តម្រងនោមគឺជាសរីរាង្គដូចគ្រាប់សណ្តែកចំនួនពីរ ដែលមានសារៈសំខាន់ណាស់សម្រាបរាងកាយទាំងមូល ជាពិសេសវាមាននាទីបញ្ចេញជាតិពុល និងជួយដល់មុខងារសំខាន់ផ្សេងៗទៀតនៃរាងកាយ។ ជំងឺតម្រងនោមគឺជាបញ្ហាសុខភាពដ៏ធ្ងន់ធ្ងរមួយ។ ការស្រាវជ្រាវបានបង្ហាញថា នៅសហរដ្ឋអាមេរិក មានអ្នកជំងឺប្រមាណជាង ២០លាននាក់ ដែលមានបញ្ហាខូចខាតមុខងាររបស់តម្រងនោម។ វិធីសាស្ត្រដើម្បីចៀសផុតអំពីបញ្ហានៅតម្រងនោមធ្ងន់ធ្ងរបាន គឺត្រូវសម្គាល់រោគសញ្ញាភ្លាមៗរបស់វាដូចជា៖
មានបញ្ហាលើការនោម
ទឹកនោមដែលមានពពុះ ចេះតែនោមញឹកនិងច្រើនដង នោមច្រើនៗជាងធម្មតា បរិមាណទឹកនោមតិចជាងធម្មតា ចេះតែចង់នោមតែគ្មានទឹកនោម ឈាមក្នុងទឹកនោម ទឹកនោមមានមេរោគ និងនោមមកក្រហាយៗ។
ហើម
ការហើម ជាពិសេសនៅមុខ កែងជើង ជើង ប្រអប់ជើង និងប្រអប់ដៃ ដោយសារតែតម្រងនោមអសមត្ថភាពបញ្ចេញជាតិទឹកពីក្នុងខ្លួន។
កង្វះគ្រាប់ឈាមឈាម ឬអត់កម្លាំង
ការថយចុះរបស់មុខងារតម្រងនោមមានន័យថា ជាតិការថយចុះនូវការផលិតអ័រម៉ូន EPO (Erythropoietin) ដែលវាមាននាទីជួយឲ្យបង្កើនការផលិតសារធាតុដឹកនោមអុកស៊ីសែនក្នុងគ្រាប់ឈាមក្រហម។ ការដែលកម្រិតអុកស៊ីសែនចុះទាប អាចបណ្តាលឲ្យសាច់ដុំ និងសារីរាង្គផ្សេងទៀតកង្វះការផ្គត់ផ្គង់អុកស៊ីសែន ជាហេតុនាំឲ្យអស់កម្លាំងខ្លាំង និងកង្វះគ្រាប់ឈាម។
ឡើងកន្ទួលរមាស់
ការកើនឡើងនៃកាកសំណល់ក្នុងខ្លួនច្រើនពេក ដោយសារតែតម្រងនោមអសកម្ម វានឹងធ្វើឲ្យរបកស្បែក និងរមាស់ស្បែកបាន។
ក្លិនមាត់អាក្រក់
ការដែលមានរសជាតិក្នុងមាត់ដូចជាដែកៗ គឺដោយសារតែការកើនឡើងនៃជាតិពុលក្នុងឈាមច្រើនពេក ហើយវាក៏នាំឲ្យស្រកទម្ងន់បានដែរ។
គិតអ្វីមិនចេញ
ការកង្វះអុកស៊ីសែនទៅចិញ្ចឹមខួរក្បាលនាំឲ្យមានបញ្ហាច្រើនដូចជា បាត់បង់ការចងចាំ កង្វះការផ្ចង់អារម្មណ៍ និងវិលមុខជាដើម។
ឈឺខ្នង
ទោះបីជារឿងនេះកម្រនឹងកើតមានក៏ដោយ ប៉ុន្តែករណីជំងឺពងគីសច្រើនគ្រាប់ក្នុងតម្រងនោម (PKD) អាចបណ្តាលឲ្យមានការឈឺចាប់នៅខ្នងផ្នែកខាងលើដែរ។
ចង្អោ
ការដែលមានចំនួនជាតិពុលក្នុងឈាមច្រើននឹងធ្វើឲ្យមានអារម្មណ៍ចង្អោ និងក្អួតកើតមាន
ពិបាកដកដង្ហើម
រឿងនេះដោយសារតែការថយចុះនៃអុកស៊ីសែនក្នុងគ្រាប់ឈាម និងការចាលជាតិទឹកច្រើនក្នុងសួត
គ្រុនញ៉ាក់
ករណីកង្វះគ្រាប់ឈាម វានឹងធ្វើឲ្យមានអារម្មណ៍ត្រជាក់ក្នុងខ្លួនខ្លាំង ហើយអ្នកជំងឺច្រើនតែប្រាប់ថា ពួកគេតែងតែគ្រុនញ៉ាក់នៅពេលស្ថិតក្នុងស្ថានភាពក្តៅក៏ដោយ៕