មិនត្រឹមតែនារីចង់ស្រកក្បាលពោះនោះទេ បុរសក៏ចង់ស្រកដូចគ្នា ព្រោះគេក៏ចង់សង្ហារដូចគ្នា ដូចនេះនៅពេលដែលមានក្បាលពោះ បុរសគួរតែធ្វើដូចម្តេចទៅទើបអាចបំបាត់ក្បាលពោះនោះបាន?
អាហារ
- អ្នកមិនត្រូវផឹកស្រារច្រើននោះទេ ជាពិសេសនៅពេលយប់ ព្រោះវាអាចធ្វើឱ្យអ្នកដុះក្បាលពោះបាន ហើយពេលថ្ងៃត្រង់មិនត្រូវបរិភោគសាច់ច្រើនដូចគ្នា ព្រោះវាងាយធ្វើឱ្យអ្នកមានក្បាលពោះខ្លាំងណាស់នៅពេលដែលមានខ្លាញ់ច្រើនក្នុងពោះ។
- អាហារពេលល្ងាចរបស់អ្នកត្រូវតែទៅផ្ទះពិសារ ហើយត្រូវតែចម្អិនម្ហូបណាដែលមិនសូវមានខ្លាញ់ ហើយមិនបំពងខ្លាញ់មកបរិភោគ ទើបអ្នកមិនងាយមានក្បាលពោះ។
- នៅពេលដែលអ្នកស្រែកទឹក អ្នកមិនត្រូវតែងតែផឹកភេសជ្ជៈដែលផ្អែមៗដូចជា ទឹកក្រូចមកបំបាត់អាការៈនេះទេ ព្រោះវាអាចធ្វើឱ្យអ្នកមានក្បាលពោះបាន ជាងនេះទៅទៀតក៏មិនត្រូវផឹកស្រាបៀរមកបំបាត់ភាពស្រែកទឹកដូចគ្នា ព្រោះវាអាចបំផ្លាញសុខភាពអ្នក និងរូបរាងរបស់អ្នកបាន។
- អ្នកអាចបរិភោគបន្លែ និងផ្លែឈើឱ្យបានច្រើន ព្រោះនៅក្នុងនោះ វាមានសារធាតុដែលអាចជួយក្រពះ និងពោះវៀនអ្នកឱ្យដំណើរការល្អ ដូចនេះវាអាចជួយបញ្ចេញជាតិពុលមកក្រៅបានយ៉ាងងាយ នោះអ្នកនឹងគ្មានក្បាលពោះឡើយ ថែមទាំងមានសុខភាពល្អទៀតផង។
ហាត់ប្រាណ
- អ្នកអាចជ្រើសរើសលេងប៉ាល់បោះបាន ព្រោះវាអាចជួយអាស៊ីតខ្លាញ់ក្នុងខ្លួនអ្នកឱ្យរំលាយបានលឿន ថែមទាំងអាចជួយឱ្យឈាមដើរស្រួលទៀតផង។
- អ្នកអាចម៉ាស្សាពោះរបស់អ្នកបាន ព្រោះនៅពេលដែលអ្នកម៉ាស្សា វាអាចជួយរំលាយខ្លាញ់ដែលកកក្នុងពោះអ្នកបានយ៉ាងងាយ ហើយនៅពេលដែលខ្លាញ់ទាំងនោះរលាយ ក្បាលពោះអ្នកនឹងបាត់ឯងជាមិនខានឡើយ៕