ជំងឺនោមទាស់ គឺជាការដែលអ្នកមានអារម្មណ៍ចង់ទៅបត់ជើងតូចចោល ប៉ុន្តែអ្នកមិនអាចបញ្ចេញវាបានអស់ ឬ បានតិចតួច ដែលជាហេតុធ្វើឱ្យអ្នកនៅតែមានអារម្មណ៍ចង់ទៅបន្ទប់ទឹកដដែល ហើយវាក៏អាចបង្កជាការឈឺ ឬផ្សាផងដែរ ។ វាអាចបង្កដោយសារតែមូលហេតុជាច្រើន ហើយការដែលទុកវាចោលមិនព្យាបាលក៏អាចបង្កជាផលអាក្រក់មួយចំនួនផងដែរ ដូចជា៖
- មានការឆ្លងមេរោគឬការរលាកនៅផ្លូវបង្ហូរទឹកម៉ូត ទឹកនោមជាធម្មតាគឺមិនមានមេរោគទេ និង លំហូរធម្មតានៃទឹកនោមជាធម្មតាវាបានរារាំងមិនឱ្យបាក់តេរីមានការរីកលូតលាស់នៅក្នុងបំពង់បង្ហូរនោម។ ពេលទឹកនោមមានការចាល់នៅក្នុងប្លោកនោម ទោះជាយ៉ាងណាគឺធ្វើឱ្យបាក់តេរី មានឱកាសដើម្បីរីកលូតលាស់និងអាចបង្កជាជំងឺរលាកផ្លូវបង្ហូរទឹកម៉ូតបាន។
- បង្កជាការខូចខាតទៅលើផ្លោកនោម ប្រសិនបើប្លោកនោម មានការ លាតសន្ធឹង ឬរីកធំពេក ឬសម្រាប់ រយៈពេលវែង សាច់ដុំអាចត្រូវបាន ខូចខាតជាអចិន្ត្រៃយ៍ និងអាចបាត់បង់សមត្ថភាពរបស់ខ្លួនវាក្នុងការកន្ត្រាក់ដើម្បីបញ្ចេញទឹកនោម។
- មានជំងឺតម្រងនោមរ៉ាំរ៉ៃ ប្រសិនបើទឹកនោមអាចចាល់ឡើងរហូតចូលទៅក្នុងតម្រងនោម នោះវានិងអាចបង្កជាការខូចតម្រងនោម ដែលអាចនាំឱ្យមានការថយចុះមុខងារនៃតម្រងនោម និងបង្កជាជំងឺតម្រងនោមរ៉ាំរ៉ៃ។ ប្រសិនបើអ្នកបាត់បង់មុខងារនៃតម្រងនោមរបស់អ្នក នោះអ្នកនឹងអាចត្រូវការការលាងឈាម ឬ ប្តូរតម្រងនោម ដើម្បីឱ្យអ្នកអាចមានជីវិតរស់នៅបានយូរ៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង
