទាប់មករាលដាលទៅថ្លើម ត្រូវបានគេហៅថាជាជំងឺមហារីករាលដាល(metastasis)ជាជាងជំងឺមហារីកថ្លើមខ្លួនឯងតែម្តង។ ប្រភេទនៃជំងឺមហារីកនេះត្រូវបានដាក់ឈ្មោះទៅតាមសរីរាង្គវាបានចាប់ ផ្តើមដូចជាជំងឺមហារីកពោះវៀនធំរាលដាល(Metastasis colon cancer) ដែលបាន ន័យថាជាជំងឺមហារីកដែលចាប់ផ្តើមនៅពោះវៀនធំ និងរាលដាលទៅថ្លើម។
ក្រិនថ្លើម គឺជាការមានស្លាកស្នានៅលើថ្លើមហើយវាបង្កើនហានិភ័យនៃជំងឺមហារីកថ្លើម។ អ្នកអាចកាត់បន្ថយការប្រឈមនៃការក្រិនថ្លើមរបស់អ្នកប្រសិនបើអ្នក:
- ញ៉ាំគ្រឿងស្រវឹងក្នុងកម្រិតមធ្យមប្រសិនបើមិនអាចបញ្ឈប់បានៈ ប្រសិនបើអ្នក ជ្រើសដើម្បីញ៉ាំគ្រឿងស្រវឹងកំណត់ចំនួនដែលអ្នកត្រូវញ៉ាំ។ សម្រាប់ស្ត្រីនេះ មានន័យថាមិឲច្រើនជាង១កំប៉ុងក្នុងមួយថ្ងៃ។សម្រាប់បុរសនេះមានន័យថាមិនអោយលើសពីពីរកំប៉ុងក្នុងមួយថ្ងៃ។
- រក្សាទម្ងន់ដែលមានសុខភាពល្អ។ ប្រសិនបើទំងន់បច្ចុប្បន្នរបស់អ្នកមាន សុខភាពល្អធ្វើការរក្សាវាដោយជ្រើសយករបបអាហារដែលមានសុខភាពល្អ និងហាត់ប្រាណអោយបានច្រើនថ្ងៃក្នុង១សប្តាហ៍។ ប្រសិនបើអ្នកត្រូវសម្រកទម្ងន់ កាត់បន្ថយចំនួនកាឡូរីដែលអ្នកបរិភោគជារៀងរាល់ថ្ងៃ និងបង្កើនចំនួននៃ ការធ្វើលំហាត់ប្រាណដែលអ្នកបានធ្វើ។ សម្រកទម្ងន់យឺតៗ០.៥ទៅ១ គីឡូក្រាមជារៀងរាល់សប្តាហ៍។
- ប្រុងប្រយ័ត្ននឹងសារធាតុគីមី សូមអនុវត្តតាមការណែនាំរបស់សារធាតុគីមីដែល អ្នកប្រើនៅផ្ទះ ឬនៅកន្លែងការងារ៕