ជំងឺហឺតមានលក្ខណៈសម្គាល់តាមរយៈការរលាកទៅលើបំពង់ទងសួត ជាមួយនឹងការកើនឡើងនូវការបញ្ចេញសារធាតុស្អិតៗជាច្រើននៅក្នុងបំពង់នោះ។ អ្នកជំងឺហឺតច្រើនមានរោគសញ្ញានៅពេលផ្លូវដង្ហើមពួកគេតឹងថប់ដង្ហើម, រលាក ឬមានទឹករំអិលច្រើននៅក្នុងនោះ។ រោគសញ្ញារបស់ជំងឺហឺតដែលកើតមានជាញឹកញាប់មានដូចជា៖
- ក្អក ជាពិសេសនៅពេលយប់
- ដកដង្ហើមលឺសូរដូចហួច
- ពិបាកដកដង្ហើម
- តឹងទ្រូង, ឈឺ ឬ ដូចជាអ្វីមកសង្គត់
មិនមែនមនុស្សអ្នកជំងឺហឺតគ្រប់គ្នាសុទ្ធតែមានរោគសញ្ញាដូចៗគ្នាទាំងអស់នោះទេ។ អ្នកប្រហែលជាមិនមានរោគសញ្ញាទាំងនេះផង ឬមានរោគសញ្ញាខុសគ្នាទាំងអស់នៅពេលវេលាខុសគ្នាផងដែរ។ រោគសញ្ញាប្រហែលជាមានការប្រែប្រួលទៅតាមការធ្វើទុក្ខរបស់វានៅពេលក្រោយ អាចស្រាល ឬធ្ងន់។
អ្នកជំងឺហឺតខ្លះប្រហែលជាមានជំងឺនេះរហូតតែគ្មានរោគសញ្ញាអ្វីសោះ ឬមានពេលណាមួយអាការៈរោគសញ្ញាទៅជាខ្លាំងទៅវិញ ដែលនោះហើយគឺជាការធ្វើទុក្ខរបស់វា។ អ្នកខ្លះទៀតប្រហែលជាមានរោគសញ្ញាជារៀងរាល់ថ្ងៃ។ ជាមួយគ្នានេះដែរ មនុស្សមួយចំនួនគ្រាន់តែមានជំងឺហឺតនៅពេលហាត់ប្រាណ ឬមានការបង្ករោគដោយវីរ៉ុសដូចជាជំងឺផ្តាសាយជាដើម។
ជំងឺហឺតកម្រិតស្រាលជាទូទៅច្រើនតែកើតមានជាញឹកញាប់ជាង។ ជាធម្មតា ផ្លូវដង្ហើមត្រូវបើរពីពីរបីនាទី ទៅពីរបីម៉ោង។ ការធ្វើទុក្ខធ្ងន់ធ្ងរមិនសូវកើតមានជាញឹកញាប់ទេ តែកើតម្តងយូរៗ ហើយក៏ត្រូវការព្យាបាលអោយទាន់ពេលវេលាដែឬ។ យកល្អគួរតែសម្គាល់ និងព្យាបាលរោគសញ្ញាជំងឺហឺតទោះបីជាកម្រិតស្រាលក៏ដោយ ដើម្បីអាចជួយបង្ការកុំអោយឈានដល់កម្រិតធ្ងន់ធ្ងរ និងគ្រប់គ្រងជំងឺហឺតបានល្អ៕
