ក្រោយពីស្ត្រីម្នាក់មានផ្ទៃពោះហើយ នាងមិនអាចមករដូវ ដូចកាលពីមិនទាន់មានផ្ទៃពោះទៀតឡើយ។ ប៉ុន្តែ ស្ត្រីដែលមានផ្ទៃពោះ អាចនឹងមានការធ្លាក់ឈាមផ្សេង ដែលមើលទៅមានលក្ខណៈដូចឈាមរដូវអញ្ចឹង។ ឧទាហរណ៍ មានការធ្លាក់ឈាមតិចតួចដែរ នៅពេលពងអំប្រ៊ីយ៉ុងកាច់សំបុកក្នុងស្បូន។ រឿងនេះច្រើនតែកើតឡើងនៅថ្ងៃតែមួយ ដែលស្ត្រីមករដូវធម្មតា។ រឿងផ្សេងៗទៀត ដែលអាចឲ្យធ្លាក់ឈាមដែរនោះគឺ រលូតកូន ឬកូនក្រៅស្បូន។
បើសិនជាអ្នកគិតថា អ្នកអាចមានផ្ទៃពោះ និងឈឺចាប់ ឬហូរឈាមអ្វីខុសធម្មតា ចូរទាក់ទងទៅគ្រូពេទ្យភ្លាម។ បើសិនជាអ្នកមិនច្បាស់ទេ ថាមានផ្ទៃពោះ ឬអត់នោះ ក៏គួរតែទៅឲ្យពេទ្យពិនិត្យ និងសុំការណែនាំបន្ថែមដែរ។
បើសិនជាអ្នកធ្វើតេស្ត រកមើលការមានផ្ទៃពោះដោយខ្លួន ហើយលទ្ធផលឃើញអវិជ្ជមាន ប៉ុន្តែសញ្ញាជាច្រើន កើតឡើងបញ្ជាក់ថា អ្នកមានផ្ទៃពោះ (បាត់រដូវ សុដន់ទៅជាតឹង ឬមិនស្រួលខ្លួន) ចូរទៅជួបគ្រូពេទ្យភ្លាម៕
