គេបានជឿជាក់ថា ផ្លែបឺកំពុងតែធ្វើអោយមានភាពស្រួលបួលដល់ពោះវៀន និងជំនួយដល់ការរំលាយអាហារផងដែរ។ ចំពោះមូលហេតុដែលនាំអោយប្រព័ន្ធរំលាយអាហារធ្វើការល្អនេះដោយសារតែផ្លែបឺផ្ទុកទៅដោយជាតិសរសៃទាំងរលាយ និងមិនរលាយ។
ជាតិសរសៃទាំងពីរប្រភេទនេះមានសារៈសំខាន់ណាស់ ព្រោះវាអាចធ្វើអោយលាមកធូរ និងជួយអោយការធ្វើចលនារបស់អាហារក្នុងពោះវៀនដើរបានយ៉ាងរលូន។ លើសពីនេះទៅទៀត វាទៅភ្ញោចអោយរសក្រពះ និងរំលាយអាហារធ្វើការ ដូច្នេះការបឺតស្រូបជីវជាតិនឹងកើតមានកាន់តែមានប្រសិទ្ធភាព និងលឿន។ មួយវិញទៀត ផ្លែបឺនឹងទៅបន្ថយរោគសញ្ញាជំងឺទាក់ទងនឹងពោះវៀនដែរដូចជាការទល់លាមក និងរាគជាដើម។ ចំនួនដ៏ច្រើនរបស់ជាតិសរសៃដែលមានក្នុងផ្លែបឺ (ស្មើនឹង ៤០ភាគរយនៃតម្រូវការប្រចាំថ្ងៃ) នឹងជួយអោយប្រព័ន្ធរំលាយអាហារមានសុខភាពល្អ។
ផ្លែបឺមានសារៈប្រយោជន៍ខ្លាំងណាស់ក្នុងការកាត់បន្ថយការខូចខាតរបស់ថ្លើម។ វាមានសារធាតុសរីរាងជាច្រើនដែលជួយពង្រឹងដល់សុខភាពថ្លើម។ ការខូចថ្លើមច្រើនតែបណ្តាលមកពីជំងឺរលាកថ្លើមប្រភេទ C។ តាមការស្រាវជ្រាវនាពេលថ្មីៗនេះបានរកឃើញថា ផ្លែបឺប្រហែលជាដើរតួនាទីដ៏សំខាន់មួយក្នុងការការពារថ្លើមពីជំងឺជាច្រើនប្រភេទរបស់ថ្លើមដែរ៕
