Join with Health.com.kh on Telegram

ប្រសិនបើ​អ្នក​មាន​ការ​នឿយណាយ នឹង​ការបរិភោគ​អាហារ​ដែល​អ្នក​មិន​ចូលចិត្ត​, ធុញ​ទ្រាំ និង អាហារ​ដែល​មាន​រសជាតិ ដើម្បី​អនុវត្ត​បាន​តាម របប​អាហារ​ដ៏​តឹងតែង ស្រប​តាម​គម្រោងការ​នៃ ការ​សម្រក​ទម្ងន់​របស់អ្នក នោះ​វា​គឺជា​ពេលវេលា​ដែល​អ្នក​ត្រូវ ផ្តល់ឱកាស​អោយ​ផ្លែឈើ​វិញ​ម្តង​ហើយ ។ ផ្លែឈើ គួរ​ត្រូវ​បាន​ចាត់​ចូល ក្នុង​ផ្នែក​ណាមួយ នៃ​គ្រោងការ​អាហារ​របស់​អ្នក ដោយសារ​តែ​វា មិន​ត្រឹមតែ អាច​ផ្តល់អោយ​អ្នក​នូវ តម្លៃ​នៃ​សារជាតិ​វីតាមីន​ដ៏​សំខាន់​នោះទេ ប៉ុន្តែ​វា​ក៏ ផ្តល់​អោយ​អ្នក​បាន​ផងដែរ នូវ រសជាតិ​ដ៏​ឈ្ងុយឆ្ងាញ់​។

ទាំងនេះ គឺជា​ហេតុផល​មួយ​ចំនួន ដែល​បង្ហាញ​ថា ហេតុ​អ្វី​អ្នក គួរ​បញ្ចូល​ផ្លែឈើ​ទៅក្នុង​គម្រោងការ​នៃ របប​អាហារ​សម្រាប់​សម្រក​ទម្ងន់​របស់​អ្នក ៖

​ផ្លែ​ឈើ​មាន​ផ្ទុក​សារជាតិ​វីតាមីន C ក្នុង​កម្រិត​មួយ​ដ៏​ខ្ពស់​

  ប្រហែល​ជា​អ្នក​ធ្លាប់បាន​ដឹង​ពី​ចំណុច​នេះ ពីមុន​រួចមកហើយ ប៉ុន្តែ​តើ​អ្នក​មាន​ដឹង​ពី អត្ថប្រយោជន៍​របស់ វា​ចំពោះ​របប​អាហារ​របស់​អ្នក​បាន យ៉ាងដូចម្តេចខ្លះ​? វីតាមីន C មាន​ផ្ទុក​នូវ សមាសធាតុ​ប្រឆាំង នឹង​ប្រតិកម្ម​អុក​ស៊ីត ដ៏​អស្ចារ្យ ដែល​វា​គឺជា​ផ្នែក​ដ៏​សំខាន់​មួយ នៃ​ប្រព័ន្ធ​ភាព​សាំ​របស់​អ្នក​។ ផ្លែឈើ ដែល​មាន​រសជាតិ​ជូរ មានដូចជា ផ្លែ​ក្រូច​, ក្រូចឆ្មារ​,​ក្រូច​ក្រហម គឺជា​ប្រភព​ដ៏​អស្ចារ្យ នៃ​វីតាមីន C​។ តើ​អ្នក​នឹងមិន​ចង់ អោយ​ប្រព័ន្ធ​ភាព​សាំ​អ្នក ខ្លាំងក្លា​បាន​នោះ​ទេ​ឬ ខណៈពេល​ដែល​អ្នក​កំពុងតែ​មាន គម្រោង​ចង់​សម្រក​ទម្ងន់​នោះ ?

