Join with Health.com.kh on Telegram

ជំងឺ​រលាក​ខ្នែងពោះវៀន​ ដែល​ប្រជាជន​ស្រុក​យើង​តែងតែ​ហៅ​ថា​ ពោះវៀន​ដុះ​ខ្នែង​ គឺជា​លក្ខ​ខ័​ណ្ឌ​មួយ​ដែល​ខ្នែងពោះវៀន​របស់​អ្នក​ក្លាយទៅជា​រលាក​ និង​មាន​ខ្ទុះ​។​ ខ្នែងពោះវៀន​របស់​អ្នក​គឺ​មាន​ទម្រង់​ដូច​ម្រាមដៃ​ដែល​លយ​ចេញពី​ពោះវៀនធំ​នៅ​ផ្នែក​ខាងក្រោម​ខាងស្តាំ​នៃ​ពោះ​របស់​អ្នក​។​ រចនាសម្ព័ន្ធ​ដ៏​តូច​នេះ​មិន​បានដឹង​ពី​គោលបំនង​សំខាន់​របស់​វា​ទេ​,​ ប៉ុន្តែ​នេះ​មិនមែន​មាន​ន័យ​ថា​វា​មិន​អាច​បង្ក​អោយ​មាន​បញ្ហា​នោះ​ទេ​។​

ជំងឺ​រលាក​ខ្នែងពោះវៀន​បណ្តាល​អោយ​ឈឺ​ដែល​ចាប់ផ្តើម​ច្បាស់​ជុំវិញ​ផ្ចិត​ និង​បន្ទាប់​មក​រាលដាល​ទៅ​ផ្នែក​ខាងក្រោម​និង​ខាងស្តាំ​នៃ​ពោះ​។​ ការ​ឈឺ​ដោយ​ការ​រលាក​ខ្នែងពោះវៀន​កើនឡើង​ច្បាស់​នៅ​ជុំវិញ​ពី​១២​ ទៅ​១៨​ម៉ោង​ និង​ក្លាយជា​ធ្ងន់ធ្ងរ​។​
ជំងឺ​រលាក​ខ្នែងពោះវៀន​អាច​ប៉ះពាល់​លើ​មនុស្ស​គ្រប់​រូប​,​ ប៉ុន្តែ​វា​ជា​រឿយៗ​កើតឡើង​បំផុត​ចំពោះ​មនុស្ស​ដែល​មាន​អាយុ​ចន្លោះ​ពី​១០​ និង​៣០​ឆ្នាំ​។​ ការ​ព្យាបាល​ជំងឺ​រលាក​ខ្នែងពោះវៀន​តាម​ស្តង់ដារ​គឺ​ធ្វើការ​វះកាត់​ដើម្បី​កាត់​នូវ​ខ្នែងពោះវៀន​នោះ​ចោល​។

រោគ​សញ្ញា
រោគ​សញ្ញា​នៃ​ជំងឺ​រលាក​ខ្នែងពោះវៀន​អាច​រួម​មានៈ​
-​ឈឺ​រមាស់​ដែល​ចាប់ផ្តើម​ជុំវិញ​ផ្ចិត​ និង​រាលដាល​ទៅ​ផ្នែក​ខាងក្រោម​ស្តាំ​នៃ​ពោះ​
-​ឈឺចាប់​ផ្តើម​បន្តិច​ម្តងៗ​ជា​ច្រើន​ម៉ោង​
-​ងាយ​ឈឺចាប់​ដែល​កើត​មាននៅ​ពេល​ដែល​អ្នក​សង្កត់​នៅ​ផ្នែក​ខាងក្រោម​ស្តាំ​នៃ​ពោះ​
-​ឈឺ​ខ្លាំង​នៅ​ផ្នែក​ខាងក្រោម​នៃ​ពោះ​ដែល​កើត​មាននៅ​ពេល​ដែល​តំបន់​នោះ​ ត្រូវ​បាន​ គេ​សង្កត់​
-​ការ​ឈឺចាប់​នឹង​អាក្រក់​ទៅៗ​ប្រសិនបើ​អ្នក​ក្អក​,​ ដើរ​ ឬ​ធ្វើ​អ្វី​ដែល​នាំ​អោយ​មាន​ចលនា​
-​ចង្អោរ​
-​ក្អួត​
-​អត់​ចង់​ញុំ​ា​អី​
-​ក្តៅខ្លួន​ក្នុង​កំរិត​ទាប​
-​ទល់លាមក​
-​អត់​ផោម​
-​រាគ​
-​ហើមពោះ​
ទីតាំង​នៃ​ការ​ឈឺចាប់​អាច​ផ្សេងៗ​ពី​គ្នា​ ដោយ​អាស្រ័យ​ទៅ​លើ​អាយុ​ និង​កន្លែង​នៃ​ ខ្នែង​ ពោះវៀន​របស់​អ្នក​។​ ក្មេង​តូចៗ​ ឬ​ស្ត្រី​មាន​ផ្ទៃពោះ​,​ ជា​ពិសេស​,​ អាច​មានការ​ឈឺចាប់​ដោយ​ ការ​រលាក​ខ្នែងពោះវៀន​ក្នុង​កន្លែង​ផ្សេងៗ​គ្នា​។​

