Join with Health.com.kh on Telegram

ខាងក្រោម​នេះ​ជា​វិធីសាស្ត្រ​ហាត់ប្រាណ​ដែល​អាច​ជួយ​អ្នក​ក្នុង​ការ​សម្រក​ខ្លាញ់​ក្បាលពោះ ប៉ុន្តែ​វា​នឹង​មិន​មាន​ប្រសិទ្ធភាព​នោះទេ លុះត្រាតែ​អ្នក​ប្រាកដ​ថា​អ្នក​អាច​កាត់បន្ថយ​ការ​ទទួលទាន​កាបូន​អ៊ី​ដ្រាត​និង​ជា​តិខ្លាញ់​។​

​ ​នៅពេល​ដែល​អ្នក​ទទួល​ទានរ​បប​អាហារ​ដែល​ល្អ​ដល់​សុខភាព អ្នក​អាច​ចាប់ផ្តើម​គិត​ពី​ការ​ហាត់ប្រាណ​ដែល​ល្អ​បំផុត​ក្នុងការ​សម្រក​ខ្លាញ់​ក្បាលពោះ​។ ចំពោះ​ខ្លួន​ខ្ញុំ​ផ្ទាល់ ខ្ញុំ​នឹង​ប្រើ​វិធី​ហាត់ប្រាណ​បី​មុខ​ខាងក្រោម​នេះ​ដើម្បី​សម្រក​ក្បាលពោះ​របស់ខ្ញុំ​។​

១. ការ​បង្រួញ​ក្បាលពោះ​៖ វិធី​នេះ​ងាយស្រួល​ខ្លាំងណាស់​ហើយ​អ្នក​អាច​អនុវត្ត​នៅ​ទីណា​ក៏បាន​។ វិធី​នេះ​នឹង​ជួយ​អ្នក​ប្រមូល​កម្លាំង​ដែល​អ្នក​ត្រូវការ​សម្រាប់​ការអនុវត្ត​ចំណុច​បន្ទាប់ៗ​។ ក្នុង​ទម្លាប់​ប្រចាំថ្ងៃ​របស់​អ្នក អ្នក​គួរ​មាន​ទម្លាប់​ក្នុងការ​បង្រួញ​ក្បាលពោះ​របស់​អ្នក​នេះ ដោយ​ការ​បង្រួញ​ក្បាលពោះ​រយៈពេល​ពី ៥ ទៅ ១០​វិនាទី បន្ទាប់​មក​បញ្ចេញ​មក​ធម្មតា​វិញ​។​

២. ចំណុច​ទី​ពីរ​គឺ អ្នក​ត្រូវ​គេង​ផ្ងារ និង​ដាក់​ប្រអប់ដៃ​ទៅលើ​កម្រាល​ឥដ្ឋ ងាក​ទៅ​ជិត​ជើង​របស់​អ្នក​។ បន្ទាប់មក ពត់​ជង្គង់​របស់​អ្នក​ឡើង​លើ​យឺតៗ​ទៅកាន់​ដើមទ្រូង ហើយ​បន្ទាប់មក​ដាក់​ទៅ​កន្លែង​ដើម​វិញ​។​

៣. ចំណុច​ចុងក្រោយ​គឺ អ្នក​ត្រូវ​គេង​ផ្ងារ ហើយ​ដាក់​ដៃ​លើ​ភ្លៅ​របស់​អ្នក បន្ទាប់​មក​លើកខ្លួន​ផ្នែក​ខាង​លើ​របស់​អ្នក​ឡើង ៣០​ដឺ​ក្រេ​។ លើកឡើង​រយៈពេល ១ ទៅ ២ វិនាទី បន្ទាប់មក​ដាក់​ចុះ​ទៅ​កន្លែង​ដើម​វិញ​។​

​ ​ចំពោះ​វិធី​ហាត់ប្រាណ​ទាំងបី​ខាងលើនេះ ការបង្កើន​ការហ្វឹកហាត់​កាន់តែច្រើន នោះ​សាច់ដុំ​ពោះ​របស់​អ្នកនឹង​កាន់តែ​រឹង​ម៉ាំ​។​