Join with Health.com.kh on Telegram

ព័ត៌មាន​ដ៏​ល្អ​មួយ​សំរាប់​ស្ត្រី​ដែល​មាន​អាយុ​ ៣០​ ឆ្នាំ​ និង​ ចាស់​ជាង​នេះ​ ដែល​បាន​ទទួលលទ្ធផល​ល្អ​បន្ទាប់​ពី​ការ​ធ្វើតេស្ត​រក​ជំងឺមហារីក​មាត់ស្បូន​ (cervical​ cancer​ tests)​ ចំនួន​ពីរ​ដង​រួច​មក​ ឥឡូវនេះ​មាន​សុវត្ថិភាព​ហើយ​,​ បាន​ន័យ​ថា​ ពួក​គេ​អាច​រង់ចាំ​ដល់​ ៣​ ឆ្នាំ​ទៀត​ទើប​ធ្វើតេស្ត​នេះ​ម្តងទៀត​ (​ពី​មុន​តែ​ ១​ ឆ្នាំ​ ពួ​គ​គេ​ត្រូវធ្វើ​តេស្ត​នេះ​ឡើង​វិញ​)​។​នេះ​បើ​តាម​ការ​សិក្សា​ថ្មី​មួយ​ទើបនឹង​ចេញផ្សាយ​ ។​

លោក​វេជ្ជបណ្ឌិត​ Charles​ Capen,​ នាយក​ផ្នែក​រោគ​ស្ត្រី​ /​ ផ្នែក​មហារីក​វិទ្យា​ (gynecology/oncology)​ នៅ​ឯ​មជ្ឈមណ្ឌល​ថែទាំ​សុខភាព​ Scott​ &​ White​ ក្នុង​រដ្ឋ​ Texas​ បាន​និយាយ​ថា​ ៖​ ការ​រក​ឃើញ​នេះ​ហាក់ដូចជា​គ្មាន​ការ​ជំទាស់​ ឬ​ ការ​តវ៉ា​អ្វី​ឡើយ​ ។​ វា​ជា​សេចក្តីណែនាំ​ថ្មី​មួយ​ ដែល​ផ្តល់​ជា​ព៍​ត៌​មាន​ដល់​ស្ត្រី​ដែល​មាន​អាយុ​ ៣០​ ឆ្នាំ​ និង​ ច្រើន​ជាង​នេះ​ អោយ​ទទួល​ការ​ធ្វើតេស្ត​ Pap​ smear​ និង​ តេស្ត​រក​វីរុស​ដែល​ធ្វើ​អោយ​មាន​ជំងឺមហារីក​មាត់ស្បូន​ ក្នុង​រយៈពេល​ ៣​ ឆ្នាំ​ម្តង​ ប្រសិនបើ​លទ្ធផល​នៃ​តេស្ត​ទាំង​ពីរ​នេះ​ល្អ​ គឺ​មាន​ន័យ​ថា​ negative​ result​ ។​

យោង​ទៅ​តាម​ វិទ្យាស្ថាន​ជាតិ​នៃ​ជំងឺមហារីក​របស់​សហរដ្ឋអាមេរិក​ (National​ Cancer​ Institute)​ បានអោយ​ដឹង​ថា​ ៖​ មិន​ដូច​គ្នា​ទៅ​នឹង​ជំងឺមហារីក​ដទៃ​ទៀត​ទេ​,​ ជំងឺមហារីក​មាត់ស្បូន​ (cervical​ cancer)​ គឺជា​ជំងឺ​មួយ​ដែល​មានកា​រវិ​វ​ត្តិ​ ឬ​ ការ​រីក​ដុះដាល​យឺតៗ​ (slow-growing),​ ហើយ​ប្រសិនបើ​យើង​អាច​រក​វា​ទាន់​ពេលវេលា​ នោះ​ការ​ព្យាបាល​អោយ​ជា​ពិតជា​អាច​ធ្វើ​ទៅ​បាន​ ។​

លោក​វេជ្ជបណ្ឌិត​ Therese​ Bevers,​ នាយក​មជ្ឈមណ្ឌល​ការពារ​ប្រឆាំង​នឹង​ជំងឺមហារីក​ (Cancer​ Prevention​ Center)​ នៃ​សាកលវិទ្យាល័យ​ បាន​យល់​ស្រប​ជាមួយនឹង​ការ​រក​ឃើញ​នេះ​ ដោយ​លោក​បាន​និយាយ​ថា​ ៖​ “​ការ​សិក្សា​ថ្មី​នេះ​បាន​បញ្ជាក់​យ៉ាង​ច្បាស់​ទៅ​លើ​ការ​ណែនាំ​ចុង​ក្រោយ​គេ​ (latest​ guidelines​ )​ ។​ វា​ពិតជា​អស្ចារ្យ​ណាស់​ ដែល​វា​អាច​ផ្តល់​ជា​ទំនុកចិត្ត​ចំពោះ​គ្រូពេទ្យ​ ក៏​ដូច​ជា​ស្ត្រី​នៅ​គ្រប់​ទីកន្លែង​ទាំងអស់​អោយ​មាន​ភាព​កក់ក្តៅ​ចំពោះ​ស្ថានភាព​ជំងឺ​របស់​ពួក​គេ​”​ ។​

