ការរមាស់ស្បែក(pruritus)គឺជារឿងមួយដែលនាំអោយពិបាកទ្រាំ។វាធ្វើអោយមានអារម្មណ៍មួម៉ៅដែលអាចធ្វើអោយមានការអេសរហូតដល់ដាច់ស្បែក។ វាជារឿងធម្មតានោះទេ។ នៅពេលដែលអ្នករមាស់, អ្នកអេស។ ប៉ុន្តែរមាស់ស្បែកអាចមានមូលហេតុជាច្រើនដែលបង្កឡើង។ ការរមាស់ស្បែកអាចជាលទ្ធផលនៃជំងឺផ្សេងៗដូចជា ជំងឺស្បែកម្យ៉ាងដែលភាសាអង់គ្លេសហៅថា psoriasis។ ឬក៏រមាស់ស្បែកអាចជារោគសញ្ញាមួយនៃជំងឺសរីរាង្គខាងក្នុងដូចជា ជំងឺថ្លើម ឬជំងឺខ្សោយតម្រងនោម។ ទោះជាអ្នករមាស់, ស្បែករបស់អ្នកអាចលេចឡើងនូវសភាពធម្មតា។ ឬវាអាចមានគួបផ្សំនឹង ក្រហម, ស្បែករលោង ឬហើម។
ការកំណត់សម្គាល់ និងការព្យាបាលទៅតាមមូលហេតុនៃស្បែកឡើងរមាស់គឺជារឿងសំខាន់ដែលបន្ថយការឈឺចាប់ដោយប្រើរយៈពេលយូរ។ ការព្យាបាលនៃការរមាស់ស្បែករួមមានថ្នាំ, សម្លៀកបំពាក់សើម និងការព្យាបាលដោយពន្លឺ។
គ្រូពេទ្យនិយាយថា វិធានការនៅតាមផ្ទះដូចជាការប្រើផលិតផលប្រឆាំងនឹងការរមាស់ និងការងូតទឹកត្រជាក់អាចជួយអ្នកបានខ្លះ។
រោគសញ្ញាដែលលេចចេញជាមួយការរមាស់ស្បែក
ការរមាស់ស្បែកអាចកើតមានលើតំបន់ដ៏តូចមួយដូចជា នៅលើដៃ ឬជើងឬក៏ពេញខ្លួន។ ការរមាស់ស្បែកអាចកើតមានឡើងដោយគ្មានការផ្លាស់ប្តូរនៅលើស្បែកអ្វីដែលគួរអោយកត់សម្គាល់។ វាក៏អាចមានការគួបផ្សំជាមួយនឹងៈ
-ក្រហម
-កន្ទួល មានស្នាមអុជ ឬពងបែក
-ស្បែកស្ងួត ឬប្រេះស្បែក
ជួនកាល ការរមាស់នេះអាចមានរយៈពេលយូរ និងអាចរមាស់ខ្លាំង។ នៅពេលដែលអ្នកកេះ ឬអេសនៅតំបន់នោះ, វាអាចនឹងរមាស់ទៅៗ។ វារមាស់ប៉ុណ្ណា, អ្នកនឹងអេសប៉ុណ្ណឹង។
នៅពេលណាដែលអ្នកគួរជួបនឹងគ្រូពេទ្យ
ជួបនឹងគ្រូពេទ្យ ឬពិគ្រោះជាមួយអ្នកឯកទេសខាងជំងឺស្បែកប្រសិនបើការរមាស់នេះ:
-យូរជាងពីរសប្តាហ៍ និងមិនបានប្រសើរឡើងដោយការព្យាបាលនៅផ្ទះ
-រមាស់ខ្លាំងទៅៗ និងមិនមានភាពងាយស្រួល និងធ្វើអោយប៉ះពាល់សកម្មភាពប្រចាំថ្ងៃរបស់អ្នក ឬធ្វើអោយអ្នកដេកមិនលក់
-មិនអាចពន្យល់បាន
-ប៉ះពាល់ដល់ខ្លួនទាំងមូលរបស់អ្នក
-គួបផ្សំនឹងរោគសញ្ញាដទៃទៀតដូចជា អស់កម្លាំងខ្លាំង, ចុះទម្ងន់, ក្តៅខ្លួន ឬមានភាពក្រហមនៅលើស្បែក។
មូលហេតុនាំអោយរមាស់ស្បែក
ស្បែកស្ងួត
