Join with Health.com.kh on Telegram

​អាច​មាន​ការវះកាត់​ដើម្បី​ធ្វើអោយ​លិង្គ​របស់​អ្នក​វែង និង​ធំ​ជាង​មុន ប៉ុន្តែ មាន​ភស្តុតាង​តិចតួច​ណាស់ ឬ​មិន​មាន​ទេ ដែល​អាច​បញ្ជាក់​ពី​សុវត្ថិភាព ឬ​ភាពជោគជ័យ​នៃ​ការវះកាត់​ឡើយ​។​ ​ការវះកាត់​ពង្រីក​លិង្គ​អាច​ផ្តល់​ផលវិបាក​ជាច្រើន ហើយ​មាន​បុរស​ជា​ច្រើន​មិនសូវ​សប្បាយចិត្ត​ជាមួយ​នឹង​លទ្ធផល​ដែល​គេ​ទទួលបាន​នោះទេ​។​


ទំហំ​របស់​លិង្គ​
បុរស​ជា​ច្រើន​ព្រួយបារម្ភ​ថា លិង្គ​របស់​ពួកគេ​គឺ​តូច​ពេក ប៉ុន្តែ លិង្គ​របស់​បុរស​ភាគ​ច្រើន គឺជា​ទំហំ​ធម្មតា​។ វា​ជា​ការសំខាន់​ដែល​អ្នក​ត្រូវ​ចងចាំ​ថា ទំហំ​លិង្គ​មិនសូវ​ប៉ះពាល់​ដល់​ជីវិត​លើ​គ្រែ​របស់​អ្នក​នោះ​ទេ​។ មិន​ថា​អ្នក​ចេះ​តែ​គិតថា​វា​តូច​ប៉ុណ្ណា​នោះទេ ប៉ុន្តែ តាម​ការពិត វា​ជា​ទំហំ​ធម្មតា​ប៉ុណ្ណោះ​។​

លិង្គ​អាច​ធំ ដោយ​ការ​សម្រក​ទម្ងន់​
ប្រសិនបើ​អ្នក​ធាត់​លើស​ទម្ងន់ ការ​សម្រក​ទម្ងន់​អាច​នឹង​ធ្វើអោយ​លិង្គ​របស់​អ្នក​មើល​ទៅ​ធំ​ជាង​ធម្មតា​។ នេះ​គឺ​ដោយសារ​ជាតិ​ខ្លាញ់​នៅ​ពោះ​របស់​អ្នក​បាំង​ផ្នែក​មួយ​ចំនួន​នៅ​គល់​នៃ​លិង្គ​របស់​អ្នក​។ ការ​ហាត់ប្រាណ​កាន់តែច្រើន មិន​ត្រឹមតែ​ជួយ​អោយ​អ្នកទទួលបាន​រាងកាយ​សមសួន​នោះទេ ប៉ុន្តែ វា​អាច​ធ្វើអោយ​ប្រសើរឡើង​នូវ​ការជឿជាក់​លើ​ខ្លួនឯង និង​ជួយ​អោយ​ជីវិត​ផ្លូវភេទ​របស់​អ្នក​បាន​ល្អ​ប្រសើរ​ជាង​មុន​។  សម្លឹង​មើល​លិង្គ​របស់​អ្នក​ពី​ខាងលើ​អាច​ធ្វើអោយ​វា​មើលទៅ​ខ្លី​ជាង​អ្វី​ដែល​វា​មាន​។ ប្រសិនបើ​អ្នក​សម្លឹង​មើលទៅ​វា​នៅ​មុខ​កញ្ចក់ ឬ​ពី​ចំហៀង ឬ​មនុស្ស​ផ្សេង​ទៀត​មើល​លិង្គ​របស់​អ្នក វា​អាច​នឹង​មើល​ទៅ​ធំ​ជាង​៕