មនុស្សប្រុសតែងតែចង់រួមភេទជានិច្ច មែនទេ?មិនមែនទេ ។ ខ្ញុំតែងតែលឺដៃគូររួមភេទរបស់មនុស្សប្រុសនិយាយថា “ដៃគូររបស់ខ្ញុំមិនចង់រួមភេទទៀតទេ តើមានអ្វីកើតឡើងចំពោះគាត់ទៅ? មិនមែនអោយតែមនុស្សប្រុសចង់រួមភេទទាំងអស់នោះទេ?” នោះគឺជាបញ្ហាដែលច្រើនតែគិតមិនដល់ ហើយវាគឺជាកំហុសឆ្គងមូលដ្ឋានមួយដែលជឿថា មនុស្សប្រុសតែងតែចង់រួមភេទគ្រប់ពេលទាំងអស់ ។
នេះគឺជាហេតុផលទាំង១០ថាហេតុអ្វីបានជាមនុស្សប្រុសមិនចង់រួមភេទ៖
១. ប្រើប្រាស់ថ្នាំ៖ ថ្នាំប្រឆាំងនឹងការបាក់ទឹកចិត្ត (SSRI-type) និងថ្នាំបញ្ចុះសម្ពាធឈាម ច្រើនតែជាអ្នកបង្កបញ្ហាអោយមនុស្សប្រុសមានចំណង់ផ្លូវភេទទាប ។ ទាំងនេះក៏អាចធ្វើអោយការរួមភេទមិនដំណើរការបានដែរ ។
២. ដេកមិនគ្រប់គ្រាន់៖ នៅពេលដែលមនុស្សប្រុសស្ថិតក្នុងវ័យយុវវ័យ ២០ឆ្នាំហើយ ឱកាសនៃការរួមភេទនឹងច្រើនតែស្រើបស្រាលខ្លាំង ព្រមទាំងដំណេកផងដែរ ។ នេះគឺជាការពិតមួយនៅពេលដែលមានទំនាក់ទំនងនឹងដៃគូររួមភេទថ្មីមួយទៀត ។ ប៉ុន្តែមិនថាមនុស្ស ឬទំនាក់ទំនងដោយសារអាយុនោះទេ ការរួមភេទអាចនឹងបាត់បង់នៅពេលដែលសភាពជាធម្មជាតិ និងការចូលដំណេកដ៏ល្អក្នុងពេលយប់ត្រូវបានរំខាន ។
៣. កំរិតអ័រម៉ូន៖ ចំនុចសំខាន់បំផុតនៃការភ្ញោចរបស់រាងកាយជាធម្មតាទៅលើចំណង់ផ្លូវភេទ គឺអ័រម៉ូន Testosterone ។ មនុស្សប្រុសជាច្រើនតែងតែមានការរយល់ច្រលំក្នុងការធ្វើតេស្តមើលកំរិតអ័រម៉ូន Testosterone ក្នុងឈាមនៅពេលដែលមានការថយចុះចំណង់ផ្លូវភេទ ។ ខណៈពេលដែលព័ត៌មានដែលទទួលបានប្រហែលជាអាចបញ្ជាក់កាន់តែច្បាស់អំពីកំរិតអ័រម៉ូនរបស់មនុស្សប្រុស ហើយកាលណាដែលអ័រម៉ូន Testosterone ច្រើនមានន័យថាចំណង់ផ្លូវភេទដែលគេមានក៏ច្រើនទៅតាមនឹងដែរ ។ ជាមួយគ្នានេះដែរ កាលណាដែលកំរិតអ័រម៉ូន Prolactin និង SHBG (Sex Hormone Binding Globulin) ច្រើនពេកអាចធ្វើអោយរាំងស្ទះដល់ចំណង់ផ្លូវភេទបាន ។ ដូច្នេះនៅពេលដែលមានការសង្ស័យទៅលើអ័រម៉ូន ការធ្វើតេស្តឈាមទាំងនេះត្រូវតែមានសារៈសំខាន់ដើម្បីរកមើលកំរិតអ័រម៉ូន Testosterone, Prolactin, និងSHBG ។
