បញ្ហាផ្លូវភេទមួយចំនួនធំមានឬសគល់ចេញពីចិត្តរបស់មនុស្សតែម្តង។ ស្ថិតក្នុងករណីបែបនេះ អាថ៌កំបាំងដើម្បីអោយទទួលបានការរួមភេទដែលល្អនោះអាចនឹងកប់ជាប់ជ្រៅនឹងបញ្ហាដើមចមមួយឬ ច្រើនដូចខាងក្រោមនេះ៖
- ស្ត្រេស
- ការបំពានខាងផ្លូវចិត្ត
- បាក់ទឹកចិត្ត
- បញ្ហានឹងរូបសម្បត្តិ និងការពេញចិត្តចំពោះខ្លួនឯង
ស្ត្រីភាគច្រើនតែមានអារម្មណ៍ផ្លូវភេទមិនបានពេញលេញទេ ហើយបញ្ហាដែលកើតមានចំពោះរឿងនេះជាញឹកញាប់នោះមានដូចជា៖
មិនអាចទទួលបានចំណុចកំពូលក្នុងពេលរួមភេទ
ប្រហែលជាអ្នកមិនធ្លាប់ទទួលបានអារម្មណ៍ស្រើបស្រាល ឬការឈានដល់ចំណុចកំពូលក្នុងពេលរួមភេទមួយផងមើលទៅ។ ចំពោះមូលហេតុរបស់វាអាចដោយសារតែកង្វះអ័រម៉ូន ឬការវះកាត់បណ្តាលអោយខូចសរសៃប្រសាទជាដើម។ ម្យ៉ាងវិញទៀត វាទាក់ទងនឹងអារម្មណ៍របស់នាងតែម្តង ដូចជាស្ត្រេសខ្លាំងពេក ឬផ្តោតសំខាន់តែបំពេញចិត្តអោយដៃគូ។
ខ្សោយចំណង់ផ្លូវភេទ
អ្នកប្រហែលជាបាត់បង់អារម្មណ៍ចង់រួមភេទច្រើនណាស់មើលទៅ ហើយក៏ប្រហែលជាមិនទាំងធ្លាប់ស្រមើស្រមៃអំពីការរួមភេទទៀត។ ការប្រើថ្នាំព្យាបាលជំងឺអាចជារឿងត្រូវស្រាវជ្រាវបន្ថែម ប៉ុន្តែការកង្វះចំណង់នេះអាចបណ្តាលមកពីការរ៉ាំងរដូវ, បាក់ទឹកចិត្ត ឬកត្តាផ្លូវចិត្តផ្សេងៗ ឬកង្វះទឹករំអិលពេលរួមភេទ។
ឈឺពេលរួមភេទ
ការរួមភេទមិនគួរណាធ្វើអោយឈឺចាប់ឡើយ។ បញ្ហានៃការឈឺចាប់មានច្រើនណាស់ដែលអាចធ្វើអោយការសូកបញ្ចូលលិង្គទៅជាឈឺចាប់ខ្លាំងបានដូចជា Vaginisms ឬការរឹងជាប់របស់សាច់ដុំនៅប្រដាប់ភេទ ដែលជាហេតុនាំអោយលិង្គពិបាក និងមិនអាចសូកទៅក្នុងទ្វារមាសបាន។ នៅពេលសិចទៅជាការឈឺចាប់ហើយ ការបង្ករោគនៅទ្វារមាសអាចជាដើមហេតុរបស់វា។ ជំងឺផ្សេងទៀតដូចជាទ្វារមាសស្នើងក្រោយពីរ៉ាំងរដូវ ឬវះកាត់ហើយក៏ធ្វើអោយឈឺចាប់ក្នុងពេលរួមភេទដែរ។
បញ្ហាជំងឺដែលអាចកើតមាន
ជំងឺខ្លះដែលអាចធ្វើអោយអសមត្ថភាពផ្លូវភេទបានមានដូចជា ការរបួសនៅអាងត្រគាក ឬវះកាត់ (កាត់ស្បូនចោល ឬសម្រាលកូនដោយវះកាត់), លំហូរឈាមទៅសរីរាង្គមិនល្អ, បញ្ហានៃការផលិតអ័រម៉ូនអេស្ត្រូជែន និងតេស្តូស្តេរ៉ូន, ការបង្ករោគនៅទ្វារមាស ឬប្លោកកនោមឬ ថ្នាំដែលប្រើព្យាបាលជំងឺផ្សេងៗ។ ពេលអ្នកយករឿងនេះទៅពិគ្រោះជាមួយអ្នកជំនាញខាងរោគស្ត្រី គាត់ប្រហែលជាផ្តល់នូវថ្នាំព្យាបាលជំងឺដែលអាចសង្គ្រោះដល់ផ្លូវភេទបានដូចជា ថ្នាំ Viagra ឬក្រែមជាតិតេស្តូស្តេរ៉ូន។
បើសិនជាទ្វារមាសមិនមានលក្ខណៈល្មមនិងលិង្គរបស់ដៃគូទេ អ្នកគួរតែប្រើវិធីហាត់ប្រាណដើម្បីគ្រប់គ្រងសាច់ដុំ (លំហាត់ប្រាណ Kegel) បន្ថែម។ ការវះកាត់ទ្វារមាសគួរតែជាជម្រើសចុងក្រោយសម្រាប់ជីវិតក្នុងករណីវិធីសាស្ត្រផ្សេងៗមិនទទួលបានលទ្ធផល។ ការវះកាត់មិនត្រឹមតែជារបៀបព្យាបាលដែលមានឥទ្ធិពលខ្លាំងទេ តែវាពិតជាអាចធ្វើអោយខូចសរសៃប្រសាទ និងមានឥទ្ធិពលអវិជ្ជមានដល់ទឹករំអិលពីធម្មជាតិ, អារម្មណ៍ និងភាពស្រើបស្រាលរបស់ស្ត្រី។ លុះត្រាតែគ្រូពេទ្យរកឃើញមានបញ្ហាសំខាន់ណាមួយកើតមានលើសាច់ដុំទ្វារមាសឬ ការប្រលាត់ទ្វារមាសចេញមកក្រៅ ការវះកាត់ទ្វារមាសដើម្បីព្យាបាលគួរតែជារឿងត្រូវធ្វើ៕