Join with Health.com.kh on Telegram

​ការស្រាវជ្រាវ​ថ្មី​មួយ​បាន​បង្ហាញថា ការ​គេង​មិន​គ្រប់គ្រាន់​អាច​មិន​ត្រឹមតែ​ធ្វើអោយ​អ្នក​ងងុយគេង​ប៉ុណ្ណោះ​ទេ​, ប៉ុន្តែ​វា​ក៏​អាច​បង្កើន​ឪ​កាស​របស់​អ្នក​ក្នុង​ការកើតមាន​ជំងឺ​ទឹកនោម​ផ្អែម​ផងដែរ​។​

​វា​តែងតែ​ត្រូវបាន​គេ​គិតថា មុខងារ​ដំបូង​នៃ​ការ​គេង​គឺ​ធ្វើ​សម្រាប់​ខួរក្បាល ប៉ុន្តែ​បន្ថែម​ពីលើ​ខួរក្បាល​, កោសិកា​ខ្លាញ់​របស់​អ្នក​ក៏​ត្រូវការ​ការ​គេង​ផងដែរ​។ គេង​តិចពេក​ធ្វើអោយ​អ្នក​ខ្សោយ និង​មាន​ការកើតឡើង​ដដែលៗ​ទៅលើ​កម្រិត​នៃ​ការធ្វើ​មេ​តា​ប៉ូលីស​។ ម៉ា​ស៊ូ ប្រា​ឌី (Matthew Brady) ជា​សាស្ត្រាចារ្យ​ជំនួយ​ខាង​ផ្នែក​វេជ្ជសាស្ត្រ​នៅ​សាកលវិទ្យាល័យ​វេជ្ជសាស្ត្រ Chicago បាន​និយាយថា កោសិកា​មិន​សម្តែងឡើង​ដូចដែល​ពួក​វា​បាន​ធ្វើ​ធម្មតា​នោះទេ ហើយ​នេះ​អាច​នាំអោយ​មាន​ភាព​ធន់​ទៅ​នឹង​អាំង​ស៊ុយ​លីន​។​

​លទ្ធផល​នៃ​ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង Annals of Internal Medicine​។​

​ការស្រាវជ្រាវ​ថ្មីៗ​ផ្សេងទៀត​បាន​បង្ហាញថា កង្វះ​ការ​គេង​អាច​នាំអោយ​មាន​បញ្ហា​ផ្សេងៗ​គ្នា​ដូចជា ធន់​នឹង​អរ​ម៉ូ​ន​អាំង​ស៊ុយ​លីន​, មាន​ជំងឺ​ធា​ត់​, មាន​ជំងឺ​ទឹកនោម​ផ្អែម​ប្រភេទ​ទី​២, មាន​ជំងឺ​បេះដូង​, ជំងឺ​ដាច់​សរសៃឈាម​ខួរក្បាល និង​ជំងឺលើសឈាម​។ ប៉ុន្តែ​អ្វី​ដែល​មិន​ច្បាស់​គឺ​ថា​តើ​ហេតុអ្វី​ការ​គេង​តិចតួច​ត្រូវ​បាន​ផ្សារភ្ជាប់​នឹង​លក្ខខ័ណ្ឌ​ទាំង​នោះ​។​

​ប្រា​ឌី​បាន​ពន្យល់ថា នេះ​គឺជា​លើកដំបូង​ដែល​ការ​គេង​ត្រូវបាន​គេ​ស្រាវជ្រាវ​ជាមួយនឹង​កម្រិត​នៃ​កោសិកា​។​

​ចំពោះ​ការស្រាវជ្រាវ​ថ្មី​នេះ​, អ្នកស្រាវជ្រាវ​បាន​មើល​ទៅលើ​មនុស្ស​វ័យក្មេង​ធម្មតា​, មាន​សុខភាព​ល្អ​៧​នាក់​ដែល​មាន​អាយុ​ជា​មធ្យម​ក្រោម​២៤​ឆ្នាំ​។​

​អ្នកស្ម័គ្រចិត្ត​ក្នុង​ការស្រាវជ្រាវ​ត្រូវបាន​គេ​ជ្រើសរើស​ដោយ​ចៃដន្យ​ដើម្បី​ចំណាយពេល​៤​យប់​ដោយ​គេង​ក្នុង​រយៈពេល​៨,៥​ម៉ោង និង​៤​យប់​ដោយ​គេង​ក្នុង​រយៈពេ​៤,៥​ម៉ោង​ក្នុង​មួយ​យប់​។​

​បន្ទាប់ពី​ធ្វើ​ការតាមដាន​ក្នុង​រយៈពេល​៤​ថ្ងៃនោះ​, អ្នកស្រាវជ្រាវ​បាន​មើល​ពី​ជាតិ​ស្ករ និង​ពួក​គេ​ក៏​បាន​យក​គម្រូ​នៃ​កោសិកា​ខ្លាញ់​ពី​ពោះ​របស់​មនុស្ស​ម្នាក់ៗ​។​

