នេះជាខែដែលសំបូលទៅដោយផ្លែធុរេន ដូចនេះមនុស្សគ្រប់ជំពូកសុទ្ធតែទិញយកមកបរិភោគ ហើយកាលពីអត្ថបទមុនយើងខ្ញុំក៏បានប្រាប់អ្នករួចមកហើយពីមនុស្សមួយចំនួនដែលមិនអាចពិសារផ្លែធុរេននេះបាន។ ដូចនេះតើក្រៅពីមនុស្សទាំងនោះ ស្ត្រីមានផ្ទៃពោះអាចញ៉ាំបានឬទេ?
ធុរេនគឺមានរសជាតិផ្អែម និងឆ្ងាញ់ណាស់ ហើយធ្វើឲ្យអ្នកញ៉ាំហើយញ៉ាំទៀត ប៉ុន្តែនៅពេលដែលស្ត្រីមានផ្ទៃពោះពិសារច្រើន វានឹងអាចធ្វើឲ្យជាតិស្ករគេឡើងខ្ពស់ ម្យ៉ាងទៀតថែមទាំងអាចធ្វើឲ្យគេជួបប្រទះនឹងការពិបាកសម្រាលកូនយ៉ាងងាយ។ ក្រៅពីនេះនៅពេលដែលអ្នកបរិភោគផ្លែឈើនេះ វានឹងអាចធ្វើឲ្យអ្នកទល់លាមកបាន ថែមទាំងអាចធ្វើឲ្យកូនក្នុងផ្ទៃមានអាការៈក្តៅក្នុងទៀតផង ដែលអាចបំផ្លាញសុខភាពរបស់ទារកក្នុងផ្ទៃយ៉ាងងាយ។ ដូចនេះយកល្អអ្នកមិនគួរពិសារឡើយ ប៉ុន្តែប្រសិនជាអ្នកទ្រាំមិនបាន ហើយចង់បរិភោគ អ្នកអាចញ៉ាំតែមួយគ្រាប់តូចទៅបានហើយ ចំពោះស្ត្រីមានផ្ទៃពោះដែលមានសុខភាពឆាប់ក្តៅក្នុង អ្នកមិនគួរញ៉ាំឡើយ៕
