អ្នកបារម្ភអំពីការមានជំងឺមហារីកសុដន់ឬ?បើដូច្នេះមែនចូរពិនិត្យមើល អាហារខាងក្រោមនេះ។ការស្រាវជ្រាវបង្ហាញថាវាអាចកាត់បន្ថយ គ្រោះថ្នាក់កើតជំងឺមហារីកសុដន់បាន។
សណ្តែក
ការបរិភោគសណ្តែកច្រើនប្រហែលជាអាចជួយការពារខ្លួនអ្នកពីជំងឺមហារីកសុដន់បាន ព្រោះវាមានធាតុផ្សំម្យ៉ាងមានឈ្មោះថា Phytoestrogens ដែលអាចជួយទប់ស្កាត់សកម្មភាពរបស់ភ្នាក់ងារបង្កជំងឺមហារីក ។ អ្នកស្រាវជ្រាវម្នាក់វេជ្ជបណ្ឌិត Leonard A. Cohen, Ph.D., នៅឯមូលនិធិសុខាភិបាលអាមេរិក (American Health Foundation) ក្នុងទីក្រុង New York និយាយថា ស្ត្រី អេស្ប៉ាញមិនសូវជាកើតជំងឺមហារីកសុដន់ដូចស្ត្រីជនជាតិអាមេរិកនោះទេ ។
នៅក្នុងការសិក្សាថ្មីមួយលោកវេជ្ជបណ្ឌិត Cohen ជឿជាក់ថា គាត់បានរកឃើញហេតុផលមួយថាហេតុអ្វីបានជាស្ត្រីអេស្ប៉ាញមិនសូវកើតជំងឺមហារីកសុដន់ដោយសារតែពួកគេបរិភោគសណ្តែកច្រើនក្នុងមួយថ្ងៃៗ ។
ស្ត្រីអេស្ប៉ាញជាមធ្យមបរិភោគសណ្តែកច្រើនជាង ១១៥ក្រាមក្នុងរយៈពេល ៦ថ្ងៃ ។ វេជ្ជបណ្ឌិត Cohen និយាយថា សណ្តែកក៏មានមុខងារជាច្រើនសំរាប់ប្រឆាំងនឹងជំងឺមហារីកដូចជា Protease Inhibitors និង Phytaste ។
សណ្តែកសៀង
យោងទៅតាម វេជ្ជបណ្ឌិត Stephen Barnes សាស្ត្រាចារ្យរងផ្នែកឱសថសាស្ត្រ និងគីមីជីវសាស្ត្រនៅឯសាកលវិទ្យាល័យ Alabama និយាយថា សណ្តែកសៀងក៏ផ្ទុកទៅដោយសារធាតុសំខាន់ៗដែលអាចគ្រប់គ្រងលើអ័រម៉ូន Oestrogen បាន ព្រម ទាំងប្រឆាំងផ្ទាល់នឹងការលូតលាស់របស់កោសិការមហារីក នេះបើតាមទ្រឹស្តីដើម្បី កាត់បន្ថយនូវការប្រឈមនឹងជំងឺមហារីកសុដនទៅលើស្ត្រីគ្រប់វ័យ ។ តាមការ ពិតនៅក្នុងសណ្តែកសៀងមួយគ្រាប់គឺមានសារធាតុគីមីដូចគ្នានឹងថ្នាំ Tamoxifen ដែរ ដែលប្រើសំរាប់ជួយការពារជំងឹមហារីកសុដន់ និងទប់ស្កាត់ការរាលដាលទៅកន្លែងផ្សេង ។
លោកវេជ្ជបណ្ឌិត Barnes និយាយថា សារធាតុ Phytoestrogens របស់សណ្តែកសៀងមានប្រតិកម្មបញ្ច្រាសនឹងការធំធាត់របស់មហារីកដែលបង្កឡើងដោយអ័រម៉ូន Oestrogen ហើយមុខងារដូច្នេះមានភាពដូចគ្នានឹងថ្នាំ Tamoxifen ដែរ ហើយត្រូវបានគេប្រើសាកល្បងទៅលើសត្វ ។ គាត់បានអោយសត្វខ្លះស៊ីសណ្តែកសៀងនេះក្នុងចំនួនដ៏ច្រើន ហើយខ្លះទៀតអោយស៊ីតាមធម្មតា ។ សត្វកណ្តុរដែលបានស៊ីសណ្តែកទាំងអស់មានការថយចុះនូវការកើតជំងឺមហារីកសុដន់ពី ៤០ ទៅ ៦៥ភាគរយ ។ លោកវេជ្ជបណ្ឌិត Barnes និងសហការរីទាំងអស់ញែកអោយដាច់នូវអ្វីដែលពួកគគេជឿថាសកម្មភាពរបស់សណ្តែកគឺជាភ្នាក់ងារមួយសំរាប់ប្រឆាំងនឹងជំងឺមហារីក ហើយភ្នាក់ងារនោះមានឈ្មោះថា Genistein ។ វាក៏មានតួរនាទីក្នុងការបង្ការការពារកុំអោយមានដុំសាច់នៅក្នុងដោះរបស់សត្វដែរ ។ ក្នុងពេលបច្ចុប្បន្ននេះ លោក Barnes ក៏បានធ្វើតេស្តទៅលើស្ត្រីជាច្រើននាក់ដែលតម្រូវអោយពួកគេទទួលទានទឹកសណ្តែកសៀង។
សណ្តែកសៀងហាក់បីដូចជាជួយការពារស្ត្រីនៅក្នុងតំបន់អាស៊ីក្នុងការប្រឆាំងនឹងជំងឺមហារីកសុដន់ខ្លាំងណាស់ ។ ការសិក្សាថ្មីៗនេះបានរកឃើញថា ស្ត្រីដែលត្រៀមនឹងរ៉ាំងរដូវក្នុងប្រទេសសិង្ហបូរី ដែលបានបរិភោគសណ្តែកសៀងបានច្រើនដងក្នុងមួយថ្ងៃឃើញថាអត្រានៃការប្រឈមនឹងជំងឺមហារីកសុដន់មានតែពាក់កណ្តាលទេ ។
វេជ្ជបណ្ឌិត Herman Adlercreutz និងសហការរីរបស់គាត់នៅឯសាកលវិទ្យាល័យ Helsinkis ដែលបានសិក្សាទៅលើប្រជាជនដែលរស់នៅKyoto ដែលពួកគេនៅតែបន្តនូវការទទួលទានអាហារតាមទំនៀមទំលាប់ប្រពៃណីជប៉ុន ហើយលោកបាននិយាយថា សណ្តែកសៀងត្រូវបានគេចាត់ទុកថាជាហេតុផលដំបូងគេមួយដែលធ្វើអោយស្ត្រីជនជាតិជប៉ុនមិនសូវកើតជំងឺមហារីកសុដន់ ។ ជាធម្មតាមនុស្សស្រីទាំងនោះទទួលទានអាហារដែលធ្វើអំពីសណ្តែកសៀង ៨៥ក្រាមក្នុងមួយថ្ងៃ ។
អាហាសមុទ្រ
អ្នកស្រីវេជ្ជបណ្ឌិត Rashida Karmali សាស្ត្រាចារ្យរងខាងផ្នែកអាហារូបត្ថម្ភនៅឯសាកលវិទ្យាល័យ Rutgers និយាយថា អាហាសមុទ្រជាពិសេសត្រីដែលមានខ្លាញ់ច្រើនក៏អាចជួយទប់ស្កាត់ការលូតលាស់របស់មហារីកសុដន់ដែរ ។ អ្នកស្រីបានរកឃើញថា អាហារបំប៉នដែលមានជាជាតិខ្លាញ់ត្រី ដែលវាស្មើនឹងអាហារត្រីរបស់ស្ត្រីជនជាតិជប៉ុនបរិភោគ ត្រូវបានទប់ស្កាត់នូវការករកើតរោគសញ្ញារបស់ជំងឺមហារីកសុដនលើស្ត្រីណាដែលមានការប្រឈមមុខខ្ពស់ ។ លើសពីនេះទៅទៀត ការសង្គេតរបស់ជនជាតិកាណាដាលើប្រទេសចំនួន ៣២ បានបង្ហាញថា អត្រានៃការកើតថ្មី និងការស្លាប់ដោយសារជំងឺមហារីកសុដន់ត្រូវបានធ្លាក់ចុះក្នុងបណ្តាប្រទេសដូចជាជប៉ុន ដែលជាកន្លែងមួយធ្វើអោយមនុស្សស្រីមានការបរិភោគត្រីច្រើនជាងគេ ។
