ដូចដែលសុភាពនារីទាំងអស់បានដឹងហើយថា ជំងឺមហារីកអាចឆក់យកជីវិតមនុស្សបាន។ ដូច្នេះវាជាការចាំបាច់ដែលយើងត្រូវយល់ដឹង អំពីកត្តាហានិភ័យទាំងអស់ហើយរៀបចំជីវិតមួយ ដែលចៀសវាងហានិភ័យទាំងអស់នោះ។ មានកត្តាហានិភ័យមួយចំនួនដែលនាំទៅដល់ជំងឺមហារីកមាត់ស្បូន។ ចូរយល់ដឹងអំពីកត្តាហានិភ័យខាងក្រោមនេះ។
- ការឆ្លងមេរោគ HPV : ប្រភេទមេរោគ HPV មួយចំនួនអាចបណ្តាលអោយមានការ ផ្លាស់ប្តូរកោសិកានៅក្នុងមាត់ស្បូន ។ ការផ្លាស់ប្តូរនេះអាចបណ្តាលអោយក្លាយជាឬនៅប្រដាប់បន្តពូជ , ការលូតលាស់ជាកោសិកាត្រៀមមហារីក (precancerous growths) ឬក៏មហារីក (cancer) ។
- អាយុ : ការប្រឈមមុខទៅនឹងជំងឺមហារីកមាត់ស្បូនកើនឡើងទៅតាមអាយុ ,ដែលច្រើនកើតលើស្ត្រីដែលមានអាយុចាស់ជាង ៤០ ឆ្នាំ ។ ទោះបីជាយ៉ាងណា ក៏ដោយ,ស្ត្រីវ័យក្មេងក៏អាចមានលេចចេញជាដំបៅរលួយមុនក្លាយជាមហារីក(precancerous lesions) ដែលទាមទារការព្យាបាល ដើម្បីការពារជំងឺមហារីក ។
- ការជក់បារី : ផ្សែងបារីមានផ្ទុកនូវសារធាតុគីមីដែលអាចបំផ្លាញកោសិកាក្នុងខ្លួន មនុស្សយើង ។ ការជក់បារីធ្វើអោយស្ត្រីប្រឈមមុខខ្លាំងទៅនឹងការវិវត្តជាការផ្លាស់ ប្តូរមុនមហារីក (precancerous changes) នៅតាមមាត់ស្បូន, ជាពិសេសចំពោះ ស្ត្រីដែលមានមេរោគ HPV ស្រាប់ ។
- រួមភេទនៅអាយុក្មេងវ័យ : មនុស្សស្រីដែលឆាប់ប្រឡូកក្នុងល្បែងស្នេហា និង ការរួមភេទក៏ប្រឈមមុខទៅនឹងជំងឺនេះផងដែរ ។ អ្នកស្រាវជ្រាវនៅមិនទាន់ច្បាស់ ទេថាតើហេតុអ្វី, ប៉ុន្តែ ពួកគេគិតថា មេរោគ HPV អាចងាយស្រួលចំលងនៅតាម មាត់ស្បូនរបស់ស្ត្រីក្មេងវ័យ ។
- មានដៃគូស្នេហាច្រើន : ស្ត្រីណាដែលមានដៃគូរួមភេទច្រើនងាយស្រួលក្នុងការវិវត្ត ទៅរកជំងឺមហារីកមាត់ស្បូន ។ មានដៃគូស្នេហាកាន់តែច្រើន, ឳកាសនៃការចំលង មេរោគ HPV ក៏រិតតែច្រើនដែរ ។
- ជំងឺកាមរោគ (STDs): ស្ត្រីដែលមានជំងឺកាមរោគអាចមានឳកាសកើតជំងឺមហារីក នេះច្រើន, ពីព្រោះតែឳកាសនៃការកើតមេរោគ HPV ក៏ច្រើនផងដែរ ។
- ប្រព័ន្ធភាពស៊ាំក្នុងខ្លួនទុនខ្សោយ : ស្ត្រីដែលមានផ្ទុកមេរោគហ៊ីវ (HIV positive) ឬ ប្រើប្រាស់ថ្នាំដើម្បីជួយប្រព័ន្ធភាពស៊ាំក្នុងរាងកាយ ដូចជា ស្ត្រីដែលមានការវះផ្លាស់ ប្តូរសរីរាង្គណាមួយ ឬ ក៏អ្នកដែលទទួលទានថ្នាំ steroids ក្នុងការព្យាបាលជំងឺអ្វីមួយ ផ្សេងៗទៀត, មានការប្រឈមមុខទៅនឹងជំងឺមហារីកមាត់ស្បូនខ្ពស់ ។
- កង្វះការធ្វើ Pap tests: ជំងឺមហារីកមាត់ស្បូននិយមកើតលើស្ត្រីដែលមិនបាន ទៅពិនិត្យ និង ធ្វើតេស្ត Pap tests ជាប្រចាំ ។ Pap test អាចជួយវេជ្ជបណ្ឌិតក្នុង ការស្វែងរកកោសិកាត្រៀមមហារីក (precancerous cells) ។ នៅក្នុងករណីជាច្រើន, ជំងឺមហារីកមាត់ស្បូនអាចព្យាបាលជាសះស្បើយ ឬ អាចការពារបាន ប្រសិនបើ ការផ្លាស់ប្តូរត្រៀមមហារីក (precancerous changes) ត្រូវបានគេរកឃើញទាន់ពេលវេលានៅដំណាក់កាលដំបូង ។
