លំហាត់ប្រាណអំឡុងពេលមានផ្ទៃពោះអាចធ្វើអោយអ្នកមានអារម្មណ៍ល្អ និងជួយអោយអ្នកមានកម្លាំងនៅពេលសម្រាលកូន។ ការហាត់យូហ្គា, ហែលទឹក និងដើរសុទ្ធជាលំហាត់ប្រាណល្អៗ ប៉ុន្តែចៀសវាងលំហាត់ប្រាណខ្លាំងក្លាដែលរួមមាន ការលោត, ការលើកដុំដែក, ការងើបចុះឡើងជាដើម។
សូមចៀសវាងលំហាត់ប្រាណដែលធ្វើអោយអ្នកដួល ឬគ្រោះថ្នាក់ទៅលើពោះរបស់អ្នកផងដែរ។
ប្រសិនបើអ្នកជាអ្នករត់ ឬជាអ្នកជិះកង់មុនមានផ្ទៃពោះនោះ, អ្នកអាចបន្តរត់ ឬជិះកង់បានទោះបីជាអ្នកមានការផ្លាស់ប្តូរទម្លាប់របស់អ្នកក៏ដោយ។
U.S. Department of Health and Human Services (HHS) បានណែនាំអោយធ្វើលំហាត់ប្រាណយ៉ាងហោចណាស់១៥០នាទីក្នុងមួយសប្តាហ៍ សម្រាប់អោយស្ត្រីមានសុខភាពល្អដែលមិនសូវលេងកីឡា ឬធ្វើសកម្មភាពនានានោះ។
ប្រសិនបើអ្នកជាអ្នកហាត់កីឡា ឬធ្វើលំហាត់ប្រាណខ្លាំងក្លាមុននឹងអ្នកមានផ្ទៃពោះនោះ, អ្នកអាចរក្សាការធ្វើលំហាត់ប្រាណរបស់អ្នក ប៉ុន្តែត្រូវតែពិគ្រោះជាមួយនឹងគ្រូពេទ្យផងដែរ។
ខណៈពេលដែលលំហាត់ប្រាណមួយចំនួនអាចមានសុវត្ថិភាពដល់ស្ត្រីមានផ្ទៃពោះ, ប៉ុន្តែលំហាត់ប្រាណផ្សេងទៀតក៏មិនអាចមានសុវត្ថិភាពផងដែរ។ ដូចនេះសូមពិគ្រោះជាមួយនឹងគ្រូពេទ្យអំពីអ្វីដែលល្អបំផុតសម្រាប់អ្នក៕