អ្វីដែលគួរអោយរំភើបបំផុតនោះគឺ ខ្លាញ់ត្រីពិតជាអាចជួយទប់ស្កាត់ការលូតលាស់របស់មហារីកបានមែន ។ គ្រូពេទ្យវះកាត់ម្នាក់របស់សាកលវិទ្យាល័យHarvard ឈ្មោះថា George Blackburn ជឿជាក់ថា ការបរិភោគខ្លាញ់ត្រីប្រហែលជាជួយបញ្ឈប់ការរាលដាលរបស់មហារីក (Metastasis) សុដន់បានដែរ ។ គាត់ធ្វើការប៉ាន់ស្មានថា ភាពខ្លាំងរបស់ខ្លាញ់ត្រីគឺជួយជំរុញអោយប្រព័ន្ធការពាររាងកាយមានសកម្មភាព ដែលអាចទៅសំលាប់កោសិកាមហារីកបានតាមរយៈការស្អិតភ្ជាប់នៃការធ្វើដំនើររបស់កោសិកាមហារីកទៅកន្លែងមួយថ្មីផ្សេងទឿត ដូច្នេះពួកវាមិនអាចបង្កកំណើតកូនចៅនៅក្នុងកោសិការថ្មីផ្សេងទៀតបានទេ ។
វីតាមីន D
យោងទៅតាមវេជ្ជបណ្ឌិត Frank Garland នៅខាងនាយកដ្ឋានឱសថគ្រូសារ និងសហគមន៍ក្នុងសាកលវិទ្យាល័យ California ក្នុងទីក្រុង San Diego បានអោយដឹងថា មានអំណះអំណាងដ៏គួរអោយភ្ញាក់ផ្អើលថ្មីមួយដែលស្ត្រីចំនាស់ៗធ្វើការតមចំនីអាហារណាដែលសំបូរដោយវីតាមីន D ធ្វើអោយពួកគាត់ងាយនឹងកើតជំងឺមហារីកសុដន់ ។ នេះក៏ប្រហែលជួយពន្យល់អំពីប្រសិទ្ធភាពប្រឆាំងនឹងជំងឺមហារីករបស់ត្រីដែរហើយ ព្រោះខ្លាញ់ត្រីពោរពេញទៅដោយវីតាមីន D ។ ជាពិសេស លោកវេជ្ជបណ្ឌិត Garland រកឃើញថា របបអាហារដែលខ្វះវីតាមីន D ធ្វើអោយស្ត្រីរាំងរដូវអាយុលើសពី ៥០ឆ្នាំកើតមានជំងឺមហារីក ប៉ុន្តែរបបអាហារបែបនេះមិនបង្កជំងឺមហារីកលើស្ត្រីវ័យក្មេងៗនោះទេ ។
ជាអកុសល្យ ស្ត្រីជនជាតិអាមេរិកភាគច្រើនបរិភោគវិតាមីន D តែមួយភាគបីប៉ុណ្ណោះតាមរយៈ Recommended Dietary Allowance (RDA) ក្នុងចំនួន ២០០IU (International Units) សំរាប់តែស្ត្រីអាយុលើសពី ២២ឆ្នាំ ។ ស្ត្រីជនជាតិជប៉ុនបរិភោគវីតាមីន D នេះច្រើនជាង ៦ដងស្មើនឹង ១២០០IU (៣០មៃក្រូក្រាម)ក្នុងមួយថ្ងៃ ។ នៅពេលដែលស្ត្រីជនជាតិជប៉ុនផ្លាស់លំនៅទៅនៅសហរដ្ឋអាមេរិកវិញ របបនៃការទទួលទានវីតាមីន D របស់ពួកគេមានការថយចុះ ហើយអត្រានៃការប្រឈមនឹងជំងឺមហារីកសុដន់ឡើងខ្ពស់ដូចគ្រាប់រ៉ុកកែត ។ លើសពីនេះទៅទៀត វីតាមីន D ជួយបន្ថយអត្រានៃការលូតលាស់របស់កោសិកាមហារីកនិងកាត់បន្ថយនូវអត្រានៃការកើតមហារីកដោះរបស់សត្វបានពាក់កណ្តាលទៀតផង ។ ក្នុងប្រទេសកម្ពុជាយើងមិនមាន RDA សំរាប់ផ្គត់ផ្គងវីតាមីន D នោះទេ ។ ដូច្នេះយើងគ្រាន់តែអាចទទួលបានវីតាមីន D នេះតាមរយៈពន្លឺព្រះអាទិត្យ ។ អាហារដែលសំបូរទៅដោយវីតាមីន D ល្អបំផុតគឺ ខ្លាញ់ត្រីដូចជាត្រីសាម៉ុង Sardines, Mackerel, Herring និង Tuna ។ ចំពោះអាហារដែលសំបូរទៅដោយវីតាមីន D ច្រើនជាងគេនៅលើលោកនេះគឺសត្វអន្ទង់ វាគឺជាសត្វដ៏ពេញនិយមបំផុតក្នុងប្រទេសជប៉ុនក្នុងការធ្វើជាអាហារ។ សាច់អន្ទង់ ១០០ក្រាម មានវីតាមីន D ១២៥មៃក្រូក្រាម ។
វីតាមីន C
ចូរបរិភោគបន្លែ និងផ្លៃឈើដែលសំបូរទៅដោយវីតាមីន C អោយបានច្រើន ព្រោះវាអាចជួយបំបាត់ការប្រឈមនឹងជំងឺមហារីកសុដន់ ព្រមទាំងមហារីកជាច្រើនទៀតនៅគ្រប់អាយុ ។ យោងទៅតាមការពិនិត្យលើភស្តុតាងជាច្រើនប្រភេទបានអោយដឹងថា វីតាមីន C គឺជារូបធាតុមួយគួរអោយភ្ញាក់ផ្អើលបំផុតក្នុងការប្រឆាំងនឹងជំងឺមហារីកសុដន់ ។ ឧទាហរណ៍ យោងទៅតាមការវិភាគលើការសិក្សាសំខាន់ៗ លើជំងឺមហារីកសុដន់ និងរបបអាហារដែលធ្វើឡើងដោយអ្នកស្រាវជ្រាវនៅឯវិទ្យាស្ថានជាតិជំងឺមហារីករបស់ប្រទេសកាណាដាបានអោយដឹងថា អាហារដែលសំបូរដោយវីតាមីន C គឺជារនាំងការពារជំងឺមហារីកសុដន់យ៉ាងខ្លាំងបំផុត ។ តាមការពិត ការបរិភោគវីតាមីន C តិចពេកធ្វើអោយប្រឈមនឹងជំងឺច្រើនជាងការទទួលទានច្រើន ។
យោងទៅតាមមូលដ្ឋាននៃការរកឃើញបានអោយដឹងថា អ្នកស្រាវជ្រាវទាំងអស់បានទស្សន៍ទាយថា ការបរិភោគបន្លែ និងផ្លែឈើបានគ្រប់គ្រាន់ដែលមានវីតាមីន C ៣៨០ក្រាមក្នុងមួយថ្ងៃប្រហែលជាកាត់បន្ថយនូវការប្រឈមនឹងជំងឺមហារីកសុដន់បាន ១៦ភាគរយនៃស្ត្រីទាំងអស់ ។ វានៅតែមានការងាយស្រួលដដែលក្នុងការទទួលបាននូវវីតាមីន C តាមរយៈការបរិភោគបន្លែ និងផ្លែឈើអោយបានច្រើន ។
អ្នកស្រាវជ្រាវក៏បានរកឃើញថា ការការពាររបស់វីតាមីន C មានចំនួនកាន់តេខ្លាំងទៅលើស្ត្រីក្រោយរាំងរដូវហើយ នៅពេលដែលពួកគេកាត់បន្ថយរបបអាហារដែលសំបូរជាតិខ្លាញ់ ។ សេចក្តីបញ្ចប់របស់ពួកគេគឺ ប្រសិនបើអ្នកកាត់បន្ថយអាហារដែលមានជាតិខ្លាញ់ Saturated Fat បាន ៩កាឡូរី នោះឱកាសនៃការកើតជំងឺមហារីកសុដន់នឹងធ្លាក់ចុះបាន ១០ភាគរយហើយ ។ ទោះបីជាយ៉ាងណាក៏ដោយ ប្រសិនបើស្ត្រីរាំងរដូវហើយប្រើវីតាមីន C រហូតដល់ ៣៨០មីលីក្រាម ធ្វើអោយឱកាសនៃការកើតជំងឺមហារីកសុដន់មានការធ្លាក់ចុះបន្តិចម្តងៗរហូតដល់ ២៤ភាគរយ ។
