Join with Health.com.kh on Telegram

​ការ​រលាក​ត្រូវបាន​បែងចែក​ជា​ចំណាត់ថ្នាក់​របស់​វា​ដោយ​ផ្អែក​ទៅតាម​ជម្រៅ​នៃ​ការ​រលាក​ដូចជា​៖

​ការ​រលាក​កម្រិត​ទី​១

​នេះ​គឺជា​កម្រិត​នៃ​ការ​រលាក​សើរ​ស្បែក​។ ការ​រលាក​ស្បែក​ដោយសារ​កម្តៅថ្ងៃ​ច្រើនតែ​ត្រូវបាន​ចាត់ទុក​ថា​ជាការ​រលាក​កម្រិត​ទី​១​។ ការ​រលាក​នេះ​អាច​សម្គាល់​ដឹង​តាមរយៈ​ការ ឈឺចាប់​, ស្បែក​ឡើង​ក្រហម និង​មាន​ហើម​តិចតួច​។ ពេល​ស្ទាប់​ស្បែក​កន្លែង​រលាក​នោះ​ប្រហែលជា​មាន​លក្ខណៈ​តឹង​ខ្លាំង​។​

ការ​រលាក​កម្រិត​ទី​២
​នេះ​គឺជា​កម្រិត​នៃ​ការ​រលាក​ជ្រៅ​ជាង​មុន​បន្តិច​។ ចំពោះ​រោគសញ្ញា​របស់​វា​មានដូចជា ឈឺចាប់​, ស្បែក​ឡើង​ក្រហម និង​មើលឃើញ​ដូច​រលាក ព្រមទាំង​ចេញ​ពងទឹក​ថែមទៀត​ផង​។

​ការ​រលាក​កម្រិត​ទី​៣
​កម្រិត​នៃ​ការ​រលាក​មួយ​ប​នេះ​គឺ​ជ្រៅ​ជាងគេ​បង្អស់​តែម្តង គឺ​មាន​ការចូលរួម​ដោយ​គ្រប់​ស្រទាប់​ស្បែក​ទាំងអស់ និង​អាច​អោយ​ស្បែក​ដែល​រលាក​នោះ​ងាប់​បាន​ទៀត​ផង​។ ដោយសារ​តែ​សរសៃប្រសាទ និង​សរសៃឈាម​ត្រូវ​បាន​ខូចខាត​ដែរនោះ ការ​រលាក​កម្រិត​ទី​៣​នេះ​ធ្វើអោយ​យើង​ឃើញ​ជា​ពណ៌​សៗ និង​ស្បែក​ដូច​ជា​សត្វ ព្រមទាំង​អត់​ឈឺចាប់​ទៀតផង​។

​ការ​រលាក​ក្នុង​កម្រិត​ទី​១​រយៈពេល​ពីរ​បី​ម៉ោង​ប្រហែល​ជា​អាច​រាលដាល​ទៅ​រចនាសម្ព័ន្ធ​ជ្រៅ​ជាង​នេះ​ថែម​ទៀត ព្រមទាំង​ក្លាយទៅជា​កម្រិត​ទី​ពីរ​ទៀត​ផង​។ ចូរ​គិត​អំពី​ការ​រលាក​ដោយ​កម្តៅថ្ងៃ​ដែល​ធ្វើអោយ​មាន​បញ្ហា​ពងទឹក​នៅ​ថ្ងៃ​បន្ទាប់​។ ដូចគ្នានេះដែរ ការ​រលាក​កម្រិត​ទី​ពីរ​ប្រហែលជា​អាច​រាលដាល​ទៅ​ទៅ​ជា​កម្រិត​ទី​បី​ទៀត​ផង​។

​បើ​យើង​និយាយ​អំពី​ការ​រលាក​គ្រប់​ប្រភេទ​វិញ​គឺថា វា​សុទ្ធតែ​មាន​ការ​រលាក និង​ពងទឹក​នៅក្នុង និង​ជុំវិញ​កន្លែង​របួស​នោះ​ទាំងអស់​។ លើសពីនេះទៅទៀត វា​គួរតែ​ស្គាល់​ដឹងថា ស្បែក​គឺជា​របាំង​ការពារ​របស់​រាងកាយ​ដំបូង​សម្រាប់​ប្រឆាំង​នឹង​ការបង្ក​រោគ​។ ការ​រលាក​ក៏​ជា​យន្តការ​មួយ​ធ្វើអោយ​ស្បែករ​ហែក​បាន​ដែរ ហើយ​ការ​ប្រឈម​នឹង​ការបង្ក​រោគ​នឹង​កើតមាន​ទាំង​នៅ​កន្លែង​មាន​របួស និង​រាងកាយ​។

​មានតែ​ស្រទាប់​លើ​គេ​បង្អស់​របស់​ស្បែក​ទេ​ដែល​មាន​សមត្ថភាព​ដុះ​លូតលាស់​ឡើងវិញ​ដោយ​ខ្លួនឯងបាន​។ ការ​រលាក​ដែល​ឈាន​ដល់​ជ្រៅៗ​ប្រហែល​ជា​ធ្វើអោយ​មាន​របួស​ជាប់​រហូត និង​សន្លាក​បាន ហើយ​វា​ក៏​មិន​អាច​ធ្វើអោយ​ស្បែក​នៅ​កន្លែង​នោះ​វិល​មក​រក​មុខងារ​ធម្ម​តា​វិញ​បានដែរ​៕