​ផ្លែ​ឈើ​មាន​ផ្ទុក​នូវ សារជាតិ phytochemicals

  អ្នក​នឹង​មិន​អាច​រក​បាន​នូវ សារជាតិ​នេះ នៅក្នុង​កញ្ចប់​អាហារ​ផ្សេង​ទៀត​នោះ​ទេ ដោយសារ​តែ​វា​នៅ មិនទាន់​មាន​ភស្តុតាង​ណា ដែល​អាច​បញ្ជាក់បាន​ថា កម្រិត​ដែល​មាន​ដាក់​នៅ​លើ​កញ្ចប់​អាហារ​នោះ មាន​កម្រិត​ត្រឹមត្រូវ ឬ មាន​ប្រសិទ្ធិភាព​យ៉ាងណា​នោះ ។ តែ​ទោះជា​យ៉ាងណាក៏ដោយ សារជាតិ phytochemicals ត្រួវបាន​គេ យក​ប្រើ​ជា​ឱសថ ក្នុង​រយៈពេល​ជា​យូរណាស់​មកហើយ   ដែល​វា​គឺជា សមាសធាតុ ប្រឆាំង​នឹង​ការ​រលាក​, សម្រាល​ដល់​ការឈឺចាប់ និង មាន​សម្តត្ថភាព​ក្នុង​ការ កាត់បន្ថយ​បាន​នូវ​ការ​ប្រឈម​នឹង ជំងឺមហារីក និង មាន​លទ្ធភាព​ក្នុង​ការ បង្ការ​បាន​នួវ​ជំងឺ​មួយ​ចំនួន ។ ខ្លួនប្រាណ​អ្នកនឹង​ទទួលបាន​នូវ  បរិមាណ​នៃ​សារជាតិ​ចិញ្ចឹម​តិច​ជាង​ពេល​ធម្មតា ខណៈពេលដែល អ្នក​ព្យាយាម​ធ្វើការ​សម្រក​ទម្ងន់ តើ​ពិត​មែន​ទេ​? ការ​ទទួលទាន​ផ្លែឈើ គឺជា​វិធី​ដ៏​ល្អ​មួយ ក្នុងការ រក្សាបាន​នូវ​តុល្យភាព នៃ​កង្វះខាត​នេះ ដោយ​ការផ្តល់​អោយ​រាងកាយ​អ្នក​នូវ សារជាតិ phytochemicals ដែល​នឹង​ជម្រុញ​ដល់​សុខុមាលភាព​រាងកាយ​ជា​ទូទៅ​បាន ក្នុង​រយៈពេល​យូរ​។​

​ផ្លែឈើ គឺជា​អាហារ​ដែល​មាន​ជាតិ​កាឡូរី​ទាប​

    យើង​ដឹង​អាច​ហើយ​ថា សម្រាប់​អ្នក​ដែល​ព្យាយាម​ស្រក​ទម្ងន់ គឺ​ចូល​ចិត្ត​ស្តាប់​ពាក្យ ថា មាន​កាឡូរី​ទាប តើ​មែន​ទេ​? ផ្លែឈើ​គឺជា ប្រភេទ​អាហារ​មួយ​នេះ ដែល​វា​ជា​វិធី​ដ៏​អស្ចារ្យ ក្នុង​ការជួយ​ដល់ ស្ត្រី​ដែល​ប៉ង​ចង់ ស្រក​ទម្ងន់​។ អ្នក​អាច​ជំនួស​នូវ អាហារ​ពេលព្រឹក​របស់​អ្នក​ជាមួយនឹង ផ្លែឈើ​ស្រស់ៗ ។ វា​គ្មាន​អ្វី​ដែល គួរអោយ​ភ្ញាក់ផ្អើល​នោះ​ទេ ដែលថា ផ្លែឈើ គឺជា​ផ្នែក​ដំ​សំខាន់​មួយ នៅក្នុង​គ្រោងការ​របប​អាហារ របស់​អ្នក ។​

