Join with Health.com.kh on Telegram

​វីតាមីន និង​សារធាតុ​រ៉ែ​មួយចំនួន អាច​ដើរតួនាទី ក្នុង​ការជួយ​ឲ្យ​ឆាប់​មានកូន​។ ទោះបីជា​យ៉ាងណា វិធី​ដ៏​ល្អ​បំផុត ដើម្បី​ទទួល​បាន​ការ​សារធាតុចិញ្ចឹម​ទាំងនេះ គឺ​ការទទួលបាន​ពី​របប​អាហារ ដែល​មាន​ដូចជា ៖

•​    ​ស័ង្កសី និង​សារធាតុ Selenium ដែល​ដើរតួនាទី​យ៉ាងសំខាន់ ក្នុងការ​មានគភ៌​។ កម្រិត​ទាប​នៃ​ជាតិ​ស័ង្កសី និង​សារធាតុ Selenium បាន​ធ្វើ​ឲ្យ​ធ្លាក់ចុះ គុណភាព​នៃ​មេ​ជីវិត​ឈ្មោល និង​កាត់បន្ថយ​សមត្ថភាពរ​បស់​មេ​ជីវិត​ឈ្មោល ក្នុងការ​ធ្វើ​ចលនា​។ ថ្នាំ​គ្រាប់​សារ​សារធាតុ Selenium អាច​ជួយ​កែលំអរ​គុណភាព នៃ​មេ​ជីវិត​ឈ្មោល និង​បង្កើន​ឱកាស​ក្នុង​ការ​មាន​ផ្ទៃពោះ​។​
​ប្រភព​អាហារ ដែល​មាន​សារធាតុ​ស័ង្កសី រួមមាន សាច់គោ​គ្មាន​ខ្លាញ់ សណ្តែក នំ​ដុត និង​សាច់មាន់​ខ្មៅ​។ សារធាតុ Selenium អាច​ត្រូវបាន​រកឃើញ នៅក្នុង​គ្រាប់​ធញ្ញជាតិ នំប៉័ង ត្រី សាច់​និង​ស៊ុត​។​

•​    ​វីតាមីន D ៖ ​ការសិក្សា​មួយ បាន​បង្ហាញ​ពី​ទំនាក់ទំនង រវាង​កម្រិត​វីតាមីន D និង​ការធ្វើ​ចលនា​របស់​មេ​ជីវិត​ឈ្មោល​។
​ការសិក្សា​បាន​បង្ហាញថា បុរស​ដែល​ខ្វះ​វីតាមីន D អាច​នឹង​មាន​មេ​ជីវិត​ឈ្មោល​តិចតួច​។ រាងកាយ​អាច​ទទួលបាន​វីតាមីន D តាមរយៈ​ការប៉ះពាល់​ជាមួយ​ពន្លឺព្រះអាទិត្យ ក៏​ដូច​ជា​ការ​ទទួលទាន​អាហារ​ដែល​មាន​ផ្ទុក​វីតាមីន D ដូចជា ត្រី​មាន​ជាតិ​ខ្លាញ់ និង​អាហារ​សំបូរ​ទៅដោយ​វីតាមីន D ដូចជា Margarine និង​គ្រាប់​ធញ្ញជាតិ​មួយចំនួន ដែល​មាន​ផ្ទុក​វីតាមីន D​។​

•​    ​Folate (​វីតាមីន B9) គឺ​មាន​សារៈសំខាន់​សម្រាប់​បុរស ដើម្បី​ធ្វើឲ្យ​មេ​ជីវិត​ឈ្មោល​មាន​សុខភាព​ល្អ និង​ការបង្កើត​ទម្ងង់​ពី​ធម្មជាតិ​នៃ​អាស៊ីតហ្វូលិ​ក​។ របប​អាហារ​ដែល​សម្បូរ​ទៅ​ដោយ​វីតាមីន បាន​ធ្វើឲ្យ​មេ​ជីវិត​ឈ្មោល​កើនឡើង​។ ប៉ុន្តែ អ្នក​មិន​ចាំបាច់​ទទួលទាន អាហារ​បំប៉ន​អាស៊ីតហ្វូលីក នោះទេ អ្នក​គ្រាន់តែ​បរិភោគ​អាហារ ដែល​សម្បូរ​ទៅដោយ​អាស៊ីតហ្វូលីក គឺ​បាន​ហើយ​។​ ​អាហារ​ដែល​សម្បូរ​ទៅ​ដោយ​អាស៊ីតហ្វូលីក រួមមាន បន្លែ​ពណ៌​បៃតង ដូចជា​ខាត់ណា ស្បៃ​ខ្មៅ សណ្ដែក​បណ្តុះ គ្រាប់​ធញ្ញជាតិ ដំឡូង និង​ក្រូច​។

•​    ​សារធាតុ​ប្រឆាំង​អុកស៊ីត​កម្ម អាច​នឹង​ធ្វើឲ្យ​ប្រសើរឡើង នូវ​គុណភាព​របស់​មេ​ជីវិត​ឈ្មោល ព្រោះថា​សា​ធាតុ​រ៉ាឌីកាល់​សេរី អាច​បណ្តាលឲ្យ​មាន​ការខូច​ខាត ភ្នាស​សិការ​បស់​មេ​ជីវិត​ឈ្មោល​។ វីតាមីន ដែល​ជា​សារធាតុ​ប្រឆាំង​អុកស៊ីតកម្ម មានដូចជា វីតាមីន A, C និង E ដែល​មាន​នៅក្នុង ផ្លែឈើ និង​បន្លែ​។ ការសិក្សា​មួយ​ចំនួន បានបង្ហាញ​ថា ប្រសិនបើ​អ្នក​អ្នក​ទទួល​ទាន​ថ្នាំ​គ្រាប់ វីតាមីន​ប្រឆាំង​អុកស៊ីត​កម្ម អ្នក​អាច​នឹង​បង្កើន​ឱកាស ក្នុង​ការ​មាន​ផ្ទៃពោះ​៕