Join with Health.com.kh on Telegram

​រលាក​ផ្លូវ​ទឹកនោម គឺ​ការឆ្លង​មេរោគ​នៅ​លើ​ផ្នែក​ណាមួយ​នៃ​ប្រព័ន្ធ​ទឹកនោម ដែល​អាច​ជា​ការ​រលាក​តម្រង​នោម ប្លោកនោម ឬ​បង្ហួរនោម​។ ការឆ្លង​មេរោគ ភាគច្រើនបំផុត គឺពាក់ព័ន្ធ​នឹង​ផ្លូវ​ទឹកនោម​ផ្នែក​ខាងក្រោម ដែល​មាន​ប្លោ​នោម និង​បង្ហួរនោម​។​

​ស្ត្រី មាន​ហានិភ័យ​ខ្ពស់​ក្នុង​ការវិវត្ត​នៃ​ជំងឺ​នេះ​ជាង​បុរស​។ ការឆ្លង​មេរោគ គឺ​ត្រឹមតែ​នៅលើ​ប្លោកនោម អាច​ធ្វើអោយ​មាន​ការឈឺ​ចាប់ និង​ជា​ការរំខាន​យ៉ាងខ្លាំង​។ ទោះជា​យ៉ាងណា​ផលវិបាក​ធ្ងន់ធ្ងរ អាច​កើតមាន ប្រសិន​បើ​ជំងឺ​នេះ បាន​រាលដាល​ដល់​តម្រងនោម​។​

​កត្តា​ហានិភ័យ ចំពោះ​ការឆ្លង​មេរោគ​លើផ្លូវ​ទឹកនោម រួមមាន ៖
•​    ​ជា​ស្ត្រី​
•​    ​ការ​រួមភេទ​
•​    ​ការប្រើប្រាស់​វិធី​ពន្យារកំណើត​ណាមួយ​
•​    ​ការ​អស់​រដូវ​
•​    ​មាន​ភាពមិនប្រក្រតី​នៅលើ​ផ្លូវ​ទឹកនោម​
•​    ​មាន​ការស្ទះ​នៅក្នុង​បង្ហួរ​នោម​
•​    ​ការ​មាន​ប្រព័ន្ធ​ភាពស៊ាំ​រាងកាយ​ចុះ​ទាប​
•​    ​ការ​សុង​ទឹកនោម ។​ល​៕