Join with Health.com.kh on Telegram

​បើ​យើង​និយាយ​ផ្ទុយ​ពី​ជំនឿ​ដ៏​ពេញនិយម​វិញ​នោះ​គឺថា មនុស្ស​ប្រុស​មិនមែន​តែងតែ​អាច​ទៅ​រួច​ជា​រៀងរាល់​ថ្ងៃ​នោះ​ទេ​។ អ្វី​ដែល​គួរអោយ​ភ្ញាក់ផ្អើល​នោះ​គឺថា ពួកគេ​អាច​បន្ត​ដំណើរ​លើ​គ្រែ​ក្នុង​រយៈពេល​ដ៏​យូរ​មួយ​ដូចជា​មនុស្ស​ស្រី​ដែរ​។

បើ​យោង​ទៅ​តាម​ការសិក្សា​មួយ​ដែល​ចុះផ្សាយ​ក្នុង​សារព័ត៌មាន The Journal of Sexual Medicine បានអោយដឹងថា តាមពិត មនុស្ស​ប្រុស​ប្រមាណ ១៤,៤​ភាគរយ​ហើយ​ដែល​និយាយថា ពួក​គេ​ខ្វះ​នូវ​ការចាប់អារម្មណ៍​ខាង​ផ្លូវភេទ​យ៉ាងហោចណាស់​ក៏​ពីរ​ខែ​ដែរ​កាលពី​ឆ្នាំទៅ​។ ខាងក្រោម​នេះ​គឺជា​ការស្រាវជ្រាវ​មួយ​ចំនួន​ដែល​បញ្ជាក់​អំពី​ហេតុផល​ធ្វើ​អោយ​បុរស​មិន​មាន​អារម្មណ៍​ចង់​រួមភេទ​។​

មិនសូវ​មាន​ទំនុកចិត្ត​ខាង​ផ្លូវភេទ​
បុរស​ដែល​មិនសូវ​មាន​ទំនុកចិត្ត​លើ​មុខងារ​លិង្គ​របស់​គាត់​នោះ​ទំនងជា​មិន​សូវ​មាន​ចំណង់​ផ្លូវភេទ​ដូច​បុរស​ផ្សេង​ឡើយ​។ វេជ្ជបណ្ឌិត ប្រា​ឌី អេញ​ឡឺ (Brandy Engler, PhD) អ្នក​ព្យាបាល​ខាង​បញ្ហា​ផ្លូវភេទ និង​ជា​អ្នកសរសេរ​សៀវភៅ The Men on my Couch បាន​និយាយថា “​ទោះបីជា​មាន​អាកា​រៈងាប់​លិង្គ​កើតឡើង​ម្តង​ចំពោះ​បុរស​ទាំងអស់​គ្នា​ក៏​ដោយ ក៏​វា​អាច​គិត​ថា​នឹង​កើតមាន​ម្តង​ទៀត​ដែរ ព្រមទាំង​ធ្វើអោយ​ចំណង់​ផ្លូវភេទ​ទាំង​ស្រុង​ថយ​ចុះ​ទៀតផង​”​។ បើសិនជា​បុរស​កំពុងតែ​មាន​បញ្ហា​នៃ​ការឡើង​រឹង​របស់​លិង្គ​មែន ចូរ​កំ​ចាប់​អារម្មណ៍វា​ទៀត​អី តែ​អ្នក​អាច​ធ្វើ​អ្វី​ផ្សេងទៀត​បាន​ដូច​ជា ការ​ថើប​, ការ​ថ្នាក់ថ្នម ឬ​ផ្តល់​ការសប្បាយ​ដល់​ខ្លួនឯង​ជំនួស​វិញ​។​

