ជីវិតក្នុងសម័យទំនើបច្ចុប្បន្ននេះ បានកំពុងនាំមកនូវគ្រោះថ្នាក់ជាច្រើនដល់មនុស្សលោក ដោយសារតែវត្តមាននៃសារធាតុពុលជាច្រើនដែលមាននៅជុំវិញខ្លួនយើងជារៀងរាល់ថ្ងៃ ដូចជានៅក្នុងខ្យល់ដែលយើងដកដង្ហើម ផលិតផលផ្សេងៗដែលមានផ្ទុកសារធាតុកំចាត់សត្វល្អិត អរម៉ូន និងជាតិពុលដទៃៗទៀត។
លើសពីនេះទៀត ផលិតផលថ្នាំជក់ និងឱសថមួយចំនួនដែលយើងបានប្រើប្រាស់ ក៏អាចផ្តល់នូវផលលំបាកផ្សេងបានផងដែរ ។ ដូចនេះគឺថាសុខភាពមនុស្សយើង តែងទទួលបាននូវការគម្រាមកំហែងដ៏ខ្លាំង ដែលយើងរាល់គ្នាចាំបាច់ធ្វើការសម្អាតជាតិពុលចេញពីរាងកាយឲ្យបានញឹកញាប់ដើម្បីឲ្យសិរីៈក្នុងខ្លួនយើងមានដំណើរការបានត្រឹមត្រូវល្អ ។
តែជាដំណាក់កាលដំបូង អ្នកត្រូវរៀនសម្គាល់នូវសញ្ញាដែលបញ្ជាក់ថារាងកាយរបស់អ្នក កំពុងតែផ្ទុកនូវជាតិពុល ។ ខាងក្រោមនេះគឺជាសញ្ញាដែលបញ្ជាក់ថា អ្នកគួរកំចាត់ជាតិពុលចេញពីក្នុងខ្លួនរបស់អ្នក៖
១.កើនឡើងនូវបរិមាណនៃខ្លាញ់ក្បាលពោះ
ខ្លាញ់ក្បាលពោះច្រើនហួសប្រមាណ អាចបញ្ជាក់បានថារាងកាយរបស់អ្នក ពោរពេញទៅដោយជាតិពុល ដែលវាអាចនឹងរារាំងដល់សមត្ថភាពធម្មតារបស់វាក្នុងលៃតម្រូវកម្រិតគ្លុយកូស និងមេតាបូលីសនៃកូឡេស្តេរ៉ូល។
២.បញ្ហាស្បែក
ការកើនឡើងនូវបរិមាណដ៏ច្រើននៃជាតិពុលនៅក្នុងខ្លួន និងធ្វើឲ្យមានបញ្ហាលើសុខភាពស្បែក ដូចជាការរលាកស្បែក, របកនិងរមាស់ស្បែក។ បញ្ហានេះគឺកើតមានដោយសារតែ ការបញ្ចេញជាតិពុលចេញពីក្នុងខ្លួនដោយវិធីធម្មជាតិ។
៣. ឈឺក្បាល
ជាតិពុលកើតមាននៅក្នុងខ្លួន គឺអាចនឹងរំខានដល់ប្រព័ន្ធប្រសាទកណ្តាល ដែលអាចបណ្តាលឲ្យមានអាការៈឈឺក្បាល។
៤.ឡើងកំដៅខ្លាំង
ជាតិពុលច្រើននៅក្នុងរាងកាយ នឹងបង្ខំឲ្យថ្លើមធ្វើការលើសកម្រិត។ ដូច្នេះ ថ្លើមអាចបង្កើតនូវកម្តៅលើសពីធម្មតា និងជាលទ្ធផលវានឹងធ្វើឲ្យរាងកាយឡើងកម្តៅខ្លាំង ។
៥. មានកម្រិតថាមពលក្នុងខ្លួនទាប
ជាតិពុលច្រើនលើសលុបក្នុងរាងកាយ នឹងបណ្តាលឲ្យមានអារម្មណ៍ថាអស់កម្លាំងជាប់រហូត។
៦. តឹងច្រមុះ
អាការៈតឹងច្រមុះ អាចនឹងកើតមានបានដោយងាយ ដោយសារតែមានជាតិពុលនៅក្នុងផ្លូវដង្ហើមរបស់អ្នក។
៧. គេងមិនលក់
នៅពេលដែលជាតិពុលប្រមូលផ្តុំក្នុងរាងកាយ ជាតិពុលដែលមាននៅក្នុងនោះនឹងធ្វើឲ្យអ្នកគេងមិនបានលក់ស្រួលល្អ។
៨.មានបញ្ហាជាមួយនឹងថង់ទឹកប្រម៉ាត់
ការបញ្ចេញជាតិពុលនៅក្នុងថ្លើមអាចធ្វើឲ្យទឹកប្រម៉ាត់ឡើងធ្ងន់ និងអាចធ្វើឲ្យស្ទះដល់ថង់ទឹកប្រម៉ាត់។
៩.អណ្តាតណពណ៌ស ឬលឿង
ប្រសិនបើអណ្តាតរបស់អ្នកឡើងលឿង ឬស នោះវាគឺជាសញ្ញាបញ្ជាក់ថាមានជាតិពុលជាច្រើននៅក្នុងឈាមរបស់អ្នក។
ដូច្នេះបើអ្នកសង្កេតឃើញមាននូវសញ្ញាទាំងនេះ សូមប្រញាប់រកដំណោះស្រាយ ឬជួបជាមួយនឹងគ្រូពេទ្យដើម្បីកំចាត់នូវជាតិពុលទាំងនេះចេញពីក្នុងខ្លួនរបស់អ្នក ៕