៤. មានបញ្ហា៖ នៅពេលដែលមនុស្សប្រុសមានអារម្មណ៍ថាដូចជាគ្មានមុខមាត់អ្វីនៅក្នុងសង្គមដែលគេរស់នៅទេ នោះនឹងធ្វើអោយចំណង់ផ្លូវភេទមានការធ្លាក់ចុះ ។ ការបាក់ទឹកចិត្តប្រហែលជាមានការពាក់ព័ន្ធនឹងបញ្ហានេះ ប៉ុន្តែមិនរហូតនោះទេ ។ បញ្ហាអាចកើតឡើងនៅក្នុងកន្លែងធ្វើការ ពេលចេញពីធ្វើការ ប្រឈមមុខនឹងការស្លាប់របស់សមាជិកគ្រួសារណាម្នាក់ ដែលវាសុទ្ធសឹងតែធ្វើអោយអស់សង្ឃឹម និងជំនឿក្នុងឆាកជីវិត ហើយការចង់បាននៃចំណង់ផ្លូវភេទក៏ធ្លាក់ទៅក្នុងការអស់សង្ឃឹមផងដែរ ។
៥. អស់ជំនឿនៃការរួមភេទ៖ មនុស្សប្រុសមួយចំនួននឹងចេញឆ្ងាយពីការរួមភេទដោយមិនផ្តល់នូវការរីករាយ ឬពេញចិត្តសំរាប់គេ ។ ការខ្វះនូវការពេញចិត្តក្នុងពេលរួមភេទអាចទាក់ទងនឹងរឿងសំខាន់ៗជាច្រើនដែលដៃគូររបស់គាត់បានប្រព្រឹត្តិក្នុងពេលរួមភេទ ឬទាក់ទងនឹងរូបសម្បតិ្តរបស់ដៃគូរ ។ គាត់ប្រហែលជាមានអារម្មណ៍ថា ការផ្តល់អោយគាត់បែបនេះគឺមិនយុត្តិធម៌ទេ ។ វាប្រហែលជាត្រូវការធ្វើការអោយបានច្រើនជាងនេះ ។ គាត់ប្រហែលជាមានចំណង់ផ្លូវភេទដែលអាចធ្វើអោយដៃគូរបស់គាត់មិនអាចផ្តល់អោយបានព្រោះថាការសម្តែងរបស់គាត់ធ្វើអោយដៃគូររួមភេទខ្លាច ។
៦. ដៃគូរមិនយល់ព្រម៖ នៅពេលដែលមានការលំបាករវាងនៃគូរទាំងសងខាង មនុស្សប្រុសជាច្រើននឹងមិនចង់រួមភេទទៀត ឬបដិសេធន៍នូវសំណើររបស់ដៃគូរដើម្បីរួមភេទ ។ មនុស្សប្រុសមួយចំនួនតែងដាក់ទណ្ឌកម្មដល់ដៃគូររបស់ខ្លួនដោយមិនព្រមរួមភេទជាមួយ ប៉ុន្តែអ្នកខ្លះទៀតមិនមែនយកបញ្ហាដាក់ទណ្ឌកម្មនេះជាធំនោះទេ តែពួកគេមិនអាចផ្តោតអារម្មណ៍ដើម្បីរួមភេទបាននៅពេលដែលបញ្ហាមិនទាន់បានដោះស្រាយ ។
៧. ភាពតានតឹង៖ ភាពតានតឹងអាចកើតឡើងក្នុងទំរងជាច្រើនប្រភេទដូចជា វិបត្តិនៃបញ្ហាហិរញ្ញវត្ថុ សមាជិកគ្រួសារ ឬបុគ្គលផ្ទាល់មានជំងឺ មានការប្រគួតប្រជែងក្នុងកន្លែងធ្វើការ ខ្វល់ខ្វាយពីការថែទាំឪពុកម្តាយ និងបញ្ហាទៅលើសមាជិតគ្រួសារ ។ ពិតណាស់ វាពិតជាមានបញ្ហាច្រើនណាស់ដែលធ្វើអោយកើតមានភាពតានតឹងក្នុងចិត្ត ។
