Join with Health.com.kh on Telegram

​ជំងឺថ្លើម​ដែល​បណ្តាល​មកពី​ការប្រើប្រាស់​គ្រឿង​ស្រវឹង​កើតមានឡើង​បន្ទាប់​ពី​ការប្រើប្រាស់​គ្រឿង​ស្រវឹង​ច្រើន​អស់​រយៈពេល​ជាច្រើន​ឆ្នាំ​។ គ្រឿង​ស្រវឹង​អាច​បង្ក​ឱ្យ​មាន​ការ​រលា​ក​ដល់ កោសិកា​ថ្លើម​។ ការ​រលាក​នេះ​កើតមាន​ក្នុង​រយៈពេល​យូរ​អាច​នឹង​បង្ក​អោយមាន​ស្លាកស្នាម ក្នុង​ថ្លើម និង​អាច​ធ្វើអោយ​ក្រិន​ថ្លើម​បាន​ផង​ដែរ​។ ក្រិន​ថ្លើម​គឺជា​ដំណាក់កាល​ចុងក្រោយ នៃ​ជំងឺថ្លើម​ដែល​មក​ពី​ការប្រើប្រាស់​គ្រឿង​ស្រវឹង​នេះ​។​


​ជំងឺថ្លើម​មកពី​ការប្រើប្រាស់​គ្រឿង​ស្រវឹង​មិន​កើត​ឡើង​នៅលើ​អ្នក​ប្រើ​គ្រឿង​ស្រវឹង​ទាំងអស់​នោះ​ទេ​។ ឱកាស​នៃ​ការកើត​ជំងឺថ្លើម​វា​អាស្រ័យ​ទៅលើ​តើ​អ្នក​ប្រើ​គ្រឿង​ស្រវឹង​យូរ និង ច្រើន​ប៉ុណ្ណា​។


​ជំងឺ​នេះ​ហាក់ដូចជា​កើតមាន​ច្រើន​នៅក្នុង​ក្រុម​គ្រួសារ​មួយចំនួន​។ ស្ត្រី​អាច​នឹង​ទំនងជា មាន​បញ្ហា​ច្រើន​ជាង​បុរស​។​


​នេះ​ជា​ផ្នែក​មួយ​ដ៏​សំខាន់​បំផុត​នៃ​ការព្យាបាល​គឺ​បញ្ឈប់​ការប្រើ​គ្រឿង​ស្រវឹង​ទាំងស្រុង​តែម្តង​។ ប្រសិនបើ​ក្រិន​ថ្លើម មិន​ទាន់​កើត​ឡើង​នៅឡើយ ហើយ​ថ្លើម​អាច​ជា​សះស្បើយ​ប្រសិនបើ​អ្នក ឈប់​ប្រើប្រាស់​គ្រឿង​ស្រវឹង​ទាំងស្រុង​។​


​ការផ្តល់​ប្រឹក្សា​អាច​មាន​ភាពចាំបាច់​ដើម្បី​បញ្ឈប់​ការ​ញៀន​គ្រឿង​ស្រវឹង​។ វីតាមីន​ជាពិសេស ជាពិសេស វីតាមីន​B complex និង​vitamin B9​អាច​ជួយ​ដល់​ការ​កង្វះ​អាហារូបត្ថម្ភ​។​


​ប្រសិនបើ​ក្រិន​ថ្លើម​បាន​កើតមាន​រួចទៅហើយ អ្នក​ត្រូវ​គ្រប់គ្រង​ផលវិបាក​នៃ​ការ​ក្រិន​ថ្លើម​នេះ​។ អ្នក​ប្រហែលជា​ត្រូវ​ការប្តូរ​ថ្លើម ប្រសិនបើ​ភាគច្រើន​នៃ​ថ្លើម​ត្រូវ​បាន​ខូចខាត​៕