ខាងក្រោមនេះHealth.com.kh នឹងបង្ហាញអ្នកពីសកម្មភាពដែលអ្នកទាំងពីរគួរតែធ្វើមុនពេលចូលគេង ដើម្បីបង្កើនមនោសញ្ចេតនា។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- មុនពេលចូលគេង អ្នកគួរតែពិភាក្សាគ្នាពីផែនការថាតើគួរតែទៅណាដើរលេងក្នុងចុងសប្តាហ៍។ ការនិយាយគ្នាពីរឿងសប្បាយចិត្តទាំងនេះមុនចូលគេង នឹងអាចជួយធ្វើឲ្យអ្នកទាំងពីរមានអារម្មណ៍ស្រស់ស្រាយ។
- អ្នកគួរតែដឹកដៃគ្នាចូលគេង ដោយមិនគួរគិតតែរវល់ការងារ ហើយចូលគេងរៀងខ្លួននោះទេ។ ការចូលគេងជាមួយគ្នា នឹងអាចធ្វើឲ្យអ្នកទាំងពីរកាន់តែស្រឡាញ់គ្នាខ្លាំងបាន។
- មុនពេលចូលគេង ក្នុងនាមជាស្វាមីអាចអង្អែរក្បាលរបស់ភរិយាថ្នមៗ ដើម្បីបង្ហាញពីក្តីស្រឡាញ់របស់អ្នកចំពោះគេ។ ការធ្វើបែបនេះ នឹងអាចធ្វើឲ្យប្រពន្ធសប្បាយចិត្តបាន។
- អ្នកអាចនិយាយពាក្យអរគុណចំពោះស្វាមីអ្នក ដោយអរគុណគេដែលបានរវល់ពេញមួយថ្ងៃព្រោះតែគ្រួសារមួយនេះ។ ការនិយាយបែបនេះ នឹងអាចធ្វើឲ្យចិត្តរបស់ស្វាមីអ្នកត្រជាក់ខ្លាំង ធ្វើឲ្យគេអាចបាត់នូវអារម្មណ៍ស្មុគស្មាញទាំងឡាយបាន។ ដូចនេះ មុនចូលគេង អ្នកគួរតែធ្វើរឿងទាំងនេះដាក់គ្នា ដើម្បីអាចការពារមនោសញ្ចេតនាអ្នកបាន៕ (អាន:ថ្នាំងងុយគេង ពេលអ្នកគួរប្រើ)