ត្រសក់គឺជាបន្លែមួយប្រភេទដែលមានការដាំដុះនៅទូទាំងពិភពលោក។ ក្នុងត្រសក់មានជាតិខ្លាញ់ និងកាឡូរីទាប ប៉ុន្តែមានជាតិរ៉ែ និងវីតាមីនច្រើន។ ខាងក្រោមនេះគឺជាអត្ថប្រយោជន៍មួយចំនួនដែលត្រសក់មានចំពោះសុខភាពមនុស្សយើង។
- ត្រសក់ជាប្រភពរបស់វីតាមីន B។ ត្រសក់មានជាតិទឹក ៩៥ភាគរយដែលជួយអោយរាងកាយមានជាតិទឹកគ្រប់គ្រាន់ និងបញ្ចេញជាតិពុលពីក្នុងខ្លួនទៀតផង។
- ត្រសក់អាចដឹកជញ្ជូនវីតាមីនទាំងអស់ដែលរាងកាយត្រូវការក្នុងមួយថ្ងៃបាន។
- ត្រសក់អាចប្រើប្រាស់សម្រាប់ការរលាកពីកម្តៅព្រះអាទិត្យ និងការរលាកផ្សេងៗបាន។ ចូរចិតត្រសក់ជាចំណិតៗ ហើយយកមកដាក់ពីលើភ្នែក។ មូលហេតុដែលធ្វើបែបនេះគឺដោយសារតែវាមានសមាធាតុជាប្រឆាំងនឹងការរលាកដែលជួយកាត់បន្ថយអាការៈហើមភ្នែកបាន។
- សារធាតុស៊ីលីកូន និងសុលផួ ដែលមានក្នុងត្រសក់ជួយធ្វើអោយសក់លូតលាស់បាន។
- ត្រសក់ជួយកាត់បន្ថយការប្រឈមនឹងជំងឺមហារីកបានច្រើនប្រភេទដូចជា មហារីកសុដន់, មហារីកក្រពេញអូវ៉ែ, មហារីកក្រពេញប្រូស្តាត និងមហារីកស្បូន។
- ដើម្បីកុំអោយឈឺក្បាលនៅពេលព្រឹក ចូរញ៉ាំត្រសក់មុនពេលចូលដេកនៅពេលយប់។ ត្រសក់ផ្ទុកទៅដោយវីតាមីន B សម្រាប់ជួយជំនួសដល់ជីវជាតិសំខាន់ៗជាច្រើន និងកាត់បន្ថយអាការៈឈឺក្បាលនៅពេលព្រឹកបានទៀត។
- ដោយសារតែវាមិនសូវមានកាឡូរី តែមានជាតិទឹកច្រើន ដូច្នេះវាគឺជារបបអាហារដ៏មានប្រសិទ្ធភាពមួយសម្រាប់សម្រកទម្ងន់។
- ត្រសក់ផ្ទុកទៅដោយសារធាតុមួយប្រភេទដែលជាតម្រូវការសម្រាប់កោសិការលំពែងដើម្បីបង្កើតជាអាំងស៊ុយលីនក្នុងរាងកាយ ដូច្នេះវាពិតជាមានប្រយោជន៍ចំពោះអ្នកជំងឺទឹកនោមផ្អែម។
- ការស្រាវជ្រាវបានអះអាងថា ត្រសក់ក៏ប្រហែលជាជួយបន្ថយកូឡេស្តេរ៉ុលក្នុងឈាមបាន។
- ត្រសក់ផ្ទុកទៅដោយជាតិប៉ូតាស្យូម, ម៉ាញ៉េស្យូម និងជាតិសរសៃ ដែលវាមានប្រយោជន៍ក្នុងការគ្រប់គ្រងសម្ពាធឈាម។ ត្រសក់អាចគ្រប់គ្រងទាំងសម្ពាធឈាមខ្វះ និងសម្ពាធឈាមលើស។
- ត្រសក់អាចជួយធ្វើអោយក្រចក និងសក់រលោងបានដោយសារតែវាផ្ទុកទៅដោយជាតិរ៉ែមួយប្រភេទឈ្មោះថា ស៊ីលីកា សម្រាប់ធ្វើអោយសក់កាន់តែរឹងមាំ និងភ្លឺរលោង។
- ត្រសក់ជួយបន្ថយកម្រិតអាស៊ីតអ៊ុយរិក និងថែរក្សាតម្រងនោមអោយបំពេញមុខងារបានយ៉ាងល្អ។
- ទឹកត្រសក់ជួយអោយអញ្ចាញធ្មេញដែលមានជំងឺឆាប់ជា និងធ្វើអោយមាត់មានភាពស្រស់ថ្លា
- ប្រហែលជាអាចជួយព្យាបាលជំងឺគ្រួសក្នុងតម្រងនោមបាន៕
