Join with Health.com.kh on Telegram

ហេតុ​អ្វី​បានជា​ស្មងជើង​ និង​ប្រអប់ជើង​របស់ខ្ញុំ​ហើម​ខ្លាំង​?
ការ​ហើម​មាន​ន័យ​ថា​មាន​ដក់​ទឹក​ច្រើន​នៅ​ក្នុង​ជាលិការ​របស់​អ្នក​ ។​ វា​គឺជា​រឿង​ធម្មតា​ទេ​ ដែល​ស្ត្រី​មាន​ផ្ទៃពោះ​កើត​មាន​អាកា​រៈ​ហើមជើង​ ព្រោះ​ក្នុង​ខ្លួន​របស់​ពួក​គេ​សល់​ជាតិ​ទឹក​ច្រើន​ក្នុង​ខ្លួន​ ។​

ការ​ប្រែប្រួល​សារធាតុ​គីមី​នៅ​ក្នុង​ឈាម​ក៏​បណ្តាល​អោយ​ជ្រាប​ជាតិ​ទឹក​មួយ​ចំនួន​ទៅ​ក្នុង​ជាលិការ​បាន​ដែរ​ ។​
លើស​ពី​នេះ​ទៅ​ទៀត​ ការ​ធំ​លូតលាស់​នៃ​ស្បូន​គឺជា​ការ​ដាក់​សម្ពាធ​ទៅ​លើ​សរសៃ​ឈាមវ៉ែន​ និង​វ៉ែនកាវ​ (​សរសៃ​វ៉ែន​ធំៗ​នៅ​ប៉ែក​ខាងស្តាំ​នៃ​រាង​កាយ​សម្រាប់​នាំ​ឈាម​ពី​អវយវៈ​ខាងក្រោម​ត្រលប់​ទៅ​បេះដូង​)​ នៅ​ក្នុង​អាង​ត្រគៀក​ ។​ សម្ពាធ​ឈម​របស់​ស្បូន​ធ្វើ​អោយ​លំហូរ​ឈាម​ត្រលប់​ពី​ជើង​ទៅ​បេះដូង​មានការ​ថយ​ចុះ​ ដែល​វា​ជា​ហេតុ​បង្កើត​បានជា​ថ្នក់​រុញ​ទឹក​ចេញពី​សរសៃ​វ៉ែន​ចូល​ទៅ​ក្នុង​ជាលិការ​ប្រអប់ជើង​ និង​កែងជើង​ ។​ ការ​ហើម​បែប​នេះ​ច្រើន​កើត​ក្នុង​ត្រីមាស​ទី​បី​ ជា​ពិសេស​ជិត​ដល់​ថ្ងៃ​សម្រាល​ ។​

អ្នក​ក៏​អាច​ជួយ​បន្ថយ​សម្ពាធ​លើ​សរសៃ​ឈាមវ៉ែន​បាន​តាម​រយៈ​ការ​ដេក​ចំហៀង​ ។​ ដោយសារ​តែ​សរសៃ​វ៉ែនកាវ​ស្ថិត​នៅ​ខាងស្តាំ​នៃ​រាង​កាយ​ ការ​ដេក​ចំហៀង​ទៅ​ខាងឆ្វេង​គឺជា​ការ​ប្រសើ​បំផុត​ ។​

បន្ទាប់​ពី​អ្នក​បាន​សម្រាល​រួច​ ការ​ហើម​នឹង​បាត់​ទៅ​វិញ​យ៉ាង​លឿន​ដោយសារ​តែ​រាង​កាយ​របស់​អ្នក​បញ្ចេញ​ជាតិ​ទឹកបាន​ច្រើន​ ។​ អ្នក​ប្រហែលជា​ដឹង​ខ្លួនឯង​ថា​នោម​ញឹក​ និង​បែកញើស​ច្រើន​ក្នុង​ថ្ងៃ​ដំបូង​ក្រោយ​សម្រាល​រួច​ ។​

