Join with Health.com.kh on Telegram

​អ័រម៉ូន​ផ្លូវភេទ​ដ៏​សំខាន់​របស់​បុរស​គឺជា​អ័រម៉ូន​តេស្តូ​ស្តេ​រ៉ូន​។ ទោះបីជា​អ័រម៉ូន​មួយ​នេះ​មាន​ទាំង​បុរស និង​ស្ត្រី​ក៏ដោយ ក៏​វា​ត្រូវបាន​គេ​សម្គាល់​យ៉ាង​ទូលំទូលាយ​ថា​ជា​អ័រម៉ូន​ភេទ​របស់​បុរស​។ ចំពោះ​មនុស្ស​ប្រុស អ័រម៉ូន​តេស្តូ​ស្តេ​រ៉ូន​ត្រូវបាន​ផលិត​ចេញពី​ពងស្វាស និង​មាន​នាទី​ទាក់ទង​នឹង​ការលូតលាស់​លិង្គ​, ពងស្វាស​, រោម និង​ភាព​ពេញវ័យ​របស់​មនុស្ស​ប្រុស​។ ជាមួយគ្នានេះដែរ វា​ក៏​ទទួលខុសត្រូវ​លើ​មុខងារ​ផ្លូវភេទ​ដែរ​ដូចជា ការផលិត​មេ​ជីវិត​ឈ្មោល​, ចំណង់​ផ្លូវភេទ​, ការឡើង​រឹង​របស់​លិង្គ​។​ល​។​

​ប៉ុន្តែ នៅពេល​មនុស្ស​ប្រុស​អាយុ​កាន់តែច្រើន ចំនួន​អ័រម៉ូន​តេស្តូ​ស្តេ​រ៉ូ​ននឹង​ចាប់ផ្តើម​ថយចុះ និង​ធ្វើអោយមាន​ការផ្លាស់ប្តូរ​ជាច្រើន​ទាំង​សុខភាព​ផ្លូវកាយ និង​ចិត្ត​។ ដូច្នេះ​តើ​មាន​សញ្ញា​ប្រកាសអាសន្ន​អ្វីខ្លះ​ដែល​បញ្ជាក់ថា​បុរស​ម្នាក់​ខ្សោយ​អ័រម៉ូន​ភេទ​?

ខ្សោយ​ចំណង់​ផ្លូវភេទ​
អ័រម៉ូន​តេស្តូ​ស្តេ​រ៉ូន​ដើរតួនាទី​យ៉ាង​សំខាន់​ចំពោះ​ចំណង់​ផ្លូវ​ភេទបុរស​។ ការថយចុះ​របស់​វា​នឹង​ធ្វើអោយ​ចំណង់​ផ្លូវភេទ​ថយចុះ​។ ខណៈពេល​បុរស​វ័យ​កាន់តែច្រើន ចំណង់​ផ្លូវភេទ​កាន់តែ​ថយ​ជា​រឿង​ធម្មតា​នោះ ការបាត់បង់​ចំណាប់​អារម្មណ៍​ខាង​ផ្លូវភេទ​ខ្លាំងក្លា​នឹង​ក្លាយទៅជា​សញ្ញា​មួយ​នឹង​ការថយចុះ​របស់​អ័រម៉ូន​តេស្តូ​ស្តេ​រ៉ូន​។​

ងាប់​លិង្គ​
នៅពេល​អ័រម៉ូន​តេស្តូ​ស្តេ​រ៉ូន​ភ្ញោ​ច​អោយ​មាន​ចំណង់​ផ្លូវភេទ វា​ក៏​ទៅ​ភ្ញោ​ច​ជា​ប្រយោល​បន្ថែម​អោយ​មាន​ការឡើង​រឹង​របស់​លិង្គ​ទៀត​។ នេះ​ជា​លទ្ធផល​នៃ​ការភ្ញោ​ចដល់​កន្លែង​ទទួលរំ​ញោច​នៅ​ខួរក្បាល​ដែល​ទៅ​ផលិត​ជា​មូលេ​គុល Nitric Oxide ដែ​ធ្វើអោយ​លិង្គ​រឹង​បាន​។ ដូច្នេះ ចូរ​សង្កេតមើល​ភាព​ខ្សោយ​នៃ​ការឡើង​រឹង​របស់​លិង្គ​ផង ព្រោះ​វា​ជា​សញ្ញា​នៃ​ការថយចុះ​របស់​អ័រម៉ូន​តេស្តូ​ស្តេ​រ៉ូន​។​

