ការហាត់ប្រាណជាប្រចាំ ការញ៉ាំអាហារផ្តល់សុខភាព និងហាត់យូហ្គា គឺជារឿងល្អហើយ នៅពេលអ្នកកំពុងតែចង់សម្រកទម្ងន់។ ប៉ុន្តែក្រៅពីរឿងទាំងនេះ តើអ្នកមានដឹងទេថា អ្នកអាចបង្កើនល្បឿននៃការសម្រកទម្ងន់បានតាមរយៈការបញ្ចូលផ្លែឈើមួយចំនួនទៅក្នុងរបបអាហារ ។
ផ្លែបឺរីពណ៌ខៀវ
តាមការសិក្សាមួយដែលធ្វើទៅលើបុរស និងស្ត្រីច្រើនជាង ១០០០០០នាក់ អ្នកស្រាវជ្រាវបានរកឃើញថា សារធាតុអង់ទីអុកស៊ីដង់ដ៏ខ្លាំងឈ្មោះថា Flavonoids ដែមានដូចជា Flavonols, Flavan-3-ols, anthocyanins និង Flavonoid Polymers ដែលមានក្នុងគ្រាប់ផ្លែឈើ និងបន្លែអាចបង្ការការឡើងទម្ងន់បាន។ ផ្លែឈើដែលមានឥទ្ធិពលខ្លាំងបំផុតក្នុងការថែរក្សាទម្ងន់នោះគឺត្រូវមានសារធាតុ Flavonoids ឈ្មោះថា Anthocyanins ពេញលេញ ហើយវាក៏មានក្នុងផ្លែបឺរីពណ៌ខៀវដែរ។
ផ្លែប៉ោម
ផ្លែប៉ោមសម្បូរទៅដោយសារធាតុ Flavonoids Polymers ហើយក៏ផ្ទុកទៅដោយជាតិសរសៃ ដែលជាហេតុធ្វើឲ្យវាក្លាយទៅជាផ្លែឈើដ៏ល្អបំផុតសម្រាប់ការសម្រកទម្ងន់។ ផ្លែប៉ោមទំហំមធ្យមមួយផ្លែត្រូវបានចាត់ទុកថាអាចជំនួសបាយមួយពេលបាន។ ចូរញ៉ាំផ្លែនេះទាំងសម្បកផងដើម្បីទទួលបានជាតិសរសៃច្រើន អង់ទីអុកស៊ីដង់ និងគ្រប់គ្រងជាតិស្ករក្នុងឈាមកាន់តែល្អ។ វាក៏ជាបង្អែមដ៏ល្អសម្រាប់អ្នកជំងឺទឹកនោមផ្អែមដែរ។
ផ្លែសារី
ផ្លែឈើមួយនេះក៏ជួយកុំឲ្យឡើងទម្ងន់ដែរ ហើយវាសម្បូរទៅដោយសារធាតុ Flavonoid Polymers ខ្លាំងទៀតផង។ កាលណាញ៉ាំសារធាតុ Flavonoids Polymers លើស ១៣៨មីលីក្រាមមិនសូវធ្វើឲ្យឡើងទម្ងន់ឡើយ។ ផ្លែឈើនេះក៏សម្បូរទៅដោយសារធាតុ Flavonoids និងសម្បូរជាតិសរសៃទៀតផង។ ជាតិសរសៃធ្វើឲ្យអ្នកឆាប់ឆ្អែត និងជួយឲ្យលាមកធ្វើបន្ទោបង់កាន់តែស្រួល។ ចូរប្រាកដថា អ្នកបានញ៉ាំផ្លែឈើនេះទាំងសម្បកដើម្បីទទួលបានប្រយោជន៍កាន់តែច្រើន។
ស្ត្របឺរី
ផ្លែស្ត្របឺរីជួយរក្សាទម្ងន់បានល្អដូចគ្នានឹងផ្លែបឺរីពណ៌ខៀវដែរ។ វាសម្បូរទៅដោយសារធាតុ Anthocyanins។ ការញ៉ាំផ្លែស្ត្របឺរីមួយថ្ងៃមួយកូនចានចង្កឹះសម្រាប់អាហារពេលព្រឹក ជាអាហារសម្រន់ពេលល្ងាច ឬជាបង្អែមពេលយប់សុទ្ធតែជារឿងជួយថែរក្សាទម្ងន់បានទាំងអស់។ អ្វីដែលជាការបារម្ភនោះគឺថា ការញ៉ាំផ្លែឈើផ្អែមៗប្រហែលជាធ្វើឲ្យឡើងទ្ងំន់បានដោយសារតែវត្តមានជាតិផ្អែម Fructose ដូចជាប៉ោមពណ៌បៃតង ផ្លែសារី និងបឺរីជាដើម។
ម្ទេសប្លោក
ម្ទេសប្លោកត្រូវបានចាត់ទុកថាជាអាហារផ្តល់សុខភាពបំផុត។ ថ្វីត្បិតតែវាមិនមែនជាផ្លែឈើក៏ដោយ តែវាអាចផ្តល់ប្រយោជន៍ច្រើនចំពោះសុខភាព និងមិនឡើងទម្ងន់ទៀតបើសិនជាញ៉ាំរាល់ថ្ងៃ។ តាមពិតទៅ ម្ទេសប្លោកប្រហែលជាលើកទឹកចិត្តដល់ការសម្រកទម្ងន់ទៀត។ សារធាតុ Capsaicin របស់ម្ទែសប្លោកអាចជំរុញឲ្យកោសិកាខ្លាញ់សបំលែងទៅជាខ្លាញ់ពណ៌ត្នោតសម្រាប់បង្កើតថាមពល៕