Join with Health.com.kh on Telegram

“​វា​ជា​រឿង​ដ៏​កម្រ​មួយ​ដែល​មនុស្ស​ម្នាក់​ពិតជា​មិន​ធ្លាប់​ឈឺក្បាល​ទាល់តែសោះ​” នេះ​គឺជា​ការលើកឡើង​របស់​លោក​វេជ្ជបណ្ឌិត Seymour Solomn អ្នកជំនាញ​ខាង​រោគ​ឈឺ​ក្បាល​។ ប្រហែលជា​៩០%​នៃ​ការឈឺ​ក្បាល​ទាំងអស់​ត្រូវបាន​ចាត់ថ្នាក់​ថា​បណ្តាលមកពី​ការ​កន្ត្រាក់​របស់​សាច់ដុំ ឬ​ជា​ទូទៅ​ជាងនេះទៅទៀត​គឺ​”​ការឈឺ​ក្បាល​ដោយសារ​ភាព​តានតឹង​” នេះ​បើ​យោង​តាម​មូលនិធិ​នៃ​រោគ​ឈឺ​ក្បាល​ជាតិ​អាមេរិកាំង​។

មនុស្ស​ដែល​ធ្លាប់​ឈឺក្បាល​ពិតជា​បាន​ដឹងថា​ក្នុង​ការបង្ការ​មួយដង​អាច​មាន​តម្លៃ​ស្មើរ​នៃ​ការព្យាបាល​១០​ដង​។ ដោយ​ការឈឺ​ក្បាល​ជាច្រើន​ត្រូវ​បាន​បង្កឡើង​ដោយ​ភាព​តានតឹង វិធានការ​ជាច្រើន​ដើម្បី​បង្ការ​គឺ​ផ្តោត​ការយកចិត្តទុកដាក់​តែ​នៅលើ​ការដោះស្រាយ​ភាព​តានតឹង​។ នេះ​គឺជា​អ្វី​ដែល​អ្នក​ជំនាញ​របស់​យើង​បាន​ណែនាំ​៖


១ ដកដង្ហើម​ជ្រៅៗ ការដកដង្ហើម​ជ្រៅៗ​គឺជា​វិធី​ក្នុង​ការបន្ថយ​ភាព​តានតឹង​ដ៏​អស្ចារ្យ​។ លោក​បណ្ឌិត​Sheftell បាន​និយាយថា “​វា​ជា​ការត្រឹមត្រូវ​ប្រសិនបើ​ពេល​ដកដង្ហើម​ពោះ​របស់​អ្នក​មាន​ចលនា​ច្រើន​ជាង​ទ្រូង​របស់​អ្នក​”​។​

២ ធ្វើ​ការសង្កេត​លើ​រាងកាយៈ លោក​បណ្ឌិត​Sheftell​បាន​ស្នើ​អោយ​ពិនិត្យមើល​ដោយ​ខ្លួនឯង​អំពី​សញ្ញា​ដែល​ធ្វើអោយ​អ្នក​មាន​ភាព​តានតឹង និង​ជា​ហេតុ​ធ្វើអោយ​ឈឺក្បាល​ដូច​ជា​ការ​ខាំធ្មេញ​អោយ​ខ្លាំង ក្តាប់ដៃ​អោយ​ណែន ពើង​ស្មា​ទៅ​មុខ​ជា​ដើម​។​

​មាន​ពេល​សប្បាយ​យ​រីករាយៈ  “​ប្រសិនបើ​មនុស្ស​រស់​នៅ​ដោយ​ភាព​តប់ប្រមល់​ពេក​ហើយ​អ្នក​អាច​មើលឃើញ​ថា​មនុស្ស​ទាំងនោះ​គឺ​ពួកគេ​ហាក់ដូចជា​មាន​ការ​ជ្រួញ​ចិញ្ចើម​ជាប់​ជានិច្ច​។ ហើយ​ប្រហែលជា​ឆ្ងល់​ថា​ហេតុអ្វី​បានជា​ពួកគេ​មាន​ការឈឺ​ក្បាល​ជាប់​ជានិច្ច​។​

៤ គេ​ង​បាន​ត្រឹមត្រូវៈ គេង​នៅក្នុង​ទីតាំង​មាន​លក្ខណៈ​ឆ្គង ឬ​គេង​ផ្កាប់​អាច​បណ្តាលអោយ​សាច់ដុំ​ក​របស់​អ្នក​កន្ត្រាក់ និង​បណ្តាលអោយ​ឈឺក្បាល​។ គេង​ផ្ងារ​អាចជួយ​បាន​។​នេះ​ជា​ប្រសាស៏រប​ស់​លោក​បណ្ឌិត​Diamond​។​

៥ កុំ​គេង​ច្រើនពេកៈ ការ​គេង​អាច​ធ្វើអោយ​មាន​អារម្មណ៍​ថា​បាន​សម្រាក ប៉ុន្តែ​វា​មិនមែនជា គំនិតល្អ​នោះទេ​។ ចៀសវាង​ការ​គេង​ច្រើនពេក​។​

៦ ការធ្វើ​លំ​ហាត់ប្រាណ​ដើម្បី​ការពារៈ “​ធ្វើ​លំ​ហាត់ប្រាណ​គឺជា​វិធានការ​ដ៏​មាន​ប្រយោជន៍​ដើម្បី​បង្ការ​។ ធ្វើ​ចលនា​រាងកាយ​របស់​អ្នក​គឺជា​វិធី​ដ៏​ល្អ​មួយ​ដើម្បី​បញ្ចៀស​សភាព​តានតឹង​។​

៧ ពិនិត្យ​ការ​ទទួលទាន​ជាតិ​កាហ្វេ​អ៊ី​ន​របស់​អ្នកៈ ញ៉ាំ​ជាតិ​កាហ្វេ​អ៊ី​ន​ច្រើនពេក​ក៏​នឹង​ធ្វើអោយ​អ្នក​ឈឺក្បាល​ផងដែរ​។​ដូច្នេះ​ព្យាយាម​ដើម្បី​កំណត់ ដោយ​ខ្លួនឯង​នូវ​កម្រិត​កាហ្វេ​ដែល​អ្នក​ញ៉ាំ​ត្រឹមតែ​ពី​រពែង​ក្នុង​មួយ​ថ្ងៃ​៕