Join with Health.com.kh on Telegram

​ដុំ​សាច់​ក្នុង​ស្បូន កើតមានឡើង​ពេល​ជាសិកា​សាច់ដុំ​ស្បូន​ដុះ​លូតលាស់​ខុសធម្មតា​។ ដុំ​សា​ច់នេះ​អាច​មាន​លើស​ពី​មួយ និង​មាន​ទំហំ​ចាប់ពី​តូច​បំផុត រហូត​ដល់​ធំ​បំផុត​។ ស្ត្រី​ប្រហែលជា ៧០ ទៅ ៨០ ភាគរយ​នឹង​កើត​មាន​ដុំ​សាច់​ក្នុង​ស្បូន​នេះ​នៅ​អាយុ ៥០ ឆ្នាំ​ឡើង​ទៅ​។ ពាក្យ​បច្ចេកទេស​ពេទ្យ គេ​ហៅ​ដុំ​សា​ច់នេះ​ថា Fibroid, Leiomyoma ឬ Myoma​។


​ដុំ​សាច់​ក្នុង​ស្បូន​អាច​បង្ក​ជា​រោគសញ្ញា​តិចតួច ឬ​គ្មាន​តែម្តង​។ ខាងក្រោម​នេះ​អាច​ជា​សញ្ញា​ដែល​ស្ត្រី​គួរ​ចាប់អារម្មណ៍ និង​ស្វែងយល់​អោយបាន​ច្បាស់ ៖

  • ​មាន​សម្ពាធ​លើ​ផ្លោក​នោម ឬ​ចុង​ពោះវៀន​ធំ​
  • ​នោម​ញឹក​
  • ​ទល់​លាមក និង​ឈឺ​នៅ​ចុង​ពោះវៀន​ធំ​
  • ​ឈឺ​ចង្កេះ ឬ​ឈឺ​ក្នុង​ពោះ​។​

​បើសិន​ជា​ដុំ​សាច់​ក្នុង​ស្បូន​មាន​សភាព​ធំ​ខ្លាំង វា​នឹង​សង្កត់​ដល់​ក្រពះ ដែល​អាច​ធ្វើអោយ​ស្ត្រី​មើល​ទៅ​ដូចជា​មាន​ផ្ទៃពោះ​អញ្ចឹង​។
 

​ដុំ​សាច់​ក្នុង​ស្បូន​ក៏​ប្រហែលជា​ធ្វើអោយ​រដូវ​មនុស្ស​ស្រី​ប្រែប្រួល​ផងដែរ ដូចជា​៖

  • មាន​អា​ការៈឈឺ​ពោះ​បែប​រមួល ពី​ឈឺចាប់​តិចតួច​រហូត​ដល់​ខ្លាំង​
  • ​ហូរ​ឈាម​រដូវ​ច្រើនជាង​មុន ហើយ​ពេល​ខ្លះ​មាន​កំណក​ឈាម​ធ្លាក់​មក​ទៀត​ផង​
  • ​មក​រដូវ​យូរថ្ងៃ ឬ​ញឹក​ជាង​មុន​
  • ​ហូរ​ឈាម​នៅ​ចន្លោះ​ពេល​មក​រដូវ​៕