តារា​ចម្រៀង សុខ ស្រី​នាង ប្រាប់​ថា​ អ្នក​នាង​បាន​បើក​បេះ​ដូង​ទទួល​រឿង​ស្នេហា​ហើយ ក្រោយ​ពី​ស្នេហ៍គ្រា​​មុន​មិន​សម​ដូច​បំណង។

ម្ចាស់​បទ​ “​ហត់​ទេ​ស្រលាញ់​គេ​ម្នាក់​ឯង​” បន្ត​ថា ​រឿង​បញ្ហា​គូ​ស្រករ គឺ​អ្នក​នាង​ចាប់​ផ្ដើម​គិត​គូរ​ហើយ​ ប៉ុន្តែ​មិន​ប្រញាប់​ចង់​បាន​ភ្លាម​ៗ​ទេ។ ​​បើ​មាន​បុរស​ណា​ម្នាក់​មាន​ចិត្ត​ស្មោះ​ពិត​ប្រាកដ​​ឈាន​ជើង​ចូល​ក្នុង​ជីវិត​ គឺ​​អ្នក​នាង​នឹង​បើក​ចិត្ត​ទទួល​យក តែ​​ត្រូវ​មើល​ឲ្យ​បាន​ល្អិត​ល្អន់​​សិន​ ​ចៀស​វាង​ខុស​ដូច​គ្រា​មុន។​​

​លើស​ពី​នេះ តួ​អង្គ​​ស្រី​ក្នុង​រឿង​ “​រាជិនី​ភូមិ​គ្រឹះ​” ​បន្ថែម​ថា ​ការ​ងារ​សិល្បៈ​កាន់​តែ​រវល់​ច្រើន​ ​ត្រូវ​ថត​រហូត​ពេល​ខ្លះ​ស្ទើរ​រ​តែ​រក​ពេល​សម្រាក​គ្មាន ដូច្នេះ​គិត​គូ​រលើ​ការងារ​​សិន តែ​រឿង​គូ​អនាគត​ក៏​គិត​ដែរ គ្រាន់​តែ​ថា ដូច​ពាក្យ​ចាស់​ពោល​​​​​​ពេល​ណា​ពេល​ហ្នឹង​ចុះ”។

កាលពីឆ្នាំ២០១០ តារាចម្រៀង សុខ ស្រីនាង បានរៀបអាពាហ៍ពិពាហ៍ជាមួយលោក ស៊ី សុវត្ថិ ដែលជាតារាចម្រៀង ដូចគ្នា។ ក្រោយពីចែកផ្លូវគ្នាជាមួយតារាចម្រៀង ស៊ី សុវត្ថិ និងផ្លាស់មកផលិតកម្មរស្មីហង្សមាស សម្រស់​របស់​តារា​ចម្រៀង​ សុខ ស្រី​នាង​ កាន់​តែ​ស្អាត​ពី​មួយ​ថ្ងៃ​ទៅ​មួយ​ថ្ងៃ​ ​ដែល​ធ្វើ​ឲ្យ​អ្នក​គាំ​ទ្រ​មិន​តិច​នាក់​ទេ​លង់​នឹង​សម្រស់​នឹង​អត្តចរិត​ស្រ​គត់​ស្រ​គំរបស់​តារា​រូប​នេះ៕​​​

ប្រភព៖ sabay.com.kh