Join with Health.com.kh on Telegram

​កូនកណ្តុរ​រីក​ធំ​ជា​ធម្មតា​កើតមានឡើង​ជា​លទ្ធផល​នៃ​ការបង្ក​រោគ​ដោយ​វីរុស ឬ បាក់តេរី​។ ពេល​ដែល​កូនកណ្តុរ​រីក​ធំ​ដែល​ត្រូវ​បាន​បង្កឡើង​ដោយ​ការឆ្លង​មេរោគ​ណា មួយ​នេះ​ត្រូវបាន​គេ​ហៅថា​ជាការ​រលាក​កូនកណ្តុរ​(lymphadenitis)​។ វា​ជា​រឿង​កម្រ ដែល​កូនកណ្តុរ​រីក​ធំ​ត្រូវ​បាន​បង្កឡើង​ដោយ​ជំងឺមហារីក​។​

​កូន​កណ្តុរ​(Lymph None) គឺជា​ដុំ​តូច ឬ​ជា​ចង្កោម​មាន​រាង​ដូច​គ្រាប់សណ្តែក​ដែល​គ្របដណ្តប់​ដោយ​ភ្នាស​នៃ ជាលិកា​សន្ធាន​(CT)​។ កោសិកា​នេះ​គឺ​រួមបញ្ចូល​គ្នា​នៃ​កោសិកា​លាំ​ម​ហ្វូ​ស៊ីត (lymphocytes)​ដែល​ផលិត​ប្រូតេអ៊ីន​ភាគល្អិត​តូចៗ​ដែល​ចាប់​យក​ដូចជា​វីរុស ហើយ​កោសិកា​សម្រាប់​ស៊ី​មេរោគ​(Macrophages)​ដែល​មាន​នាទី​ក្នុងការ​បំបែក​សារធាតុ​របស់​មេ​រោគ​ដែល​វា​ចាប់យក​។ កូនកណ្តុរ​មាន​ទីតាំង​ស្ថិតនៅ​ជា​ក្រុមៗ​ហើយ​ក្រុម នីមួយ​បង្ហូរ​ទឹករងៃ​ពី​តំបន់​ជាក់លាក់​នៃ​រាងកាយ​របស់​អ្នក​។

អ្នក​ទំនងជា​នឹង​អាច​កត់សម្គាល់​នៅតាម​តំបន់​មួយចំនួន​ដូចជា​កូនកណ្តុរ​នៅ​ក​ស្ថិតនៅក្រោម​ចង្កា នៅក្នុង​ក្លៀក និង​នៅ​ត្រង់​ក្រលៀន​របស់​អ្នក​។ តំបន់​បណ្តាញ​នៃ​កូនកណ្តុរ​ដែល​បាន​រីក​ធំ​អាច​ជួយ​កំណត់​មូលហេតុ​បាន​។ ប្រសិនបើ កូនកណ្តុរ​របស់​អ្នក​ឡើង​ហើម​តឹង ឬ​ឈឺចាប់​អ្នក​អាច​ទទួល​បាន​ភាព​ធូរស្រាល​ដោយ ធ្វើ​ដូច​ខាងក្រោម​នេះ​៖

  • ស្អំ​របស់​ក្តៅៗ ស្អំ​អ្វី​ដែល​ក្តៅ​ហើយ​សើ​ម ដូចជា​កំណាត់​ត្រាំ​ទឹ​កក្តៅ ហើយ​យក​ចេញ​ទៅ​ស្អំ​លើ​តំបន់​ដែល​រង​ផលប៉ះពាល់​។​
  • ប្រើ​ថ្នាំ​បំបាត់​ការឈឺចាប់  ថ្នាំ​បំបាត់​ការឈឺចាប់​ដូច​ជា​ថ្នាំ​អាស្ពីរីន​(Aspirin)  អ៊ី​ប៊ុយ​ព្រូ​ហ្វីន​(ibuprofen ដូចជា Advil  Motrin IB ឬ​ផ្សេងទៀត​) និង​ថ្នាំ ពពួក​អា​សេ​តា​មី​ណូ​ហ្វេន​(Acetaminophen​ដូចជា​Tylenol ឬ​ផ្សេងទៀត​) អាច​ជួយ​កាត់បន្ថយ​ការឈឺចាប់ និង​គ្រុណក្តៅ​បាន​។ កុំ​អោយ​កូន​របស់​អ្នក ដោយ​គ្មាន​ការពិគ្រោះ​យោបល់​អំពី​ថ្នាំ​អាស្ពីរីន​ជា​មួ​វេជ្ជបណ្ឌិត​របស់​អ្នក​អោយ​សោះ​។​
  • សំរាក​អោយបាន​គ្រប់គ្រាន់ៈ អ្នក​ជា​ញឹកញាប់​ត្រូវការ​សម្រាក​ដើម្បី​ជួយ​ដល់ ការ​ជាសះស្បើយ​វិញ​ពី​ស្ថានភាព​ជំងឺ​នេះ​៕