ការពុលស្រាគឺមានសភាពធ្ងន់ធ្ងរណាស់ ហើយពេលខ្លះអាចធ្វើឲ្យស្លាប់ទៀតផងដែលអាចមកពីការញ៉ាំស្រាក្នុងបរិមាណច្រើនហើយ ក្នុងរយ:ពេលខ្លី(ញ៉ាំលឿនពេក)។ ញ៉ាំស្រាច្រើនហើយរហ័សពេកអាចប៉ះពាល់ដល់ការដកដង្ហើម ចង្វាក់បេះដូង សីតុណ្ហាភាពរាងកាយក្អួត ហើយអាចមានឥទ្ធិពលនាំឲ្យសន្លប់ និងស្លាប់បាន។
ការពុលស្រាក៏អាចកើតមានឡើងផងដែរនៅពេលដែលមនុស្សពេញវ័យ ឬកុមារដោយចៃដន្យ ឬដោយចេតនាផឹកនូវផលិតផលដែលមានជាតិអាល់កុលដែលប្រើប្រាស់ក្នុងផ្ទះ។
មនុស្សដែលមានការពុលស្រាត្រូវការជាចាំបាច់នូវការយកចិត្តទុកដាក់ពីគ្រូពេទ្យជាបន្ទាន់។ ប្រសិនបើអ្នកសង្ស័យថានរណាម្នាក់មានការពុលស្រាសូមទាក់ទង់ទៅគ្រូពេទ្យសង្គ្រោះបន្ទាន់ ឲ្យបានឆាប់បំផុត។
ផលវិបាកធ្ងន់ធ្ងរអាចបណ្តាលមកពីការពុលស្រារួមមាន :
- ឈប់ដកដង្ហើម ដោយសារស្រូបយកកំអួតចូលទៅក្នុងសួតរបស់អ្នកដោយចៃដន្យ អាចនាំឲ្យមានការរំខានដ៏គ្រោះថ្នាក់ដល់ការដកដង្ហើម។
- ការខ្វះជាតិទឹកធ្ងន់ធ្ងរ ការក្អួតអាចបណ្តាលឲ្យមានការខ្វះជាតិទឹកដ៏ធ្ងន់ធ្ងរដែលនាំឲ្យសម្ពាធឈាមចុះទាប និងធ្វើឲ្យបេះដូងលោតញាប់។
- ប្រកាច់ កម្រិតជាតិស្ករក្នុងឈាមរបស់អ្នកអាចធ្លាក់ចុះទាប គ្រប់គ្រាន់ដែលអាចបណ្តាលឲ្យប្រកាច់បាន។
- ត្រជាក់ខ្លួនខ្លាំង(Hypothermia) សីតុណ្ហាភាពរាងកាយរបស់អ្នកអាចធ្លាក់ចុះទាប ដូច្នេះវានាំឲ្យគាំងបេះដូង។
- ខូចខាតខួរក្បាល ញ៉ាំស្រាច្រើនពេកអាចបណ្តាលឲ្យមានការខូចខាតខួរក្បាល។
- ស្លាប់ បញ្ហាខាងលើនេះអាចបណ្តាលឲ្យស្លាប់បាន៕