Join with Health.com.kh on Telegram

​មិន​មាន​វិធី​ដែល​ធានា​ថា​អាច​ទប់ស្កាត់​ការ​មាន​គ្រួស​ក្នុង​ថង់ទឹកប្រមាត់​នោះទេ ប៉ុន្តែ​មាន​រឿង ជាច្រើន​ដែល​អ្នក​អាច​ធ្វើ​ដើម្បី​បន្ថយ​ហានិភ័យ​របស់​អ្នក​។ ដោយ​រក្សាបាន​នូវ​ទម្ងន់​ដែល​មាន​សុខភាព​ល្អ នោះ​អ្នក​ប្រហែលជា​អាច​ប​ងា្ករ​ជំងឺ​គ្រួស​ក្នុង​ថង់​ទឺកប្រមាត់ និង​បញ្ហា​នៃ​ថង់ទឹកប្រមាត់​ផ្សេង​ទៀត​មិន​អោយ​កើតមាន​ឡើង​បាន​។

ភាពធាត់​គឺជា​កត្តា​ចំបង​នៅ​ក្នុង​សុខភាព​របស់​មនុស្ស និង​បង្កើន​ហានិភ័យ​នៃ​ការបង្កើត​ជា​គ្រួស​។ ប្រសិនបើ​អ្នក​គឺជា​អ្នក​មាន​ការ​លើស​ទម្ងន់ ឬ ក៏​ធាត់​រឿង​ដែល​ល្អ​បំផុត​ដែល​អ្នក​អាច​ធ្វើបាន​សំរាប់​សុខភាព​របស់​អ្នក និង​ដើម្បី​ប​ងា្ករ​ជំងឺ​គ្រួស​ក្នុង​ថង់ទឹកប្រមាត់​បាន​គឺ​ត្រូវ​បញ្ចុះទម្ងន់​របស់​អ្នក​។​

​របប​អាហារ និង​ការធ្វើ​លំ​ហាត់ប្រាណ​ដើរតួនាទី​យ៉ាង​សំខាន់​នៅក្នុង​ជំងឺ​គ្រួស​ក្នុង​ថង់​ទឹកប្រមាត់​។ ប៉ុន្តែ​ដើម្បី​ប​ងា្ករ​ជំងឺ​គ្រួស​ក្នុង​ថង់ទឹកប្រមាត់ អ្នក​មិន​អាខ​ពឹង​តែ​លើ​ផ្លែឈើ និង​បន្លែ តែមួយ​មុខ​បាន​នោះ​ទេ​។ ទី​នេះ​ជា​អ្វី​ដែល​អ្នក​អាច​ធ្វើបាន​៖