ស្ត្រេ​សនៅ​កន្លែងធ្វើការ​
បើ​យោង​ទៅ​តាម​ការសិក្សា​បានអោយដឹងថា នេះ​គឺជា​ហេតុផល​លេខ​មួយ​ដែល​ធ្វើ​អោយ​បុរស​ខ្សោយ​ផ្លូវភេទ​។ ពិតណាស់ វា​មិនមែន​កើតឡើង​ទាំងអស់គ្នា​ទេ ព្រោះ​រាងកាយ​របស់​មនុស្ស​យើង​ម្នាក់ៗ​សុទ្ធតែ​មាន​ប្រតិកម្ម​នឹង​ចំណង់​ផ្លូវភេទ​ខុសៗ​គ្នាៗ​។ វេជ្ជបណ្ឌិត អេញ​ឡឺ និយាយថា “​នៅ​ពេល​អ្នកស្ត្រេស និង​ចេះ​តែ​រវល់​ក្នុង​ខួរក្បាល​រាល់​ថ្ងៃ​នោះ ប្រព័ន្ធ​សរសៃប្រសាទ​អ្នក​នឹង​ត្រូវ​មាន​របួស​ទាំងអស់ ហើយ​រាងកាយ​នឹង​បញ្ចេញ​សារធាតុ Cortisol ដែល​ជាហេតុ​នាំ​អោយ​អ្នក​មិន​អាច​មាន​ភាព​ធូរស្រាល​គ្រប់គ្រាន់​សម្រាប់​ទទួល​បាន​ភាពសប្បាយ​រីករាយ​ឡើយ​”​។ បើសិន​ជា​រឿង​នេះ​កើតឡើង​មែន ចូរ​ប្រាកដថា ការ​បរ​បោស​អង្អែល​របស់​អ្នក​ធ្វើ​ឡើង​ដោយ​យឺតៗ​, ទាក់ទាញ់​អារម្មណ៍ និង​មាន​អារម្មណ៍​ស្ងប់​ស្អាត​ដូចជា ការ​ងូតទឹក​ក្តៅ​ជាមួយគ្នា ឬ​ម៉ាស្សា​អោយ​គ្នា​ទៅវិញទៅមក​។​

មាន​អ្វី​មួយ​ប៉ះពាល់​ដល់​ទំនាក់ទំនង​ស្នេហា​
អ្នក​នឹង​មាន​ភាព​ភ្ញាក់ផ្អើល​ទៅ​លើ​ទំនាក់ទំនង​រាងកាយ​និង​ផ្លូវ​ចិត្ត​ថា​តើ​វា​មាន​សារៈ​បែប​ណា​ចំពោះ​មនុស​ប្រុស​ក្នុងពេល​រួមភេទ​។ អេញ​ឡឺ និយាយថា “​បើសិនជា​មាន​បញ្ហា​ក្នុង​រង្វង់​ស្នេហា​មួយ​មែន គាត់​នឹង​ខ្វល់​អំពី​វា ឬ​ពេល​ខ្លះ​អាច​នឹង​មិន​មាន​អារម្មណ៍​ផ្លូវភេទ​ទៀតផង ដូច្នេះ​រាងកាយ​របស់​គាត់​ក៏​មិន​ទំនងជា​ឆ្លើយតប​នឹង​ចំណង់​ផ្លូវភេទ​គាត់​ដែរ​”​។ ដូច្នេះ​មិន​ត្រូវ​មាន​ភាព​ភ្ញាក់ផ្អើល​ខ្លាំង​ឡើយ​បើ​សិន​ជា​មនុស្ស​ប្រុស​មិន​ចង់​បាន​ការ​រួមភេទ​នោះ ព្រោះ​គាត់​ប្រហែល​ជា​នៅតែ​មាន​រឿង​ច្រើន​ដែល​ត្រូវ​ខ្វល់​។ ស្ថិត​ក្នុង​ករណី​បែប​នេះ វា​ប្រហែល​ជា​ដល់ពេល​ដែល​ត្រូវ​ដោះស្រាយ​ហើយ​បើសិនជា​រឿង​អស់ទាំងនោះ​ពាក់ព័ន្ធ​នឹង​បញ្ហា​ក្រៅ​ពី​ការ​រួមភេទ​។​