ការរមាស់ស្បែកដែលមិនត្រូវបានគួបផ្សំដោយការផ្លាស់ប្តូរសភាពស្បែកជាក់ស្តែងដូចជា កន្ទួលក្រហម, គឺវាជារឿយៗបំផុតបង្កឡើងដោយស្បែកស្ងួត(xerosis)។ ស្បែកស្ងួតជាធម្មតាជាលទ្ធផលពីកត្តាបរិស្ថានដែលនៅជុំវិញអ្នក។ កត្តាទាំងនេះរួមមាន ធាតុអាកាសក្តៅ ឬត្រជាក់ជាមួយនឹងកំរិតសើមទាបពេក, ការប្រើប្រាស់យូរពេកនៃម៉ាស៊ីនត្រជាក់ ឬម៉ាស៊ីនកំដៅ និងលាងសំអាត ឬងូតទឹកច្រើនពេក។
មូលហេតុដទៃទៀតដែលអាចកើតមានបាន
ជំងឺដទៃទៀតដូចជា ជំងឺស្បែក, អាឡែរហ្ស៊ី និងប្រតិកម្មដោយថ្នាំអាចបណ្តាលអោយស្បែកមានការរមាស់។
-ជំងឺស្បែកៈ ជំងឺស្បែកជាច្រើនអាចបណ្តាលអោយស្បែករមាស់ រួមមាន ការរលាកស្បែក, ជំងឺស្បែក psoriasis, ជំងឺកមរមាស់ជាដើម។ ក្នុងករណីទាំងនេះ, ការរមាស់ជាធម្មតាអាចប៉ះពាល់ទៅតំបន់ដែលជាក់ច្បាស់ និងត្រូវបានគួបផ្សំដោយរោគសញ្ញាដទៃទៀតដូចជា ឡើងក្រហម និងពងបែកជាដើម។
ជំងឺទាក់ទងនឹងសរីរៈ ខាងក្នុងដែលទាំងនេះរួមមាន ជំងឺថ្លើម, ជំងឺខ្សោយតម្រងនោម, ភាពស្លេកស្លាំងដោយសារខ្វះជាតិដែក, ជំងឺក្រពេញទីរ៉ូអ៊ីត និងមហារីក ដែលរួមមាន មហារីកឈាមជាដើម។ ក្នុងករណីទាំងនេះ, ការរមាស់ជាធម្មតាប៉ះពាល់ទៅលើខ្លួនប្រាណទាំងមូលជាជាងប៉ះពាល់តែម្តុំណាមួយដែលជាក់ច្បាស់។ ស្បែកមើលទៅហាក់ដូចជាខុសប្លែកពីធម្មតា លើកលែងតែកន្លែងដែលត្រូវបានអេស។
-ជំងឺលើសរសៃវិញ្ញាណ ជំងឺដែលប៉ះពាល់លើប្រព័ន្ធសរសៃវិញ្ញាណរួមមានជំងឺ , ជំងឺទឹកនោមផ្អែមជាដើមអាចបណ្តាលអោយរមាស់។
-ប្រតិកម្មអាឡែហ្ស៊ី ដែលមានរោមសត្វ, សារធាតុគីមី, សាប៊ូ និងសារធាតុដទៃទៀតដែលអាចអោយឈឺលើស្បែក និងបណ្តាលអោយរមាស់។ ជួនកាលសារធាតុមួយចំនួនបណ្តាលអោយមានប្រតិកម្មអាឡែហ្ស៊ីផងដែរដូចជា ការកែសម្ផស្ប។ ការអាឡែហ្ស៊ីនឹងអាហារក៏អាចបណ្តាលអោយមានការរមាស់ស្បែកផងដែរ។
-ថ្នាំៈ ប្រតិកម្មទៅនឹងថ្នាំ ដូចជា ថ្នាំអង់ទីប៊ីយោទិច, ថ្នាំប្រឆាំងនឹងពពួកផ្សិត ឬថ្នាំបំបាត់ការឈឺចាប់ អាចបណ្តាលអោយរមាស់។
-ការមានផ្ទៃពោះ:ស្ត្រីមួយចំនួនដែលធ្លាប់មានការរមាស់លើស្បែកអំឡុងពេលមានផ្ទៃពោះ ជាពិសេសនៅលើពោះ, ភ្លៅ, សុដន់ និងដៃ។ ជំងឺស្បែកមួយចំនួនដូចជាdermatitis (រលាកស្បែក)រឹតតែធ្ងន់នៅអំឡុងពេលមានផ្ទៃពោះ។
ផលវិបាក
ការរមាស់ និងអេសយូរអាចធ្វើអោយមានការកើនឡើងកំរិតនៃការរមាស់, ហើយវាក៏អាចនាំអោយមានមានជំងឺneurodermatitis។neurodermatitis
