ថ្មីនេះកំពូលតារាចម្រៀងខេមរៈ សិរីមន្ត បានទើបតែបានបង្ហាញមុខភរិយា និងកូនជាទីស្រលាញ់ រហូតដល់មានចម្ងល់ថា តើការលាក់ព័ត៌មានរឿងប្រពន្ធកូននេះដោយសារអ្វី ខ្លាចបាត់បង់ប្រជាប្រិយភាព ឬយ៉ាងណា?
ជុំវិញចម្ងល់នេះ លោក ខេមរៈ សិរីមន្ដ បានផ្ដល់ភាពឲ្យ Sabay ដឹងថា ការពិតអ្នកជិតស្និទ្ធរបស់លោកទាំងអស់ គេបានដឹងពីជីវិតគ្រួសាររបស់លោក។ ការមិនបង្ហាញមុខប្រពន្ធកូន មិនមែនព្រោះរឿងខ្លាចបាត់បង់ប្រជាប្រិយភាពដូចការស្មានរបស់មហាជននោះទេ លោកថានេះគឺជាចំណង់ចំណូលចិត្តរបស់ក្រុមគ្រួសារលោក ដែលស្រលាញ់ជីវភាពបែបសាមញ្ញៗ។ លោកបន្តការសម្រេចចិត្តបង្ហាញមុខភរិយា ពេលដែលលោកចូលរួមក្នុងរួមក្នុងទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា លើកទី១៥៥នេះ គឺលោកចង់បង្ហាញពីការរួមគ្នាធ្វើមនុស្សធម៌ ជាលក្ខណៈគ្រួសារ។
តារាចម្រៀងសំឡេងធ្ងន់រូបនេះបន្តថា៖ “កិច្ចការមនុស្សធម៌ខ្ញុំរួមគ្នាតាំងពីយូរមកហើយ តែគ្រាន់តែមិនបង្ហាញ ជាឱកាសល្អ នៅក្នុងពិធីខួបកាកបាទក្រហម ខ្ញុំក៏សម្រេចបង្ហាញទៅ ថាយើងតែងតែធ្វើបុណ្យរួមគ្នា និងចង់បង្ហាញជាគំរូផង។ ណាមួយខ្ញុំចង់មានអ្វីដែលជាភាពផ្ទាល់ខ្លួន ខ្ញុំចង់មានភាពស្ងប់ស្ងាត់ខ្លះ ព្រោះខ្ញុំចូលចិត្តរស់នៅក្នុងភាពស្អប់ស្ងាត់”។
ទោះជាយ៉ាងណា តារាចម្រៀង ខេមរៈ សិរីមន្ដ អរគុណដល់អ្នកគាំទ្រដែលស្រលាញ់ពេញចិត្តរូបលោក និងតែងតែចាប់អារម្មណ៍គ្រួសារលោក លោកពិតជាសប្បាយចិត្តខ្លាំងណាស់៕
ប្រភព៖ sabay.com.kh