  • សារជាតិ​ខ្លាញ់ៈ ជាតិ​ខ្លាញ់​ទំនង​ជា​អាក្រក់ ប៉ុន្តែ​មិនមែន​ជា​តិខ្លាញ់​ទាំងអស់គឺ​សុទ្ធតែ អាក្រក់​នោះទេ​។ ខ្លាញ់​ដែល​មាន​នៅក្នុង​ប្រេង​អូ​លីវ និង​អាស៊ីត​ខ្លាញ់​អូ​មេហ្គា​៣ រកឃើញ​នៅក្នុង​ផ្លែ​អា​វ៉ូ​កាដូ និង​ខ្លាញ់ត្រី​អាច​បន្ថយ​ហានិភ័យ​នៃ​ការវិវត្ត​នៃ​គ្រួស​ក្នុង​ថង់ទឹកប្រមាត់​បាន​។ ខ្លាញ់ត្រី​អាច​នឹង​មាន​ប្រយោជន៍​ជាពិសេស​ដល់​បុគ្គល​ដែល​មាន​កម្រិត​ទ្រី​គ្លី​សេរីត​ខ្ពស់​ដូច​ដែល​វា​អាច​ជួយ​អោយ​ប្រមាត់​នៅ​ទទេ ។ ប៉ុន្តែ​នៅ​អោយ​ឆ្ងាយ​ពី ជាតិ​ខ្លាញ់​ឆ្អែត​ដែល​មាន​នៅក្នុង​ខ្លាញ់​សត្វ ប៊័​រ និង​ផលិតផល​សត្វ​ផ្សេង​ទៀត​ដែល​ខ្លាញ់​ទាំងនេះ​អាច​បង្កើន​លទ្ធភាព​នៃ​ជំងឺ​គ្រួស​ក្នុង​ថង់​ទឹកប្រមាត់ និង​ការ​មាន​ជា​តិកូ​ឡេ​ស្តេ​រ៉ុល​ខ្ពស់ ក្នុងចំណោម​ហានិភ័យ​សុខភាព​ផ្សេងទៀត​។ ប្រសិនបើ​អ្នក​បរិភោគ​ផលិតផល​សត្វ​សូម​ជ្រើស​យក​ផលិតផល​ដែល​មាន​ជាតិ​ខ្លាញ់​ទាប សាច់​មាន់​ដែល​គ្មាន​ខ្លាញ់​ជំនួស​សាច់​ក្រហម ទឹកដោះគោ​ដែល​គ្មាន​ជាតិ​ខ្លាញ់ និង​យ៉ា​អួ​ដែលមាន​ជាតិ​ខ្លាញ់​ទាប​ជំនួស​អោយ​ទឹកដោះគោ​។​
  • អាហារ​កាក​សរសៃ​(Fiber) មាន​នៅក្នុង​គ្រាប់​ធញ្ញជាតិ និង​បន្លែ​។ ជាតិ​សរសៃ​នៅក្នុង​របប​អាហារ​របស់​អ្នក​អាច​ជួយ​អ្នក​បញ្ចុះទម្ងន់ និង​អាច​ប​ងា្ករ​ជំងឺ​គ្រួស​ក្នុង​ថង់ទឹកប្រមាត់​បាន​។​
  • ផ្លែឈើ និង​បន្លែៈ មាន​ហេតុផល​ជាច្រើន​ដែល​អ្នក​គួរ​បរិភោគ​អាហារ​អស់ទាំង​នេះ​ហើយ​នៅ​ទីនេះ​ជា​មូលហេតុ​មួយ​បន្ថែម​ទៀត​ដែល​ផ្លែ​ឈើ និង​បន្លែ​អាច​ជួយ​ការពារ​មិន​អោយ​កើយ​ជំងឺ​គ្រួស​ក្នុង​ថង់ទឹកប្រមាត់​បាន​។​
  • គ្រាប់​ផ្លែឈើៈ សណ្តែកដី និង​គ្រាប់​ផ្លែឈើ​ដទៃទៀត​អាច​ជួយ​ប​ងា្ករ​ជំងឺ​គ្រួស​ក្នុង​ថង់ទឹកប្រមាត់​បាន​។ បន្ថែម​លើ​នោះ​ទៀត​វា​គឺជា​វិធី​ដែល​មិន​អោយ​អ្នក​ឃ្លាន និង​ជួយ​អ្នក បញ្ចុះទម្ងន់​បាន​។​
  • ស្ករៈ ជាតិ​ស្ករ​ច្រើនពេក​នៅក្នុង​អាហារ​អាច​បណ្តាលអោយមាន​គ្រួស​ក្នុង​ថង់​ទឹកប្រមាត់ ដូច្នេះ​នៅ​អោយ​ឆ្ងាយ​ពី​បង្អែម និង​ជ្រើស​ម្ហូបអាហារ​ដែល​មាន​ជាតិ​ស្ករ​ទាប​នៅពេល​ដែល​អាច​ធ្វើទៅបាន​។​
  • ជាតិ​អាល់កុល និង​កាហ្វេៈ អ្នក​មិន​គួរ​បោះបង់​កាហ្វេ​១​ពែង​ពេលព្រឹក ឬ​ញ៉ាំ​ស្រា​នៅពេល​ល្ងាច​នោះ​ទេ ព្រោះ​វា​អាច​ការពារ​ជំងឺ​គ្រួស​ក្នុង​ថង់ទឹកប្រមាត់​បាន​។ ការសិក្សា​បាន​បង្ហាញថា​ការប្រើប្រាស់​គ្រឿង​ស្រវឹង និង​កាហ្វេ​កម្រិត​មធ្យម​ពិតជា​អាច​ប​ងា្ករ ជំងឺ​គ្រួស​ក្នុង​ថង់ទឹកប្រមាត់​បាន​។​
  • ធ្វើ​លំ​ហាត់ប្រាណៈ ការធ្វើ​លំ​ហាត់ប្រាណ​បាន​ទៀងទាត់​អាចជួយ​អ្នក​រក្សា​ការបញ្ចុះ​ទម្ងន់​របស់​អ្នក​បាន​ដែល​អាច​ប​ងា្ករ​ជំងឺ​គ្រួស​ក្នុង​ថង់ទឹកប្រមាត់​នេះ​បាន​។ ៣០​នាទី ៥​ដង​ក្នុង​មួយ​សប្តាហ៍​៕