តើ​ពេល​ណា​ដែល​ខ្ញុំ​គួរតែ​បារម្ភ​ពី​ការ​ហើម​នេះ​?
ការ​ហើម​លើ​កែងជើង​ និង​ប្រអប់ជើង​គឺជា​រឿង​ធម្មតា​ដែល​ស្ត្រី​មាន​ផ្ទៃពោះ​គ្រប់​រូប​កើត​មាន​ ។​ អ្នក​ក៏​អាច​មាន​អាកា​រៈ​ហើម​តិចតួច​នៅ​លើ​ប្រអប់ដៃ​ផង​ដែរ​ ។​
ចូរ​ទូរស័ព្ទ​ទៅ​ឆ្មប​ ឬ​គ្រូពេទ្យ​ប្រសិនបើ​អ្នករក​ឃើញ​ថា​មានការ​ហើម​នៅ​លើ​មុខ​ ឬ​ជុំវិញ​ភ្នែក​ ដែល​ការ​ហើម​នោះ​វា​ខ្លាំង​ជាង​ការ​ហើម​លើ​ប្រអប់ដៃ​ ហើម​ខ្លាំង​ ឬ​ហើម​ភ្លាមៗ​លើ​ប្រអប់ជើង​ និង​កែងជើង​របស់​អ្នក​ ។​ សញ្ញា​ទាំងនេះ​អាច​ជា​សញ្ញា​នៃ​ការ​ត្រៀម​នឹង​ក្រឡាភ្លើង​ ដែល​ជា​អាកា​រៈ​មួយ​ធ្ងន់ធ្ងរ​ ។​
អ្នក​ក៏​ត្រូវ​ទូរស័ព្ទ​រក​ពេទ្យ​ ផង​ដែរ​ប្រសិនបើ​អ្នករក​ឃើញ​ថា​ជើង​របស់​អ្នក​ម្ខាង​ហើម​ខ្លាំង​ជាង​ម្ខាង​ទៀត​ ជា​ពិសេស​ការ​មាន​អាកា​រៈ​ឈឺចាប់​ផ្សេងៗ​លើ​ស្មងជើង​ ឬ​ភ្លៅ​ ។​

តើ​ខ្ញុំ​អាច​ធ្វើ​អ្វី​បាន​ដើម្បី​កាត់​បន្ថយ​ការ​ហើម​នេះ​?
នេះ​គឺជា​ជំហាន​ពីរ​បី​ចំនុច​សម្រាប់​អ្នក​គួរតែ​អនុវត្ត​៖
•​    ​លើកជើង​របស់​អ្នក​ឡើង​អោយ​ខ្ពស់​តាមតែ​អាច​ធ្វើ​ទៅ​បាន​ ។​ នៅផ្ទះ​ ចូរ​ដេក​ផ្អៀង​ទៅ​ខាងឆ្វេង​អោយ​បាន​ច្រើន​ដង​តាមតែ​អាច​ធ្វើ​បាន​ ។​
•​    ​មិន​ត្រូ​ង​អង្គុយពែនភ្នែន​ទេ​
•​    ​ពេល​អង្គុយ​ត្រូវ​សណ្តូកជើង​អោយ​បាន​ញឹក​។​ ចូរ​ប​ង្វឹ​លក​ជើង​អោយ​បាន​ច្រើន​ដង​ ។​
•​    ​ឧស្ស​ហ៍​ងើប​អង្គុយៗ​អោយ​ទៀងទាត់​ ។​ ការ​ដើរ​រយៈ​ចំងាយ​ខ្លី​ជា​រៀង​រាល់ពេល​អាច​ជួយ​រក្សា​លំហូរ​ឈាម​បាន​ល្អ​ ។​
•​    ​ពាក់​ស្បែកជើង​អោយ​បាន​ត្រឹមត្រូវ​ដោយ​ធ្វើ​យ៉ាងណា​កុំអោយ​ហើម​កាន់តែ​ខ្លាំង​ ។​
•​    ​មិន​ត្រូវ​ពាក់​ស្រោមជើង​ណា​ដែល​ធ្វើ​អោយ​រឹត​ខ្លាំង​លើកជើង​ ឬ​ស្មងជើង​នោះ​ទេ​ ។​
•​    ​ទទួលទាន​ទឹក​អោយ​បាន​ច្រើន​ ។​ អ្វី​ដែល​គួរ​អោយ​ភ្ញាក់ផ្អើល​នោះ​គឺ​ ការ​ធ្វើ​ដូច្នេះ​ជួយ​កុំអោយ​ខ្លួន​របស់​យើង​ស្តុក​ទឹក​ច្រើន​ពេក​ ។​
•​    ​ហាត់ប្រាណ​អោយ​ទៀងទាត់​ ជា​ពិសេស​តាម​រយៈ​ការ​ដើរ​ ហែល​ទឹក​ ឬ​ការ​ជិះ​កង់​ ។​
•​    ​បរិភោគ​អោយ​បាន​គ្រប់គ្រាន់​ ហើយ​ចៀសវាង​អាហារ​ណា​ដែល​មិនល្អ​ចំពោះ​សុខភាព