លោក​វេជ្ជបណ្ឌិត​ Bevers​ បាន​បន្ថែម​ ៖​ យើង​សង្ឃឹម​យ៉ាង​មុតមាំ​ថា​វា​នឹង​អាច​ជំរុញ​អោយ​វេជ្ជបណ្ឌិត​ជា​ច្រើន​អនុវត្តន៍​ទៅ​តាម​សេចក្តីណែនាំ​ខាងលើ​នេះ​ (guidelines)​ ពីព្រោះ​តាម​រយៈ​អង្កេត​មើល​ថ្មីៗ​នេះ​បាន​បង្ហាញ​ថា​ វេជ្ជបណ្ឌិត​ជា​ច្រើន​ទទូច​អោយ​អ្នកជំងឺ​ធ្វើតេស្ត​ប៉ាប​ (Pap​ test)​ ជា​ច្រើន​ដង​,​ គឺ​ច្រើន​ជាង​ការ​ដែល​គេ​បាន​ណែនាំ​ (​ឧទាហរណ៍​ដូច​ជា​ មួយ​ដង​ ក្នុង​មួយ​ឆ្នាំ​)​ ។​

ការ​សិក្សា​នេះ​នឹង​ត្រូវ​បាន​គេ​បង្ហាញ​នៅ​ក្នុង​កិច្ចប្រជុំ​ប្រចាំឆ្នាំ​នៃ​សមាគម​គ្លីនិក​មហារីក​វិទ្យា​អា​មេ​រិ​ក​(​ American​ Society​ of​ Clinical​ Oncology)​ ដែល​នឹង​ប្រព្រឹត្ត​នៅ​ខែ​ មិថុនា​ ក្នុង​រដ្ឋ​ ឈី​កា​ហ្កោ​ ។​

ការ​ប្រឈម​មុខ​នៃ​ជំងឺមហារីក​មាត់ស្បូន​ (cervical​ cancer)​ គឺ​គេ​អាច​វាយតំលៃ​តាម​រយៈ​ ការ​ធ្វើតេស្ត​ពីរ​ផ្សេង​គ្នា​ ៖​
-​ តេស្ត​ Pap​ smear,​ ដែល​អ្នក​ស្រាវជ្រាវ​រក​ភាព​មិនធម្មតា​នៅ​ក្នុង​កោសិកា​មាត់ស្បូន​ (abnormalities​ in​ cervical​ cells)​
-​ តេស្ត​ថ្មី​មួយទៀត​ ដែល​ស្គាល់​នូវ​ DNA​ របស់​វីរុស​ ដែល​ជា​មូលហេតុ​ចម្បង​នៃ​ ជំងឺមហារីក​មាត់ស្បូន​ :​ human​ papillomavirus​ ឬ​ HPV​ ។​ ការ​ពិនិត្យ​នេះ​គឺ​ចាត់​ទុកដូចជា​ ការ​ធ្វើតេស្ត​ HPV​ ដែរ​ ។​

ការ​សិក្សា​នេះ​បាន​ទទួល​ការ​ចូលរួម​ពី​ស្ត្រី​ចំនួន​ ៣៣០.០០០​ នាក់​ មក​ពី​ភាគ​ខាងជើង​នៃ​រដ្ឋ​ California​ ដែល​ជា​អ្នក​បាន​ទទួល​ការ​ធ្វើតេស្ត​ទាំង​ពីរ​ប្រភេទ​ក្នុង​អំឡុង​ឆ្នាំ​ ២០០៣​ និង​ ២០០៥​ ហើយ​ក៏​បន្ត​ការ​ធ្វើតេស្ត​នេះ​ម្តងទៀត​ក្នុង​រយៈពេល​ ៥​ បន្ទាប់​មក​ទៀត​ ។​

គេ​វាយតំលៃ​ឃើញ​ថា​ ការ​ប្រមុខ​ទៅ​នឹង​កា​រវិ​វ​ត្តិ​នៃ​ជំងឺមហារីក​មាត់ស្បូន​ (risk​ for​ developing​ cervical​ cancer)​ ក្នុង​រយៈពេល​ ៥​ ឆ្នាំ​នេះ​ ៖
-​ គឺ​មាន​តែ​ ៧,៥​ នាក់​ ប៉ុណ្ណោះ​ ក្នុង​ចំនោម​ស្ត្រី​ចំនួន​ ១០០.០០០​ នាក់​ ចំពោះ​អ្នក​ដែល​មាន​តេស្ត​ Pap​ smears​ ធម្មតា​
-​ ហើយ​ទាប​ខ្លាំង​គឺ​ ៣,៨​ នាក់​ក្នុង​ចំនោម​ស្ត្រី​ ១០០.០០០​ នាក់​ ចំពោះ​អ្នក​ដែល​គ្មាន​មេរោគ​ HPV​ (negative​ on​ the​ HPV​ test)​ ។​

នៅ​ពេល​ដែល​គេ​ធ្វើតេស្ត​ទាំង​ពីរ​ព្រម​គ្នា​ ហើយ​ទទួល​បាន​លទ្ធផល​ល្អ​នោះ​ (​គឺ​ negative​ results),​ ការ​ប្រឈម​មុខ​នៃ​ជំងឺមហារីក​មាត់ស្បូន​មាន​តែ​ ៣,២​ ក្នុង​ចំនោម​ស្ត្រី​ចំនួន​ ១០០.០០០​ នាក់​,​ ដែល​មាន​ន័យ​ថា​ ការ​ធ្វើតេស្ត​ HPV​ តែឯង​គឺ​វា​ស្ទើរតែ​ល្អ​ និង​ គ្រប់គ្រាន់​ដូច​ការ​ធ្វើតេស្ត​ទាំង​ពីរ​ព្រម​គ្នា​ទៅ​ហើយ​ ។