ប្រសិនបើអ្នកមានការនោមក្រហាម ឬឈឺ, វាអាចមានបញ្ហាមួយចំនួន។ ភាពដែលអាចកើតមានឡើងនោះគឺ អ្នកមានជំងឺរលាកប្លោកនោម ប៉ុន្តែវាក៏អាចបណ្តាលមកពីជំងឺដទៃទៀតដែរដូចជា ជំងឺកាមរោគជាដើម។
ជំងឺរលាកប្លោកនោមទំនោរជាកើតមានចំពោះស្ត្រីដែលមានការរួមភេទ។ ជារឿយៗ, ជំងឺរលាកប្លោកនោមគឺបណ្តាលមកពីបាក់តេរីចូលទៅក្នុងបំពង់បង្ហួរនោម។
ការធ្វើដូចខាងក្រោមនេះនឹងជួយអ្នកបន្ថយឪកាសក្នុងការវិវត្តទៅជាជំងឺរលាកប្លោកនោមៈ
- កុំប៉ះទ្វារមាសជាមួយនឹងអ្វីដែលបានប៉ះជាមួយនឹងរន្ធគូថ ដូចជា ស្រោមអនាម័យ, សំលីអនាម័យ, ម្រាមដៃជាដើម
- លាងសម្អាតពីមុខទៅក្រោយ ក្រោយពីចេញពីបន្ទប់ទឹក
- នោមភ្លាមៗមុន និងក្រោយរួមភេទ
- ផឹកទឹកអោយបានច្រើន
ជំងឺកាមរោគអាចមានរោគសញ្ញាស្រដៀងទៅនឹងជំងឺរលាកប្លោកនោមដែរ។ អាស្រ័យទៅលើសរីៈដែលបង្កវា, អ្នកអាចមានការក្រហាយ, ហូរទឹកតាមទ្វារមាស, ឈឺពោះ, ហូរឈាមមិនទៀងទាត់ ឬរោគសញ្ញាដទៃទៀត។
សូមប្រើស្រោមអនាម័យគ្រប់ពេលដែលអ្នករួមភេទដើម្បីការពារការឆ្លងជំងឺកាមរោគ។
ក្នុងករណីមួយចំនួន, រឿងល្អបំផុតដែលត្រូវធ្វើគឺពិនិត្យជាមួយនឹងគ្រូពេទ្យដែលអាចមើលពីមូលហេតុនៃរោគសញ្ញារបស់អ្នក។ វាជារឿងសំខាន់ដើម្បីទទួលបាននូវរោគវិនិច្ឆ័យ និងការព្យាបាលត្រឹមត្រូវ៕
