នៅពេលយើងនិយាយដល់សុខភាពភ្នែក ភាគច្រើន យើងដឹងហើយថា ទាល់តែមានការញ៉ាំអាហារសម្បូរវីតាមីន A។ ប៉ុន្តែ វានៅមិនទាន់គ្រប់គ្រាន់ទេ អ្នកគួរតែបន្ថែម នូវរបបអាហារមានតុល្យភាព ពាក់វ៉ែនតាការពារពន្លឺព្រះអាទិត្យ និងពិនិត្យជាមួយអ្នកជំនាញ ខាងសុខភាពភ្នែក បន្ថែមទៀត។
ហេតុអ្វីបានជាភ្នែក ដែលមានសុខភាពល្អ ត្រូវការអង់ទីអុកស៊ីដង់របស់វា?
អង់ទីអុកស៊ីដង់ ជួយការពារជំងឺជាច្រើន ដែលមិនត្រឹមតែការពារបេះដូង និងប្រព័ន្ធភាពស៊ាំទេ តែក៏ជួយការពារភ្នែកដែរ។ អង់ទីអុកស៊ីដង់ រួមមានវីតាមីន A, C និង E ដែលអាចជួយការពារជំងឺភ្នែក Macular Degeneration បន្ថយការករកើតជំងឺភ្នែកឡើងបាយ និងបញ្ហាភ្នែកផ្សេងៗទៀត។
បន្លែ និងផ្លែឈើ គឺជាប្រភពដ៏ល្អ របស់អង់ទីអុកស៊ីដង់នេះហើយ។ ចំពោះបន្លែ និងផ្លែឈើណា ដែលមានពណ៌ដឹតខ្លាំង គឺមានកំហាប់អង់ទីអុកស៊ីដង់កាន់តែខ្ពស់។
វីតាមីន A
ជីវជាតិមួយនេះ មានសារៈសំខាន់ណាស់ ក្នុងការជួយឲ្យបាតភ្នែក បំពេញមុខងារកាន់តែល្អ ព្រមទាំងបង្ការ បញ្ហាខ្វាក់មាន់ផងដែរ។ ជាក៏ជួយកាត់បន្ថយ ការប្រឈមនឹងជំងឺភ្នែក Macular Degeneration និងទប់ស្កាត់ការកើត ជាជំងឺភ្នែកឡើងបាយទៀតផង។
អាហារសម្បូរវីតាមីន A មានដូចជា ស៊ុត សាច់ ផ្លែឈើ និងបន្លែដូចជា ការ៉ុត ស្ពៃស្ពីណាច។ ទឹកដោះគោ ក៏មានវីតាមីន Aដែរ។
វីតាមីន C
វីតាមីន C ត្រូវបានគេរកឃើញថា មានកំហាត់ខ្ពស់ក្នុងភ្នែក។ វាក៏ជាអង់ទីអុកស៊ីដង់មួយប្រភេទស្រដៀងនឹង Zeaxanthin និង Lutein ដែរ ក្នុងការជួយការពារ កាំរស្មីយូវី និងប្រឆាំងរ៉ាឌីកាល់សេរី។
អាហារសម្បូរវីតាមីន C មានដូចជា ម្ទេសប្លោក ផ្លែឈើជូរៗ និងប្រូខូលី។
វីតាមីន E
វីតាមីន E ត្រូវបានគេស្គាល់ថា ជាប្រភេទវីតាមីន រលាយក្នុងខ្លាញ់ ហើយក៏ជួយទប់ស្កាត់រ៉ាឌីកាល់សេរីដែរ។ វីតាមីននេះ មាននៅក្នុងភ្នាសរបស់កោសិកា សម្រាប់ជួយថែរក្សាការចេញចូល របស់មូលេគុលក្នុងកោសិកា និងក្រៅកោសិកា ព្រមទាំងរចនាសម្ព័ន្ធរបស់វា។
វីតាមីន E មានច្រើននៅក្នុងគ្រាប់ផ្លែឈើដូចជា ផ្លែអាល់ម៉ុន គ្រាប់ធញ្ញជាតិ សណ្តែកដី និងគ្រាប់ផ្កាឈូករ័ត្ន។ ផ្លែប័រ ស៊ុត និងស្ពៃស្ពីណាចក៏សម្បូរវីតាមីន E ដែរ។
Lutein និង ZeaxanthinLutein និង Zeaxanthin អាចជួយថែរក្សា សុខភាពភ្នែកបានពីររបៀប។ អង់ទីអុកស៊ីដង់ទាំងពីរនេះ អាចបឺតស្រូបថាមពល កាំរស្មីពណ៌ខៀវខ្ពស់ ដែលបង្កើតចេញពីរ៉ាឌីកាល់សេរី និងកាំរស្មីយូវី។
ប្រភពនៃជីវជាតិទាំងពីរនេះ មានដូចជា ស៊ុត ប្រូខូលី ពោត និងថ្នាំបំប៉នរបបអាហារ៕
