ជំងឺទាំងឡាយ សុទ្ធតែគួរឲ្យខ្លាចទាំងអស់ ប៉ុន្តែ ជំងឺមហារីក គឺគួរឲ្យខ្លាចបំផុត ហើយគ្មាននរណាម្នាក់ ចង់កើតទេ។ តាមពិត វាមិនគួរឲ្យខ្លាច ដូចអ្នកគិតទេ ឲ្យតែអ្នកចេះការពារ។ តើគួរធ្វើដូចម្តេច ដើម្បីការពារបាននោះ?
1. មិនត្រូវបរិភោគចំណីដែលបំពងខ្លាញ់ច្រើនទេ ព្រោះខ្លាញ់ទាំងនោះ មិនល្អចំពោះសុខភាពឡើយ។
2. ត្រូវបរិភោគបន្លែឲ្យបានច្រើន ដូចជា ផ្កាខាត់ណា ឬការ៉ុតជាដើម។
3. មិនត្រូវជក់បារី និងផឹកស្រាច្រើនទេ ព្រោះវាប៉ះពាល់ ដល់សុខភាពអ្នកខ្លាំងណាស់។
4. មិនត្រូវបរិភោគអាហារដែលប្រៃពេក ហឺរពេក ក្តៅពេក ត្រជាក់ពេក ឬផុតកំនត់។
5. ត្រូវបរិភោគផ្លែឈើ ដែលអាចការពារជំងឺមហារីក ឲ្យបានច្រើន ដូចជា ផ្លែក្រូច ឬផ្លែឈើ ដែលមានពណ៌ក្រហម ដូចជា ល្ហុង ប៉េងប៉ោះ ហើយទំពាំងបាយជូរ ក៏ល្អដែរ។ ផ្លែចេក អាចការពារជំងឺមហារីកក្រលៀនរបស់ស្ត្រីបាន។
6. មិនត្រូវបរិភោគរបស់ដែលអាំង ឬដុតច្រើនទេ។
7. ត្រូវហាត់ប្រាណឲ្យបានច្រើន និងហាលថ្ងៃពី ១០ ទៅ ១៥ នាទីក្នុងមួយថ្ងៃ។
8. មិនត្រូវនឿយហត់ និងមានសម្ពាធខ្លាំងពេកទេ។
ដូចនេះ បើអ្នកអាចចៀសវាង និងធ្វើតាមចំនុចទាំង ៨ ខាងលើនេះ ជំងឺមហារីក នឹងចាកឆ្ងាយពីអ្នក៕