ជំងឺហឺតគឺជាជំងឺសួតមួយប្រភេទដែលធ្វើអោយមានការរំខានដល់ការដកដង្ហើម។ វាអាចបង្កទៅជារឿងធ្ងន់ធ្ងរ, មានបញ្ហាដកដង្ហើមលឺសូរដូចហួចម្តងៗ និងពិបាកដកដង្ហើម ដែលសញ្ញាទាំងអស់នេះត្រូវបានគេស្គាល់ថាជាការធ្វើទុក្ខរបស់ជំងឺហឺត។ អ្វីដែលជាបញ្ហានៃរឿងនេះគឺដោយសារតែការរលាកលើបំពង់ផ្លូវដង្ហើមរ៉ាំរ៉ៃ។ ខណៈពេលដែលមិនមានការព្យាបាលអោយជាដាច់នោះ គេក៏មានវិធីសាស្ត្រដ៏មានប្រសិទ្ធភាពខ្ពស់ៗជាច្រើនសម្រាប់ធ្វើអោយរោគសញ្ញាជំងឺហឺតនោះស្ងប់ស្ងាត់ទៅវិញបាន។
រោគសញ្ញានៃការធ្វើទុក្ខរបស់ជំងឺហឺតមានដូចជា៖
• ដកដង្ហើមលឺសូរដូចហួច
• ការក្អកជាប់រហូត
• ពិបាកដកដង្ហើម
• តឹងទ្រូង
ក្នុងករណីធ្ងន់ធ្ងរ ការធ្វើទុក្ខរបស់ជំងឺហឺតដែលមិនបានព្យាបាលអាចគំរាមគំហែងដល់អាយុជីវិតមនុស្សបាន។
ពេលដែលត្រូវការការព្យាបាលបន្ទាន់
ការធ្វើទុក្ខរបស់ជំងឺហឺតមួយចំនួនទាមទារអោយមានការព្យាបាលបន្ទាន់ក្នុងករណីដូចជា៖
• ពិបាកដកដង្ហើមខ្លាំងពេលដើរ ឬនិយាយ
• បរបូរមាត់ ឬក្រចកដៃទៅជាពណ៌ស្វាយ
• ការប្រើថ្នាំហឺតលែងមានប្រសិទ្ធភាព
ទាំងនេះគឺជារោគសញ្ញាដែលរាងកាយរបស់អ្នកកំពុងតែមិនអាចទទួលបានអុកស៊ីសែនគ្រប់គ្រាន់ ដូច្នេះការព្យាបាលបន្ទាន់អាចបើកផ្លូវដង្ហើម និងស្តារអុកស៊ីសែនមកធម្មតាវិញបាន៕