​អ្នកស្រាវជ្រាវ​បាន​រកឃើញថា ចំពោះ​អ្នក​ដែល​មាន​បញ្ហា​នៃ​ការ​គេង​, សមត្ថភាព​នៃ​កោសិកា​ដើម្បី​ឆ្លើយតប​ទៅ​នឹង​អរ​ម៉ូ​ន​អាំង​ស៊ុយ​ត្រូវ​បាន​ថយចុះ​ដល់​ទៅ​៣០%​។ កម្រិត​អាំង​ស៊ុយ​លីន​គឺ​សឹងតែ​ខ្ពស់​៣​ដង​ជាង​អ្នកចូលរួម​ដែល​មាន​ការ​សម្រាក​ត្រឹមត្រូវ​។ កម្រិត​អាំង​ស៊ុយ​លីន​ខ្ពស់​ទំនោរ​ជា​បង្ហាញថា អ្វីមួយ​ធ្វើការ​មិន​ត្រឹមត្រូវ ហើយ​ភាព​ធន់​នឹង​អាំង​ស៊ុយ​លីន​កំពុងតែ​កើតមាន​ឡើង​។ ដើម្បី​បំពេញ​វា​មក​វិញ​, លំពែង​បង្កើត​អាំង​ស៊ុយ​លីន​បន្ថែម​។ ប្រសិនបើ​វដ្ត​នេះ​បន្ត​មាន​យូរ​, ជំងឺ​ទឹកនោម​ផ្អែម​ប្រភេទ​ទី​២​អាច​កើតមានឡើង​។​

​ប្រា​ឌី​បាន​និយាយថា ការ​គេង​គឺជា​រឿង​សំខាន់​មួយ មិន​ត្រឹមតែ​មាន​ប្រយោជន៍​ដល់​មុខងារ​នៃ​ការយល់ដឹង​ប៉ុណ្ណោះ​ទេ ប៉ុន្តែ​ក៏​ផ្តល់​អោយ​មេ​តា​ប៉ូលីស​បានល្អ​ផងដែរ​។​

​អ្នកស្រាវជ្រាវ​បាន​មើល​លើ​អ្នកចូលរួម​ថ្មី​ដែល​ធាត់ និង​មាន​ការ​គេង​មិន​ដកដង្ហើម​ដើម្បី​មើល​ថា​តើ​ការព្យាបាល​ចំពោះ​ការ​គេង​មិន​ដកដង្ហើម​មាន​ប្រសិទ្ធភាព​ដល់​មេ​តា​ប៉ូលីស​នៅក្នុង​ខ្លួន​ឬ​យ៉ាងណា​។​

​វេជ្ជបណ្ឌិត ស្ពី​រ៉ូស មេ​ហ្សី​ថី​ស (Spyros Mezitis) ជា​គ្រូពេទ្យ​ឯកទេស​ជំងឺ​ក្រពេញ​បញ្ចេញ​ក្នុង និង​ជា​គ្រូពេទ្យ​នៅ​មន្ទីរពេទ្យ Lenox Hill ក្នុង​ទីក្រុង​ញូវយ៉ក​បាន​និយាយថា មនុស្ស​ជាច្រើន​គឺ​មាន​បញ្ហា​នៃ​ការ​គេង ហើយ​ការ​គេង​ត្រូវ​បាន​ផ្សារភ្ជាប់​ទៅ​នឹង​មុខងារ​នៃ​ក្នុង​ខ្លួន​។ ការស្រាវជ្រាវ​នេះ​ផ្តល់​នូវ​ការយល់ដឹង​បន្ថែម​អំពី​អ្វី​ដែល​យើង​គួរតែ​ប្រាប់​អ្នកជំងឺ​អំពី​ការ​គេង​របស់​ពួកគេ​។ ការ​គេង​អាច​ជា​ការ​បម្លាស់ប្តូរ​នៃ​របៀប​រស់នៅ​សំខាន់​ដទៃទៀត​ដែល​មនុស្ស​ត្រូវការ​ធ្វើ​វា​។​

​វេជ្ជបណ្ឌិត សេល​ប៊ី ហ្វ្រី​ដ​មេន ហារី​ស (Shelby Freedman Harris) ដែល​មក​ពី​មជ្ឈមណ្ឌល​វេជ្ជសាស្ត្រ Montefiore ក្នុង​ទីក្រុង​ញូវយ៉ក​បាន​និយាយថា វា​គឺជា​ការស្រាវជ្រាវ​មួយ​ដែល​គួរអោយ​ចាប់អារម្មណ៍​ដែល​បញ្ជាក់​អំពី​ថា​តើ​កង្វះ​ការ​គេង​អាច​នាំអោយ​មាន​បញ្ហា​នៃ​មេ​តា​ប៉ូលីស​យ៉ាងណា​នោះ​។ ជំងឺ​មេ​តា​ប៉ូលីស​គឺជា​ឈ្មោះ​ដែល​ត្រូវបាន​គេ​ដាក់​អោយ​នៃ​កត្តា​ហានិភ័យ​ដែ​ល​កើន​ឡើង​ជាមួយ​គ្នា​នៃ​ជំងឺ​បេះដូង​, ជំងឺ​ដាច់​សរសៃឈាម​ខួរក្បាល និង​ជំងឺ​ទឹកនោម​ផ្អែម​ប្រភេទ​ទី​២​។​

​គាត់​បាន​និយាយថា ប្រសិនបើ​អ្នក​គេង​មិន​គ្រប់គ្រាន់​ទេ​នោះ​, អ្នក​ត្រូវ​ដឹងថា វា​ប៉ះពាល់​ដល់​កម្រិត​នៃ​ការ​ធ្វើ​មេ​តា​ប៉ូលីស​របស់​កោសិកា​អ្នក​។ ប្រសិនបើ​អ្នក​ជា​មនុស្ស​ធា​ត់​, កង្វះ​ការ​គេង​អាច​ជម្រុញ​ហានិភ័យ​នៃ​ផលវិបាក​ទៅ​ថ្ងៃក្រោយ​ដូចជា ការ​គេង​មិន​ដកដង្ហើម​ជាដើម​៕​