នៅ​ពេល​ណា​ដែល​ទៅ​ជួបនឹង​គ្រូពេទ្យ
សូម​ធ្វើការ​ណាត់​ជាមួយ​គ្រូពេទ្យ​ប្រសិនបើ​អ្នក​ ឬ​កូន​របស់​អ្នក​ធ្លាប់​មាន​សញ្ញា​ ដែល​ធ្វើ​ អោយ​អ្នក​ព្រួយបារម្ភ​។​ ការ​ឈឺពោះ​ធ្ងន់​ដែល​មនុស្ស​ម្នាក់​មិន​អាច​នៅ​មួយ​កន្លែង​បាន​ ឬ​រក​ឥរិយាបថ​មួយ​អោយ​សុខ​ស្រួល​បាន​ តម្រូវ​អោយ​រក​ការ​ព្យាបាល​ភ្លាមៗ​។​

មូលហេតុ
មូលហេតុ​នៃ​ការ​រលាក​ខ្នែងពោះវៀន​គឺ​នៅ​តែ​មិន​ទាន់​ច្បាស់​នៅឡើយ​។​ ការ​រលាក​ខ្នែង​ ពោះវៀន​ជួនកាល​អាច​កើត​មាន​ឡើង​ដោយសារ​លទ្ធផល​នៃៈ​
-​ស្ទះ​:​ កាក​សំនល់​នៃ​អាហារ​ ឬ​ដុំ​លាមក​ដែល​រឹង​អាច​ទៅ​នៅ​ក្នុង​ប្រហោង​ខ្នែងពោះវៀន​របស់​អ្នក​។​
-​ឆ្លង​ជំងឺៈ​ ការ​រលាក​ខ្នែងពោះវៀន​អាច​ដោយសារ​តាម​ការ​ឆ្លង​មេរោគ​ ដូច​ជា​ការ​ឆ្លង​ មេរោគ​វីរុស​នៅ​ក្រពះ​ និង​ពោះវៀន​ ឬ​វា​អាច​ជា​លទ្ធផល​ពី​ប្រភេទ​ផ្សេងៗ​នៃ​ការ​រលាក​។​
ក្នុង​ករណី​ទាំង​ពីរ​នេះ​,​ បាក់តេរី​អាច​ជ្រាតចូល​យ៉ាង​លឿន​ ដែល​បណ្តាល​អោយ​ខ្នែងពោះវៀន​ក្លាយជា​រលាក​ និង​ត្រូវ​បាន​បំពេញ​ទៅ​ដោយ​ខ្ទុះ​។​ ប្រសិនបើ​មិន​បាន​ព្យាបាល​ជា​បន្ទាន់​នោះ​ទេ​,​ ខ្នែងពោះវៀន​អាច​ធ្លាយ​។

ផល​លំបាក
ការ​រលាក​ខ្នែងពោះវៀន​អាច​បណ្តាល​អោយ​មាន​ផល​លំបាក​ធ្ងន់ធ្ងរ​។​

ខ្នែងពោះវៀន​ធ្លាយ​
ប្រសិនបើ​ខ្នែងពោះវៀន​ធ្លាយ​,​ សរីរៈ​ដែល​ត្រូវ​បាន​ឆ្លង​មេរោគ​អាច​បង្ហូរ​ទៅ​ក្នុង​ប្រហោង​ពោះ​របស់​អ្នក​។​ នេះ​អាច​បណ្តាល​អោយ​មានការ​ឆ្លង​មេរោគ​ធ្វើ​អោយរ​លាក​ស្រោមពោះ​របស់​អ្នក​(peritonitis)​។​

ប្រមូលផ្តុំ​ខ្ទុះ​ដែល​បង្កើត​នៅ​ក្នុង​ពោះ​
ការ​ឆ្លង​មេរោគ​ និង​ការ​ជ្រាប​ទឹក​នៃ​ពោះវៀន​អាច​បង្កើត​ជា​ដំបៅ​,​ ការ​ប្រមូលផ្តុំ​នៃ​មេរោគ​(appendiceal​ abscess)​។​ ដំបៅ​នៅ​ខ្នែងពោះវៀន​តម្រូវ​អោយ​មានការ​ព្យាបាល​មុន​ពេល​ដែល​ដំបៅ​បែកធ្លាយ​ដោយ​បណ្តាល​អោយ​មេរោគ​រាលដាល​ទៅ​ក្នុង​ស្រោមពោះ​បន្ថែម​ទៀត​។