គាត់​ធុញទ្រាន់​
ភាព​ធុញទ្រាន់​នឹង​ការ​រួមភេទ​ក្នុង​ចំណងស្នេហា​រយៈពេល​យូរ​នោះ​គឺជា​ហេតុផល​ដ៏​សំខាន់​ដែល​ធ្វើ​អោយ​បុរស​កង្វះ​ចំណង់​ផ្លូវភេទ​។ មិនបាច់​ខ្លាច​ទេ រឿង​នេះ​មិនមែន​មានន័យថា​គាត់​ធុញទ្រាន់​នឹង​អ្នក​ឡើយ​។ ខណៈពេល​ដែល​ស្ត្រី​យល់ថា​នេះ​គឺជា​រឿង​នេះ​ទាក់ទង​នឹង​ខ្លួន​នាង​នោះ វា​ច្រើនតែ​មិន​ទាក់ទង​នឹង​មនុស្ស​ស្រី​ទាំងអស់គ្នា​ឡើយ​។ វា​អាច​ដោយសារតែ​ជីវិត​ផ្លូវភេទ​របស់​អ្នក​មាន​ការថយចុះ​ជាង​មុន​។ ដូច្នេះ​បើ​សិន​ជា​អ្នក​ធ្លាក់​ខ្លួន​ក្នុង​រណ្តៅ​មួយ​នេះ​មែន ចូរ​ខិតខំ​ធ្វើ​អ្វីៗ​ចូល​គ្នា​អោយបាន​ច្រើន​បន្តិច​ដើម្បី​អាច​បង្ហាញ​នូវ​តណ្ហា​មួយចំនួន​បាន​។ អ្នក​អាច​សាកល្បង​ប្រើ​ក្បាច់​រួមភេទ​ថ្មី ឬ​បង្កើត​បរិយាកាស​លើ​គ្រែ​អោយ​កាន់តែ​ល្អ​ជាង​មុន​ក៏​បាន​ដែរ​។​

គាត់​សម្រេច​កាម​ខ្លួនឯង​តាំងពី​ថ្ងៃ​រួចទៅហើយ​
រឿង​នេះ​ពិតជា​អាច​កើតមាន​មែន​ណា​! ហើយ​ឥឡូវនេះ​គាត់​ប្រហែលជា​មិន​មាន​អារម្មណ៍​ចង់​បន្ត​ក្បាច់គុណ​លើ​គ្រែ​ជាមួយ​អ្នក​ទៀត​ទេ​។ សម្រាប់​បុរស​មួយចំនួន ជាពិសេស​បុរស​វ័យ​ចំណាស់​តែម្តង គឺ​មិន​មាន​ចំណង់​ផ្លូវភេទ​ខ្លាំងក្លា​ទេ​បើសិនជា​គាត់​ទើប​តែ​សម្រេច​កាម​ដោយ​ខ្លួនឯង​រួច​នោះ​។ ដូច្នេះ​អ្វី​ដែល​អ្នក​គួរ​ធ្វើ​នោះ​គឺថា ពេល​ក្រោយ​ចូរ​ប្រាប់​អោយ​គាត់​ដឹង​ជា​មុន​សិន​ទៅ​បើសិនជា​អ្នក​ចង់​ចូលរួម​ការសប្បាយ​ជាមួយគ្នា​។​

គាត់​គ្រាន់តែ​មិន​មាន​អារម្មណ៍​សិច​ស៊ី​ប៉ុណ្ណោះ​
អ្នក​ដឹង​ហើយ​ថា​អ្នក​នឹង​មិន​មាន​អារម្មណ៍​ថា​មាន​កម្លាំង​ក្នុង​ខ្លួន​ទេ​ក្រោយ​ពី​ញ៉ាំ​អាហារ​ខុស និង​មិន​បាន​ហាត់ប្រាណ​គ្រប់គ្រាន់​នោះ ចំណែកឯ​បុរស​ក៏​ដូចគ្នា​អញ្ចឹង​ដែរ​។ បើសិនជា​គាត់​គ្រាន់តែ​មិន​មាន​អារម្មណ៍​ថា​អស្ចារ្យ​ទេនោះ គាត់​ប្រហែលជា​មិន​ទំនងជា​ចង់​បង្កើត​អារម្មណ៍​ស្រើបស្រាល​ទៀត​ទេ មានន័យ​ថា ការ​រួមភេទ​សម្រាប់​គាត់​គឺ​មិនមែន​ជា​អ្វី​ដែល​គាត់​ចង់​បាន​ឡើយ​។ ដូច្នេះ​ចូរ​ចំណាយ​ពេលវេលា​អោយ​យូរ​បន្តិច​ទៅ​ជាមួយ​នឹង​ការ​បរ​បោស​អង្អែល​មុនពេល​រួមភេទ​, ថើប និង​ការ​ស្អាប់​អង្អែល​ដើម្បី​ដាស់​អារម្មណ៍​ឡើងវិញ​៕