នៅពេលដែលអ្នកផ្តាសាយគឺតែងតែមានអាការៈខុសៗគ្នា ជាហេតុដែលធ្វើឲ្យអ្នកត្រូវតែទៅរកថ្នាំដើម្បីព្យាបាលអាការៈទាំងនោះ។ ដូចនេះខាងក្រោមនេះយើងខ្ញុំនឹងប្រាប់អ្នកពីវិធីធម្មជាតិក្នុងការព្យាបាល។ តើមានរូបមន្តណាខ្លះទៅ?
ផ្តាសាយពេលត្រូវខ្យល់ត្រជាក់
អ្នកអាចយកខ្ញីចំនួនពី៣ទៅ៤បន្ទះដាំជាមួយទឹកនិងស្ករក្រហម(រកទិញបាននៅហាងលក់ថ្នាំចិន) ចំនួនកន្លះស្លាបព្រា ដោយអ្នកអាចញ៉ាំចំនួនពី២ទៅ៣ដងក្នុងមួយថ្ងៃ។
ផ្តាសាយមានក្អក
អ្នកអាចយកខ្ញីចំនួនពី៣ទៅ៤បន្ទះ ខ្ទឹមសចំនួន៧ទៅ៨គ្រាប់ ស្ករក្រហមចំនួនកន្លះស្លាព្រាទៅដាំជាមួយទឹក រួចយកមកញ៉ាំចំនួនពី២ទៅ៣ដងក្នុងមួយថ្ងៃ។
ផ្តាសាយមានគ្រុនក្តៅ
អ្នកអាចបន្ថែមស្លឹកខ្ទឹមចំនួនមួយដើមចូលទៅក្នុងទឹកខ្ញីដែលអ្នកដាំជាមួយស្ករក្រហមបាន ដោយញ៉ាំចំនួនពី២ទៅ៣ដងក្នុងមួយថ្ងៃ៕