តើអ្នកដឹងទេថាទម្លាប់ប្រចាំថ្ងៃរបស់អ្នកមួយចំនួនអាចប៉ះពាល់ដល់សុខភាពស្បែករបស់អ្នក? អ្នកអាចគិតថា វាជាការថែរក្សាសុខភាពឬសម្រស់ ផ្ទុយទៅវិញ វាមិនត្រឹមតែមិនជួយអ្នកនោះទេ វាថែមទាំងបំផ្លាញអ្នកទៅវិញ។ ចំណុចទាំង ៥ ខាងក្រោមនេះគឺជាកត្តាដែលអ្នកគួរជៀសវាង។
១. ការសូណា (sauna) ជាប្រចាំ។ ពេលដែលអ្នកសូណាញឹកញាប់ពេក ចំហាយទឹកក្តៅនឹងប្រឆាំងនឹងស្បែករបស់អ្នក ហើយអាចបង្ករឱ្យស្បែកចុះទ្រុឌទ្រោម។ ប្រសិនបើអ្នកចូលចិត្តការសូណា អ្នកមិនចាំបាច់បោះបង់វាចោលនោះទេ អ្នកគ្រាន់តែកាត់បន្ថយការសូណាទៅត្រឹមកម្រិតតិចបំផុតដែលអ្នកអាចធ្វើបាន។
២. ការនិយាយទូរស័ព្ទច្រើនពេកអាចបង្ករឱ្យកើតមានបាក់តេរី។ អ្នកត្រូវជូតសម្អាតស្បែករបស់អ្នកដោយទឹកឬជែលប្រឆាំងនឹងបាក់តេរីបន្ទាប់ពីពេលនិយាយទូរស័ព្ទរយៈពេលយូរ។
៣. កាហ្វេអាចស្បែកបាត់បង់ជាតិទឹក ដូច្នេះអ្នកគួរកាត់បន្ថយការទទួលទានកាហ្វេ។
៤. ការជក់បារីនិងផ្សែងបារី៖ ការត្រូវនឹងផ្សែងបារីយូរ នឹងបង្កើនល្បឿននៃការឆាប់ចាស់របស់ស្បែកនិងការបង្កើតភាពជ្រីវជ្រួញ។
៥. ការងូតយូរពេក នឹងលាងសម្អាតជាតិប្រេងសំខាន់ៗដែលស្បែកត្រូវការ។ ជាតិគីមីដែលកើតមានក្នុងទឹកនឹងនៅជាប់ជាមួយនឹងស្បែករបស់អ្នក។ អ្នកអាចងូតទឹកញយដងបាន ប៉ុន្តែត្រូវងូតក្នុងរយៈពេលខ្លីបានហើយ។