Join with Health.com.kh on Telegram

​តាមរយៈ​ការផ្លាស់ប្តូរ របៀប​រស់នៅ​មួយចំនួន សម្ពាធ​ឈាម​របស់​អ្នក អាច​នឹង​នៅ​ថេរ មាន​សុខភាព​ល្អ និង​កាត់បន្ថយ​ការប្រឈមមុខ​នឹង ជំងឺ​បេះដូង និង​សរសៃឈាម​ថែមទៀត​ផង​។​

​របៀប​រស់នៅ ដែល​មាន​សុខភាព​ល្អ រួមមាន ៖
•​    ​ការ​ទទួលទាន​អាហារ​មាន​សុខភាព​ល្អ​
•​    ​រក្សា​ទម្ងន់​ខ្លួន​ឲ្យនៅ​ថេរ មិន​លើស មិន​ខ្វះ​
•​    ​បង្កើន​សកម្មភាព​រាង​កាយ​
•​    ​កុំ​ជក់បារី​
•​    ​កម្រិត​ការ​ទទួលទាន​ជាតិ​អាលកុល​។​

​ការ​ទទួលទាន​អាហារ​មាន​សុខភាព​ល្អ​
​ចូរ​ជ្រើសរើស​របប​អាហារ ដែល​ជួយ​ការពារ​ជំងឺលើសឈាម និង​ការពារ​ផលវិបាក របស់​ជំងឺ​មួយ​នេះ​។ សូម​ប្រាកដថា អ្នក​ទទួល​ទាន​ត្រី បន្លែ និង​ផ្លែឈើ បាន​គ្រប់គ្រាន់ និង​ច្រើន​មុខ​ចម្រុះ​គ្នា​ជា​រៀងរាល់ថ្ងៃ​។​ ​កាត់បន្ថយ​ការ​ទទួលទាន​អាហារ​មាន​ជាតិ​ប្រៃ (​សូ​ដ្យូ​ម​) ហើយ​បង្កើន​ការ​ទទួលទាន​អាហារ​សម្បូរ​ប៉ូ​តា​ស្យូម ដើម្បី​ជួយ​បញ្ចុះ​សម្ពាធ​ឈាម​។​

​រក្សា​ទម្ងន់​ខ្លួន​ឲ្យនៅ​ថេរ និង​មិន​លើស មិន​ខ្វះ​
​ការ​ធាត់​លើស​ទម្ងន់ អាច​បង្កើន​ការប្រឈមមុខ​នឹង ជំងឺលើសឈាម​។ ដើម្បី​កំណត់ និង​ដឹងថា អ្នក​លើស​ឬ​អត់ អ្នក​គួរ​ទៅ​ជួប​គ្រូពេទ្យ ឬ​វាស់​កម្រិត BMI របស់​អ្នក​ឲ្យបាន​ទៀងទាត់​។​

​បង្កើន​សកម្មភាព​រាង​កាយ​
​ការ​ធ្វើ​ខ្លួន​ឲ្យ​សកម្ម អាចជួយ​ថែរក្សា​សុខភាព​អ្នក​បាន​ល្អ និង​បន្ថយ​សម្ពាធ​ឈាម​បាន​។ សម្រាប់​មនុស្ស​វ័យ​ជំទង់ អ្នក​គួរ​ហាត់ប្រាណ​កម្រិត​ស្រាល ដូចជា ជិះ​កង់ ឬ​ដើរ ឲ្យបាន ៣ ម៉ោង ជា​រៀងរាល់​អាទិត្យ​។​

​កុំ​ជក់បារី​
​បារី បង្កើន​សម្ពាធ​ឈាម និង​ធ្វើឲ្យ​អ្នក​ប្រឈមមុខ​នឹង ជំងឺ​បេះដូង និង​ដាច់​សរសៃឈាម​ខួរក្បាល​។​

​កម្រិត​ការ​ទទួលទាន​ជាតិ​អាល់កុល​
​ចូរ​ចៀសវាង​ការ​ទទួលទាន​ស្រា ឬ​ជាតិ​អាល់​កុល ឲ្យបាន​ច្រើន​តាម​ដែល​អាច​ធ្វើទៅបាន​៕