តើអ្នកធ្លាប់មានអារម្មណ៍ល្ហិតល្អៃ អស់កំលាំងដែរឬទេ នៅកន្លែងធ្វើការ សាលា នៅផ្ទះ …ល។ ប្រសិនជាអ្នកធ្លាប់មានបទពិសោធន៍នឹងបញ្ហាទាំងអស់នេះ សូមសាកល្បងមធ្យោបាយដោះស្រាយតាមបែបធម្មជាតិដូចខាងក្រោមនេះ៖
១. ព្យាយាមមានទំនាក់ទំនងជាមួយពណ៌ស្រស់ថ្លាបែបធម្មជាតិ ទាំងអស់នេះឪ្យបានច្រើន ដូចជាព៌ណលឿង ទឹកក្រូច ស្វាយ និងស៊ីជំពូជាដើម ព្រោះពណ៌ទាំងអស់នេះអាចធ្វើឪ្យអារម្មណ៍របស់អ្នកមានភាពស្រស់ថ្លា តាមបែបធម្មជាតិ និងកាត់បន្ថយភាពតានតឹងជាដើម។ ដើម្បីឪ្យខ្លួនអ្នកមានឱកាសនៅជាមួយពណ៌ទាំងនេះគ្រប់ពេលវេលា អ្នកត្រូវតែធ្វើការតុបតែនៅកន្លែងធ្វើការ ជាពិសេសនៅក្នុងផ្ទះ ឬក៍កន្លែងណាដែលអ្នកចូលចិត្តចំណាយពេលវេលានៅ។
២. ក្លិនធម្មជាតិមួយចំនួនក៍អាចធ្វើឪ្យអ្នកមានកំលាំងបានដែរ ដូចជាកិ្លនក្រូចឆ្មា ក្រូច ជីអង្កាម ឬក៍ដើមយីហ៊ុប។ ដូច្នេះ អ្នកគួរតែសាកល្បងលាបប្រេងដែលមានក្លិនទាំងអស់នេះ នៅលើក៍ដៃរបស់អ្នក នៅពេលណាដែលអ្នកមានអារម្មណ៍ល្វើយ។
៣. សាកល្បងស្ករដែលមានរសជាតិក្រូចឆ្មា ពីព្រោះរស់ជាតិក្រូចឆ្មានេះធ្វើឪ្យសរសៃប្រសាទនៅក្នុងមាត់ បំពង់ក និងនៅក្នុងច្រមុះមានភាពសកម្ម និងដំណើរការបានទៅស្រួល ដែលមានឥទ្ឋិពលធ្វើឪ្យសកម្មភាពខួរក្បាលដំណើរការបានខ្ពស់។
៤. ទំពារស្ករកៅស៊ូៈ ការទំពារស្ករកៅស៊ូមិនត្រឹមតែកំដរការអផ្សុកទេ វាថែមទាំងអាចកាតបន្ថយភាពតានតឹងសាច់ដុំ និងធ្វើឪ្យប្រព័ន្ឋប្រសៃប្រសាទមានភាពល្អប្រសើជាងមុន៕