​ផ្លែឈើ​គឺជា​វិធី​ដ៏​អស្ចារ្យ ក្នុង​ការជួយ​អ្នក​អោយ​រក្សា​កម្រិត​ជាតិ​ទឹក​បាន​

     យើង​ដឹង​ហើយ​ថា គ្រោងការ​នៃ​របប​អាហារ​របស់​អ្នក អាច​នឹង​មានន័យ​ថា អ្នក​ត្រូវ​កាត់បន្ថយ​នូវ​ការ ទទួលទាន និង រួមបញ្ចូល​នូវ​ការធ្វើ​ប្រភេទ​នៃ​លំ​ហាត់ប្រាណ​មួយ​ចំនួន ។ ហើយ​អ្នក​នឹង​មិន​ត្រូវ ខ្វះ​ជាតិ ទឹក​ក្នុង​ខ្លួន​នោះ​ទេ ខណៈ​ពេល​នេះ ។ តើ​អ្នក​មាន​ពឹងផ្អែក​ទៅលើ​ដប​ទឹក និង ភេសជ្ជៈ​ផ្តល់​ថាមពល​មួយ ចំនួន ដើម្បី​រក្សា​ខ្លួន​អ្នក​អោយ​មាន​ជាតិ​ទឹក​បាន​គ្រប់គ្រាន់​ពេញ​មួយ​ថ្ងៃ​នោះ​ទេ​? ហេតុអ្វី​បានជា​អ្នក មិន​ធ្វើការ ផឹក​នូវ​ទឹក​ផ្លែឈើ​ស្រស់ៗ ជំនួស​ពួកវា​វិញ​នោះ ? ក្រៅពី​វា​អាច​រក្សា​អោយ​រាងកាយ​អ្នក មាន​ជាតិ​ទឹក​គ្រប់គ្រាន់ ទឹក​ផ្លែឈើ​គឺ ជា​ប្រភព​ដ៏​ល្អ នៃ​ពពួក​វីតាមីន និង ជាតិ​រ៉ែ ដែល​នឹង​ជួយ​អ្នក ក្នុងការ​សម្រច​បាន​នូវ គោលដៅ​នៃ​ការ​សម្រក​ទម្ងន់​របស់​អ្នក​។​

​ផ្លែឈើ​អាច​បន្ថែម​បាន​នូវ​ភាព​ផ្សេងៗ​គ្នា ទៅ​ក្នុង​របប​អាហារ​ណាមួយ​របស់​អ្នក​

    យើង​គិតថា ពាក្យ​ថា​តម​អាហារ គឺ​នឹង​អាច​បន្លាច​ដល់​ស្ត្រី​ជាច្រើន ដោយសារ​តែ​អារម្មណ៍​នៃ​ការ ភ័យ​ខ្លាច​នឹង​ការ បរិភោគ​នូវ អាហារ​ដែល​អ្នក​មិន​ចូលចិត្ត និង គួរ​អោយ​នឿយណាយ ។ បើ​ទោះ​ជា​អ្នក មិន​ចង់ បរិភោគ​អាហារ​ដែល​មាន ជាតិ​ខ្លាញ់​ទាប និង បន្លែ​ស្ងោរ​ជា​រៀងរាល់ថ្ងៃ នោះ​អ្នក​អាច​គិត​ពី ការបរិភោគ​ផ្លែឈើ​វិញ​។ ប្រសិនបើ​អ្នក​ហាក់​នឹងមាន អារម្មណ៍​ចង់​ភក្សរ​ស​ជាតិ​ដែល​ផ្អែម​ឆ្ងាញ់ ក្នុងអំឡុងពេល​នៃ​ការ​សម្រក​ទម្ងន់​របស់​អ្នក ហេតុអ្វី​បានជា​អ្នក​មិន​សាកល្បង​ទំពារ ផ្លែ​ត្របែក​ស្រស់ មួយ​ផ្លែ​សាកមើល ? ឬ ផ្លែ​ចេក ដែល​នឹង​មាន​រសជាតិ​ឈ្ងុយឆ្ងាញ់ និង អាច​ផ្តល់​ថាមពល​អោយ​អ្នក​បាន នោះ​? បើ​អ្នក​កំពុងតែ​តម​អាហារ​នោះ​មិនមែន​បានន័យថា អ្នក​នឹង​មិន​ដែល​អាច ទទួលទាន​បាន​នួវ អាហារ​ដែល​មាន​រសជាតិ​ផ្អែម​ឆ្ងាញ់​នោះទេ ។​

  ឥលូវ​នេះ តើ​អ្នក​មាន​បាន​យល់​ទេ​ថា ហេតុអ្វី​បានជា​ផ្លែឈើ អាច​ជួយ​អ្នក​ក្នុងការ​សម្រក​ទម្ងន់​បាន ជោគជ័យ​នោះ​? យើង​សុំ​សំណូមពរ អោយ​អ្នក​ធ្វើ​ការជ្រើសរើស​យក ផ្លែឈើ​ស្រស់​យក​មក​ទទួល​ទាន ដើម្បី​ទទួលបាន​នូវ​ថាមពល និង រសជាតិ​ឈ្ងុយឆ្ងាញ់ ក្នុងអំឡុងពេល​ដែល​អ្នក​ត្រូវតម​អាហា​រនេះ ៕​