ការដែលមានជំងឺទឹកនោមផ្អែមមានន័យថា អ្នកគួរតែដឹងអំពីអ្វីដែលអ្នកញ៉ាំ និងផឹកផង។ ការយល់ដឹងអំពីចំនួនកាបូអ៊ីដ្រាតដែលអ្នកញ៉ាំ និងរបៀបដែលវាប៉ះពាល់ដល់ជាតិស្ករក្នុងឈាមសុទ្ធតែជារឿងសំខាន់។ (អាន៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការជ្រើសរើសភេសជ្ជៈត្រឹមត្រូវដើម្បីទទួលទានក្នុងពេលមានផ្ទៃពោះក៏ជារឿងសំខាន់ដែរក្នុងការគ្រប់គ្រងរោគសញ្ញា និងទម្ងន់ឲ្យមានសុខភាពល្អផង។
ភេសជ្ជៈដែលអ្នកអាចញ៉ាំបាន
- ទឹក៖ ទឹកតែងតែជាជម្រើសដ៏ល្អបំផុតសម្រាប់អ្នកជំងឺទឹកនោមផ្អែម ព្រោះវាមិនអាចធ្វើឲ្យជាងស្ករក្នុងឈាមឡើងខ្ពស់ទេ។ ប៉ុន្តែការលើសជាតិស្ករក្នុងឈាមតែងតែធ្វើឲ្យខ្សោះជាតិទឹកក្នុងខ្លួន ដូច្នេះចូរព្យាយាមញ៉ាំទឹកយ៉ាងហោចណាស់ឲ្យបាន ៨កែវក្នុងមួយថ្ងៃ។
- តែ៖ ការស្រាវជ្រាវបានបង្ហាញថា តែបៃតងមានឥទ្ធិពលវិជ្ជមានចំពោះសុខភាពទូទៅ។(អាន៖ ថ្នាំងងុយគេងពេលអ្នកគួរប្រើ) វាអាចជួយបញ្ចុះសម្ពាធឈាម និងកូឡេស្តេរ៉ុលអាក្រក់ក្នុងឈាម។ ការញ៉ាំតែបៃតងរហូតដល់ ៦ពែងក្នុងមួយថ្ងៃប្រហែលជាជួយបន្ថយការប្រឈមនឹងជំងឺទឹកនោមផ្អែមប្រភេទទី២បានដែរ។
- កាហ្វេ៖ ការសិក្សាបានរកឃើញថា ការញ៉ាំកាហ្វេប្រហែលជាជួយបន្ថយការប្រឈមនឹងជំងឺទឹកនោមផ្អែមប្រភេទទី២ តាមរយៈការញ៉ាំកាហ្វេពីរទៅបីពែងក្នុងមួយថ្ងៃ។
- ទឹកផ្លែឈើ និងទឹកបន្លែ៖ ចូរជ្រើសរើសយកទឹកផ្លែឈើដែលគ្មានជាតិស្ករ និងធម្មជាតិ ១០០ភាគរយ។ អ្នកក៏អាចជ្រើសរើសយកទឹកបន្លែដើម្បីញ៉ាំបានដែរ ជាពិសេសបន្លែដែលអ្នកចូលចិត្ត។
- ទឹកដោះគោមានជាតិខ្លាញ់ទាប៖ ផលិតផលធ្វើពីទឹកដោះគោផ្ទុកទៅដោយជាតិរ៉ែមានប្រយោជន៍ច្រើន។ ចូរចាំថា ត្រូវជ្រើសរើសយកទឹកដោះគោគ្មានជាតិផ្អែម ខ្លាញ់ទាប ឬទឹកដោះគោស្រស់។ តែគួរញ៉ាំត្រឹមមួយទៅពីរកែវក្នុងមួយថ្ងៃបានហើយ។
ភេសជ្ជៈដែលអ្នកមិនញ៉ាំបាន
- ភេសជ្ជៈមានជាតិហ្គាស៖ ភេសជ្ជៈបែបនេះត្រូវបានគេចាត់ទុកថាជាភេសជ្ជៈកំពូលដែលត្រូវចៀសវាង។ យ៉ាងណាមិញ វាមានជាតិផ្អែមច្រើនដែរ ហើយក៏ធ្វើឲ្យឡើងទម្ងន់ទៀតផង។ ដូច្នេះមិនមែនជាភេសជ្ជៈត្រូវញ៉ាំពេលមានជំងឺទឹកនោមផ្អែមឡើយ។
- ភេសជ្ជៈប៉ូវកម្លាំង៖ ភេសជ្ជៈប៉ូវកម្លាំងក៏មានជាតិកាហ្វេអ៊ីន និងស្ករខ្ពស់ដែរ។ វាមិនត្រឹមតែធ្វើឲ្យជាតិស្ករក្នុងឈាមឡើងខ្ពស់ទេ តែក៏ធ្វើឲ្យអាំងស៊ុយលីនឆាប់ខូចដែរ ដែលវាចាហេតុនាំឲ្យប្រឈមកាន់តែខ្ពស់នឹងជំងឺទឹកនោមផ្អែមប្រភេទទី២។
- ភេសជ្ជៈមានជាតិស្ករសិប្បនិមិត្ត៖ ជាតិស្ករសិប្បនិមិត្តសម្រាប់ញ៉ាំដើម្បីសម្រកទម្ងន់ អាចមានផលអវិជ្ជមានដល់ពោះវៀន ហើយក៏ធ្វើឲ្យជំងឺទឹកនោមផ្អែមកាន់តែធ្វើទុក្ខថែមទៀតដែរ។
- ទឹកផ្លែឈើផ្អែមៗ៖ ថ្វីបើទឹកផ្លែឈើធម្មតាញ៉ាំតិចតួចមិនអីមែន តែទឹកផ្លែឈើដែលផ្អែមខ្លាំង គឺអាចធ្វើឲ្យជាតិស្ករក្នុងឈាមឡើងខ្ពស់បាន រហូតដល់ឡើងទម្ងន់ ដែលវាមិនមែនល្អចំពោះជំងឺទឹកនោមផ្អែមឡើយ។
- គ្រឿងស្រវឹង៖ បើសិនជាអ្នកមានជំងឺលើសសម្ពាធឈាម ឬខូចសរសៃប្រសាទដោយសារតែជំងឺទឹកនោមផ្អែម ការញ៉ាំគ្រឿងស្រវឹងច្រើន អាចធ្វើឲ្យអាការៈនេះកាន់តែធ្ងន់ធ្ងរថែមទៀត៕