ទឹកកាម​តិច​
អ័រម៉ូន​តេស្តូ​ស្តេ​រ៉ូ​នក៏មាន​ឥទ្ធិពល​ទៅលើ​ការផលិត​ទឹកកាមរ​បស់​បុរស​ដែរ​។ កាលណា​អ័រម៉ូន​តេស្តូ​ស្តេ​រ៉ូន​កាន់តែច្រើន ការផលិត​ទឹកកាម​ក៏​កាន់តែ​ច្រើន​ដែរ​។ ដូច្នេះ បើសិន​ជា​អ្នក​សម្គាល់​ឃើញ​ថា​រាល់​ការបាញ់​ទឹកកាម​ម្តងៗ មាន​ចំនួន​តិច​នោះ ចូរ​ប្រុងប្រយ័ត្ន​ផង​។​

ពងស្វាស​ស្វិត​
អ័រម៉ូន​តេស្តូ​ស្តេ​រ៉ូន​តិច​អាច​មាន​ផលវិបាក​ដល់​មុខងារ​ផ្លូវភេទ​របស់​បុរស​បាន ព្រោះ​វា​ប៉ះពាល់​ដល់​ពងស្វាស និង​ធ្វើ​អោយ​ទៅជា​ស្វិត និង​ទន់​បាន​។​

អស់កម្លាំង​
ការ​អស់កម្លាំង​ក៏​មាន​ទំនាក់ទំនង​នឹង​ការថយចុះ​របស់​អ័រម៉ូន​តេស្តូ​ស្តេ​រ៉ូន​ដែរ​។ រឿងនេះ​នឹង​ធ្វើអោយ​បុរស​មាន​អារម្មណ៍​ថា​អស់​នឿយហត់ និង​អស់កម្លាំង​ក្រោយ​ពី​ដេក​បាន​គ្រប់គ្រាន់​ហើយ​ក៏​ដោយ​។ វា​ក៏​នឹង​រំខាន​ដល់​សកម្មភាព​ប្រចាំថ្ងៃ​របស់​គាត់​ដែរ​។​

ជ្រុះ​សក់​
អ័រម៉ូន​តេស្តូ​ស្តេ​រ៉ូន​ត្រូវបាន​គេ​ស្គាល់​ថា​ជា​ជំនួយ​មួយ​សម្រាប់​ការបណ្តុះ​រោម​លើ​រាងកាយ​នៅពេល​ឈាន​ដល់​ពេញវ័យ​។ ដូច្នេះ នៅពេល​បុរស​អាយុ​កាន់តែច្រើន ពួកគេ​នឹង​ចាប់ផ្តើម​ជ្រុះ​សក់​ទាល់តែ​អស់​ព្រោះតែ​ការផលិត​អ័រម៉ូន​តេស្តូ​ស្តេ​រ៉ូន​ថយចុះ​។ ទោះបីជា​យ៉ាងណា​ក៏ដោយ បើសិន​ជា​មនុស្ស​ម្នាក់​សម្គាល់​ឃើញថា​មាន​ការផ្លាស់ប្តូរ​អ្វី​ទៅលើ​ការជ្រុះ​ពុ​កមាត់ ឬ​រោម​លើ​រាងកាយ វា​អាច​ជា​សញ្ញា​មួយ​នៃ​ការថយចុះ​របស់​អ័រម៉ូន​តេស្តូ​ស្តេ​រ៉ូ​នហើយ​។​

ពិបាក​ដេក​
អ័រម៉ូន​តេស្តូ​ស្តេ​រ៉ូន​ទាប​ជា​មួយនឹង​ការអស់​កម្លាំង​នឹង​ប៉ះពាល់​ដល់​គុណភាព​នៃ​ការ​ដេក និង​ធ្វើអោយ​ដេក​មិន​លក់​ទៀត​ផង​។ ការ​ដេក​មិន​បាន​គ្រប់គ្រាន់​ក៏​បណ្តាលអោយ​អ័រម៉ូន​តេស្តូ​ស្តេ​រ៉ូន​ចុះ​ទាប​ដែរ​។​
 
ការរំខាន​ខាង​ផ្លូវ​អារម្មណ៍​
ក្រៅពី​ការប្រែប្រួល​ខាង​ផ្លូវកាយ ការចុះ​ទាប​របស់​អ័រម៉ូន​តេស្តូ​ស្តេ​រ៉ូ​នក៏​ត្រូវបាន​គេ​ស្គាល់​ថា​អាច​ប៉ះពាល់​ដល់​ផ្លូវចិត្ត​បុរស​ដែរ​ដូចជា ការបាក់​ទឹកចិត្ត និង​កើត​ទុក​ជាមួយនឹង​បញ្ហា​ផ្សេងៗ​ដូចជា​មិន​សប្បាយចិត្ត​នឹង​ខ្លួនឯង និង​ពិបាក​ផ្ចង់​អារម្មណ៍​៕