ជាជំងឺមួយដែលតំបន់នៃស្បែកដែលអេសជាញឹកញាប់នោះក្លាយជាក្រាស់ឡើងគ្រាំងដូចស្បែកសត្វ។ ការបន្តអេសអាចនាំអោយមានការឆ្លងបាក់តេរីតាមស្បែក និងធ្វើអោយសន្លាករហូត ឬមានការផ្លាស់ប្តូរពណ៌ស្បែក។
ត្រៀមខ្លួនដើម្បីការណាត់ជួបគ្រូពេទ្យ
តើអ្នកអាចធ្វើអ្វីបាន
-សូមកត់ទុកគ្រប់រោគសញ្ញាទាំងអស់នៅពេលដែលវាលេចចេញឡើង និងរយៈពេលប៉ុន្មានដែលវាចេញនោះហើយបង្កើតនូវតារាងនៃថ្នាំទាំងអស់ រួមមានវីតាមីន, ថ្នាំបុរាណ ឬថ្នាំដែលលក់លើទីផ្សារដែលអ្នកបានលេប។
-សរសេរសំនួរដែលអ្នកចង់សួរទៅគ្រូពេទ្យ និងកុំខ្លាចក្នុងការសួរសំនួរផ្សេងៗអំឡុងពេលពិគ្រោះ។ ចំពោះការរមាស់ស្បែក, សំនួរដែលអ្នកអាចសួររួមមានៈ
-តើអ្វីដែលធ្វើអោយមានរោគសញ្ញានេះឡើង?
-តើចាំបាច់ធ្វើតេស្តបញ្ជាក់ពីរោគវិនិច្ឆ័យឬទេ?
-តើរោគសញ្ញាអ្វីដែលអាចបណ្តាលអោយមានរោគសញ្ញាទាំងនេះ?
-តើចំពោះស្ថានភាពដូចខ្ញុំនេះគ្រាន់មានតែមួយរយៈ ឬវិវត្តន៍ទៅរុំារ៉ៃ?
-ខ្ញុំគួរធ្វើដូចម្តេចទើបល្អ?
-តើមានអ្វីដើម្បីការស្នើសុំអ្វីផ្សេងទៀតដែលអ្នកនឹងសំណូមពរ?
-តើខ្ញុំត្រូវការវេជ្ជបញ្ជាថ្នាំ ឬខ្ញុំអាចប្រើថ្នាំលើទីផ្សារដើម្បីព្យាបាលនូវស្ថានភាពរបស់ខ្ញុំដែរឬទេ?
-តើលទ្ធផលអ្វីដែលខ្ញុំអាចរំពឹងទុក?
-តើខ្ញុំអាចចាំមើលថាតើលក្ខខ័ណ្ឌនេះអាចបាត់ទៅវិញដោយខ្លួនវាទេ?
តើអ្នករំពឹងអ្វីពីគ្រូពេទ្យរបស់អ្នក
គ្រូពេទ្យអាចចាប់ផ្តើមសាកសួរប្រវត្តិជំងឺរបស់អ្នក និងសួរសំនួរមួយចំនួនដូចជាៈ
-តើអ្នកចាប់ផ្តើមមានរោគសញ្ញាទាំងនេះដំបូងចាប់ពីពេលណាមក?
-តើស្បែករបស់អ្នកមើលទៅយ៉ាងដូចម្តេចនៅពេលដែលរោគសញ្ញារបស់អ្នក ចាប់ផ្តើមមានដំបូង?
-តើរោគសញ្ញារបស់អ្នកផ្លាស់ប្តូរជារៀងរាល់ពេល?
-ប្រសិនបើមាន, តើអ្វីដែលធ្វើអោយរោគសញ្ញារបស់អ្នកអាក្រក់ទៅៗ?
-ប្រសិនបើមាន, តើអ្វីដែលធ្វើអោយរោគសញ្ញារបស់អ្នកល្អប្រសើរទៅៗ?
-តើការព្យាបាលនៅផ្ទះអ្វីដែលអ្នកបានសាកល្បង?
-តើវេជ្ជបញ្ជា និងថ្នាំតាមទីផ្សារអ្វីដែលអ្នកបានលេប?
-ថ្មីៗនេះ អ្នកបានដើរកំសាន្តនៅទីណាទេ?
-តើរបបអាហាររបស់អ្នកយ៉ាងណាដែរ?
តើអ្នកមានការទាក់ទងជាមួយនឹងបរិស្ថានដូចជា ប៉ះជាមួយសត្វ ឬសំភារៈផ្សេងៗនៅកន្លែងធ្វើការ ឬផ្ទះឬទេ?
