Join with Health.com.kh on Telegram

​ការដែល​មិន​អាច​បំពេញ​មុខងារ ឬ​ការងារ​នៅ​ពេល​ថ្ងៃ​បាន​គឺជា​រោគសញ្ញា​នៃ​អាការៈដេក​មិន​លក់ដែល​កើតមាន​ជា​ញឹកញាប់​បំផុត​។​

​រោគសញ្ញា​ផ្សេងៗ​ទៀត​មាន​ដូចជា​៖

· អស់កម្លាំង​នៅពេល​ថ្ងៃ​

· ងងុយដេក​ពេល​ថ្ងៃ​

· អារម្មណ៍​ប្រែប្រួល​

· មិនសូវ​យកចិត្តទុកដាក់ ឬ​ផ្ចង់អារម្មណ៍​

· ថប់​អារម្មណ៍​

· មិនសូវ​បំពេញការងារ​ក្នុង​សង្គម​រស់នៅ​បាន​

· សាង​កំហុស​កាន់តែច្រើន​

​ពេល​ដែល​ត្រូវការ​គ្រូពេទ្យ​

​ជាទូទៅ ការ​ដេក​មិន​លក់​គឺជា​កត្តា​មួយ​កើតឡើង​ជា​បណ្តោះអាសន្ន​ទេ ហើយ​ក៏​បាត់​ទៅ​វិញ​ដោយ​ខ្លួនឯង​ដែរ​នៅពេល​យើង​បាន​ដោះស្រាយ​មូលហេតុ​របស់​វា​រួច​។ ទោះបីជា​យ៉ាងណា​ក៏ដោយ ការវាយតម្លៃ​ខាង​ផ្នែក​វេជ្ជសាស្ត្រ​ពី​គ្រូពេទ្យ​ប្រហែលជា​រឿង​សំខាន់​បើសិនជា​ការ​ដេក​មិន​លក់​នោះ​កើត​មាន​ជាប់​រហូត ឬ​ត្រូវ​បាន​យល់ថា​មាន​ជាប់​ទាក់ទង​នឹង​ជំងឺ ឬ​បញ្ហា​ចិត្តសាស្ត្រ​។​

​មាន​គ្រូពេទ្យ​ឯកទេស​ជាច្រើន​ដែល​អាច​វាយតម្លៃ​ដឹង និង​ព្យាបាល​អាការៈដេក​មិន​លក់ និង​ជំងឺ​ទាក់ទង​នឹង​ការ​ដេក​ផ្សេងៗ​ទៀត​បាន​។ ការ​ដេក​បាត់​ដង្ហើម​ប្រហែលជា​ត្រូវ​បាន​វាយតម្លៃ និង​ព្យាបាល​ដោយ​គ្រូពេទ្យ​ខាង​ជំងឺ​សួត ដែល​មាន​ជំនាញ​ឯកទេស​ខាង​បញ្ហា​ដេក​។ គ្រូពេទ្យ​ផ្សេងៗ​ទៀត​ដែល​វា​តម្លៃ និង​ព្យាបាល​បញ្ហា​នៃ​ការ​ដេក​គឺ អ្នកជំនាញ​ខាង​សរសៃប្រសាទ ដែល​មាន​ឯកទេស​ខាង​បញ្ហា​ដេក​។​