៨. ការជួយខ្លួនឯងរំខានដល់ការរួមភេទជាមួយដៃគូរ៖ នេះគឺជាប្រធានបទដ៏ក្តៅគគុកមួយចាប់តាំងពីមានការរីកដុះដាលនៃវិស័យអ៊ីនធើណិតមក ។ វាហាក់បីដូចជាមានអ្នកស្រាវជ្រាវមួយចំនួនក្នុងវិស័យនេះយល់ឃើញថា មនុស្សប្រុសជាច្រើនដែលមិនបានរកធនធានណាសំរាប់ភ្ញោចអារម្មណ៍ផ្លូវភេទ (ទស្សនាវដ្តីន៍ វីដេអូ ភាពយន្ត) ទេ តែបែរជាងាកមករកការមើលរូបភាពតាមរយៈអ៊ីនធើណេតដើម្បីដាស់ការសំរើបផ្លូវភេទទៅវិញ ។ សំរាប់គូរស្វាមីភរិយាមួយចំនួន បញ្ហាខាងលើនេះអាចធ្វើអោយមានការខ្វាយខ្វល់ជាច្រើនសំរាប់ពួកគេជាពិសេសការមើលរូបភាពដើម្បីជាជំនួយដល់ការរួមភេទតែម្នាក់ឯង ហើយបែរជាទុកដៃគូររួមភេទចោលទៅវិញ ។ មនុស្សមួយចំនួនតែងចង់បាននូវការជំនួសដោយមិនរួមភេទជាមួយគ្នា ប៉ុន្តែដៃគួរខ្លះទៀតមានការសាំចិត្តនឹងការធ្វើដូច្នេះ ហើយមិនសប្បាយចិត្តទៀតផង ។
៩.ខ្លាចនូវភាពស្និទ្ធស្នាល៖ មនុស្សប្រុសមួយចំនួនដែលមានទំនាក់ទំនងជាមួយដៃគូរគួរអោយរ៉ូមែនទិចរហូតដល់ជិតក្លាយជាបងប្អូនទៅហើយ ។ ការទំនាក់ទំនងដែលពួកគេធ្លាប់មានពីមុនមកធ្វើអោយកំរិតនៃភាពស្និទ្ធិស្នាលបន្ថែមអោយការស្និទ្ធិស្នាលលើការរួមភេទក៏ខ្ពស់ទៅតាមគ្នាដែរ ។ វាប្រហែលជាពិបាកក្នុងការស្រមើស្រមៃថាមនុស្សម្នាក់អាចមានភាពស្និទ្ធស្នាលខ្លាំងបាន ហើយនេះក៏ជាប្រការមួយជំរុញអោយអ្នកឯកទេសខាងផ្លូវភេទជាច្រើនយល់ជា វាគឺជាបញ្ហាចម្បងមួយដែលបណ្តាលអោយមានការថយចុះនៃការរួមភេទសំរាប់គូរស្វាមីភរិយា ។
១០. ពិបាកក្នុងការបំពេញមុខងារផ្លូវភេទ៖ មនុស្សប្រុសជាច្រើនដែលមានបញ្ហាងាប់លិង្គ ឬយល់ថាពួកគេឆាប់ចេញទឹកកាមពេក និងអាចធ្វើអោយពួកគេចេញឆ្ងាយពីការរួមភេទជាមួយដៃគូរ ។ លើសពីនេះទៅទៀតការប្រឈមមុខនឹងអ្វីដែលធ្វើអោយអារម្មណ៍កើតជាការបរាជ័យ ជាពិសេសទៅលើទំនៀមទម្លាប់ដែលដដែលៗ សុទ្ធសឹងតែធ្វើអោយមនុស្សប្រុសគ្រប់គ្នាមិនចង់រួមភេទតទៅទៀត ។