Join with Health.com.kh on Telegram

ជាធម្មតា​ទឹកនោម​មាន​ពណ៌​ចាប់ពី​ពណ៌​លឿង​ស្លេក​ទៅ ពណ៌​លឿងចាស់​ដែល​មក​ពី​សារធាតុ​ពណ៌​ដែល​គេ​ហៅថា ​urochrome ហើយ និង​កំហាប់​របស់​ទឹកនោម​ ។ សារធាតុ​ពណ៌ និង​សមាសធាតុ​ផ្សេង​ទៀត​នៅក្នុង​អាហារ​មួយ​ចំនួន និង​ថ្នាំ​អាចធ្វើអោយ​ទឹកនោម​របស់​អ្នក​ប្តូរ​ពណ៌​បាន ​។ មើម​ស្ពៃ ផ្លែ​ប៊ឺ​រី និង​សណ្តែកបារាំង​គឺជា​ចំណោម​នៃ​អាហារ​ដែល​ភាគច្រើន​ទំនងជា​ធ្វើ​ប៉ះពាល់​ដល់​ពណ៌​របស់​ទឹកនោម​។ ថ្នាំ​មាន​វេជ្ជបញ្ជា និង​ថ្នាំ​ជាច្រើន​ទៀត​អាចធ្វើអោយ​ទឹកនោម​មាន​ពណ៌​ក្រហម  លឿង និង​ពណ៌​ទឹកក្រូច​។

ទឹកនោម​មាន​ពណ៌​មិន​ប្រក្រតី ​គឺ​ជា​សញ្ញា​ទូទៅ​បំផុត​នៃ​ការឆ្លង​មេរោគ​ក្នុង​ផ្លូវ​ទឹកនោម ​។ ពណ៌​ទឹកនោម​ជាធម្មតា​ប្រែប្រួល​ដោយ​អាស្រ័យ​លើ​បរិមាណ​ទឹក​ដែល​អ្នក​ញ៉ាំ​ ។ វត្ថុ​រាវ​ទៅ​ពង្រា​វសារ​ធាតុ​ពណ៌​លឿង​នៅក្នុង​ទឹកនោម​ដូច្នេះ​អ្នក​ញ៉ាំ​ទឹក​កាន់តែច្រើន​នោះ​ទឹកនោម​របស់​អ្នក​មើលទៅ​ឃើញ​ថ្លា​ ។ ពេល​ដែល​អ្នក​ញ៉ាំ​ទឹក​តិច​ទឹកនោម​មាន​ពណ៌​កាន់តែខ្លាំង​។ ការខ្វះ​ជាតិ​ទឹក​ធ្ងន់ធ្ងរ​អាចធ្វើអោយ​ទឹកនោម​មាន​ពណ៌​លឿងចាស់ ​។ ប៉ុន្ដែ​ពេលខ្លះ​ទឹកនោម​អាច​មាន​ពណ៌​ខុស​ឆ្ងាយ​ហួស​ពី​អ្វី​ដែល​ជា​ពណ៌​ធម្មតា​រួមទាំង​ពណ៌​ក្រហម ពណ៌​ខៀវ ពណ៌​បៃតង ត្នោត​ចាស់ និង​មាន​ពណ៌​ស​កករៗ​ ។​

​សូម​ស្វែងរក​ការយកចិត្តទុកដាក់​ពី​គ្រូ​ព​ទ្យ​ប្រសិនបើ​អ្នក​មាន​៖

  • មើល​ឃើញ​មាន​ឈាម​នៅ​ក្នុង​ទឹកនោម​របស់​អ្នក​៖ មាន​ឈាម​នៅក្នុង​ទឹកនោម​ជា​រឿង​ធម្មតា​នៅ​ក្នុង​ជំងឺ​រលាក​ផ្លូវ​ទឹកនោម និង​ការ​មាន​គ្រួស​ក្នុង​តម្រងនោម​។ មូលហេតុ​ទាំងពីរ​នេះ​ជា​ធម្មតា​បង្ក​អោយ​មានកា​រ​ឈឺចាប់ ។ តែបើ​មាន​ឈាម​តែ​មិនសូវ​មាន​ការឈឺចាប់​វា​អាច​ជា​សញ្ញា​នៃ​មាន​បញ្ហា​ដ៏​ធ្ងន់ធ្ងរ​ជា​ច្រើន​ទៀត​ដូចជា​ជំងឺមហារីក​។​
  • ទឹកនោម​មាន​ពណ៌​ត្នោត​ចាស់​៖ ប្រសិនបើ​ទឹកនោម​របស់​អ្នក​មាន​ពណ៌​ត្នោត​ចាស់ ជា​ពិសេស​ប្រសិនបើ​លាមក​របស់​អ្នក​មាន​ពណ៌​ស្លេក ហើយ​ស្បែក និង​ភ្នែក​ពណ៌​លឿង ថ្លើម​របស់​អ្នក​អាច​នឹង​មាន​ដំណើរការ​ខុស​ប្រក្រតី​៕