ការមិនផឹកស្រាត្រូវបានគេចាត់ទុកថាផ្តល់នូវសុវត្ថិភាពអំឡុងពេលមានផ្ទៃពោះ។ ដូចគ្នាដែរ, សូមពិនិត្យជាមួយនឹងគ្រូពេទ្យមុននឹងអ្នកលេបថ្នាំវីតាមីន ឬថ្នាំរុក្ខជាតិនានា។ ថ្នាំមួយចំនួនអាចធ្វើអោយប៉ះពាល់ទៅលើការវិវត្តរបស់ទារក។
ទោះបីជាគ្រូពេទ្យជាច្រើនមានអារម្មណ៍ថា ការផឹកកាហ្វេ, តែ ឬទឹកសូដាដែលមានជាតិកាហ្វអ៊ីនតិចតួចនឹងមិនប៉ះពាល់ដល់កូនយ៉ាងណាក៏ដោយ, ប៉ុន្តែវាជារឿងល្អក្នុងការចៀសវាងវាប្រសិនបើអ្នកអាច។ ការផឹកកាហ្វេអ៊ីនច្រើនត្រូវបានផ្សារភ្ជាប់ទៅនឹងការកើនឡើងហានិភ័យនៃការរលូតកូន និងបញ្ហាដទៃទៀត ដូចនេះ សូមផឹកភេសជ្ជៈដែលមិនមានជាតិកាហ្វេអ៊ីន។
នៅពេលដែលអ្នកមានផ្ទៃពោះ, វាជារឿងសំខាន់ដើម្បីជៀសវាងជំងឺដែលបង្កឡើងដោយមេរោគដែលមាននៅអាហារដែលអាចគម្រាមកំហែងដល់អាហារជីវិតដល់ទារកដែលមិនទាន់កើត និងអាចបណ្តាលអោយកូនមិនគ្រប់លក្ខណៈ ឬរលូត។ អាហារដែលនាំអោយមានបញ្ហានោះរួមមានៈ
- ប្រហុក
- ទឹកដោះគោ, ទឹកផ្លែឈើដែលមិនទាន់យកទៅចម្អិន
- ស៊ុតឆៅ
- សាច់, ត្រីដែលមិនឆ្អិន
- ត្រីដែលមានជាតិបារតខ្ពស់
ប្រសិនបើអ្នកបានញ៉ាំអាហារទាំងនោះនៅពេលណាមួយអំឡុងពេលមានផ្ទៃពោះ, សូមកុំព្យាយាមបារម្ភពីវាច្រើនពេក, គ្រាន់តែជៀសវាងញ៉ាំវានៅពេលក្រោយមកទៀត។ ប្រសិនបើអ្នកពិតជាបារម្ភខ្លាំងមែន, សូមពិគ្រោះជាមួយនឹងគ្រូពេទ្យ៕